ਬੰਗਾ, 7 ਦਸੰਬਰ (ਸੁਰਿੰਦਰ ਸਿੰਘ ਕਰਮ ਲਧਾਣਾ) - ਬੰਗਾ 'ਚ ਕਾਂਗਰਸੀ ਆਗੂ ਮੀਨਾ ਸੂੰਢ ਨੇ ਆਪਣੇ ਘਰ 'ਤੇ ਹੋਈ ਇੱਕ ਮੀਟਿੰਗ ਵਿੱਚ 'ਆਪ' ਦੀ ਮਹਿਲਾ ਵਿੰਗ ਦੀ ਜ਼ਿਲ੍ਹਾ ਪ੍ਰਧਾਨ ਪੁਸ਼ਪਾ ਦੇਵੀ ਦਾ ਪਾਰਟੀ ਵਿੱਚ ਸਵਾਗਤ ਕੀਤਾ | ਮੀਨਾ ਸੂੰਢ ਨੇ ਕਿਹਾ ਕਿ ਪੁਸ਼ਪਾ ਦੇਵੀ ਦੇ ਪਾਰਟੀ ਵਿੱਚ ਸ਼ਾਮਲ ਹੋਣ ਨਾਲ ਬੰਗਾ ਵਿੱਚ ਔਰਤਾਂ ਸਸ਼ਕਤ ਹੋਣਗੀਆਂ | ਕਾਂਗਰਸ ਮਜ਼ਬੂਤ ਹੋਵੇਗੀ | ਬਲਾਕ ਕਮੇਟੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਵਿੱਚ ਉਨ੍ਹਾਂ ਦੇ ਤਜ਼ਰਬੇ ਨਾਲ ਪਾਰਟੀ ਨੂੰ ਫਾਇਦਾ ਹੋਵੇਗਾ | ਪਾਰਟੀ ਨੂੰ ਕਾਫ਼ੀ ਸਮਰਥਨ ਮਿਲੇਗਾ | ਇਸ ਦੌਰਾਨ ਪੁਸ਼ਪਾ ਦੇਵੀ ਨੇ 'ਆਪ' ਦੀਆਂ ਨੀਤੀਆਂ ਦੀ ਨਿੰਦਾ ਕੀਤੀ | ਉਨ੍ਹਾਂ ਨੇ ਉਨ੍ਹਾਂ 'ਤੇ ਲੋਕਾਂ ਦੀਆਂ ਭਾਵਨਾਵਾਂ ਨਾਲ ਖੇਡਣ, ਮਹਿਲਾ ਵਰਕਰਾਂ ਨੂੰ ਨਜ਼ਰ ਅੰਦਾਜ਼ ਕਰਨ ਅਤੇ ਪੱਖਪਾਤ ਕਰਨ ਦਾ ਦੋਸ਼ ਲਗਾਇਆ | ਇਸ ਮੌਕੇ ਰਾਜਪਾਲ ਰਾਜਾ ਅਟਵਾਲ, ਡਾ: ਜੈਸਮੀਨ ਸੂੰਢ, ਅਮਨਦੀਪ ਗੁਰੂ, ਹਰਬੰਤ ਸਿੰਘ ਮਕਸੂਦਪੁਰ, ਬਲਦੇਵ ਸਿੰਘ ਚੇਤਾ, ਸਤਵੀਰ ਸਿੰਘ ਪੱਲੀ ਝਿੱਕੀ, ਰਜਿੰਦਰ ਸਿੰਘ, ਤਰਸੇਮ ਸਿੰਘ, ਕੁਲਵੰਤ ਕਲੇਰਾ, ਗਿਆਨ ਸਿੰਘ, ਹਰਬੰਸ ਬਬਲੂ, ਕੁਲਵਰਨ ਸਿੰਘ ਗਿੱਲ ਬਲਾਕ ਪ੍ਰਧਾਨ, ਰਾਜਪਾਲ ਸਿੰਘ ਬਾਂਸੀ, ਸੁਰਜੀਤ ਸਿੰਘ ਬਾਂਸੀ, ਸੁਰਜੀਤ ਸਿੰਘ ਬਬਲੂ, ਡਾ. ਅਮਰਜੀਤ ਕਲਸੀ, ਹਰਬੰਤ ਸਿੰਘ, ਮੀਨਾ ਸਿੰਘ, ਜੈਸਮੀਨ, ਅਮਨਦੀਪ ਗੁਰੂ, ਗੁਰਦੀਪ ਸਿੰਘ ਸਾਬੀ, ਹਰਮੀਤ ਸਿੰਘ ਆਦਿ ਹਾਜ਼ਰ ਸਨ |
