ਸੜੋਆ, 24 ਦਸੰਬਰ (ਹਰਮੇਲ ਸਹੂੰਗੜਾ)-ਬੀਤੇ ਦਿਨੀਂ ਪਿੰਡ ਸਹੂੰਗੜਾ 'ਚ ਦੋ ਮੋਟਰਾਂ 'ਤੇ ਬਿਜਲੀ ਦੀਆਂ ਤਾਰਾਂ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸੰਤੋਖ ਸਿੰਘ ਖੇਲਾ ਨੇ ਦੱਸਿਆ ਕਿ ਸਾਡੇ ਦੋ ਪਰਿਵਾਰਾਂ ਦੀਆਂ ਖੇਤਾਂ ਵਿੱਚ ਲੱਗੀਆਂ ਮੋਟਰਾਂ ਦੀਆਂ ਤਾਰਾਂ ਨਸ਼ੇੜੀਆਂ ਵੱਲੋਂ ਵੱਢ ਕੇ ਚੋਰੀ ਕਰ ਲਈਆਂ ਹਨ | ਉਹਨਾਂ ਦੱਸਿਆ ਕਿ ਸਾਡੀ ਮੋਟਰ 'ਚੋਂ ਕਰੀਬ 20 ਫੁੱਟ ਦੀ ਤਾਰ ਅਤੇ ਸਾਬਕਾ ਸਰਪੰਚ ਸਤਨਾਮ ਸਿੰਘ ਖੇਲਾ ਉਹਨਾਂ ਦੀ ਮੋਟਰ 'ਤੇ ਕਰੀਬ 15 ਫੁੱਟ ਦੇ ਤਾਰ ਚੋਰੀ ਕਰ ਲਈ ਗਈ ਹੈ | ਸਤਨਾਮ ਸਿੰਘ ਖੇਲਾ ਦੀ ਮੋਟਰ 'ਤੇ ਇੱਕ ਪ੍ਰਵਾਸੀ ਨੇ ਦੱਸਿਆ ਕਿ ਅਸੀਂ ਸਾਰਾ ਪਰਿਵਾਰ ਮਟਰ ਤੋੜਨ ਜਾਂ ਹੋਰ ਕੰਮ ਪਿੰਡਾਂ ਵਿੱਚ ਕੰਮ ਕਰਨ ਲਈ ਚਲੇ ਗਏ ਤੇ ਆ ਕਿ ਦੇਖਿਆ ਕਿ ਮਗਰੋਂ ਤਾਰਾਂ ਵੱਢੀਆਂ ਸਨ |
