18-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-09-2025

ਹਲਕਾ ਅਮਲੋਹ ਦੇ ਪਿੰਡ ਮਛਰਾਏ ਖੁਰਦ ਦੀ ਧੀ ਨੇ ਰਚਿਆ ਇਤਿਹਾਸ, ਸੰਦੀਪ ਬਾਜਵਾ ਬਣੀ ਮਿਸਿਜ਼ ਪੰਜਾਬ ਐਮਪਰੈਸ

Ad Position 21
No active advertisement
ਅਜੀਤ ਡੈਸਕ 06-09-2025
ਅਮਲੋਹ, 5 ਸਤੰਬਰ (ਕੇਵਲ ਸਿੰਘ)-ਨਵੀਂ ਦਿੱਲੀ ਦੇ ਛਤਰਪੁਰ ਸਥਿਤ ਫੇਅਰਲੀ ਰਿਜ਼ੋਰਟ ਵਿਚ ਕਰਵਾਏ ਗਏ ਵੀ.ਜੀ. ਵਿਜ਼ਨਾਰਾ ਗਲੋਬਲ ਸੁੰਦਰਤਾ ਮੁਕਾਬਲੇ (ਮਿਸਿਜ਼ ਇੰਡੀਆ ਐਮਪਰੈਸ-ਸੀਜ਼ਨ-6) ਵਿਚ ਹਲਕਾ ਅਮਲੋਹ ਦੇ ਪਿੰਡ ਮਛਰਾਏ ਖੁਰਦ ਦੀ ਸੰਦੀਪ ਬਾਜਵਾ ਨੇ 'ਮਿਸਿਜ਼ ਪੰਜਾਬ ਐਮਪਰੈਸ 2025' ਦਾ ਖ਼ਿਤਾਬ ਜਿੱਤ ਕੇ ਸਿਰਫ਼ ਪੰਜਾਬ ਹੀ ਨਹੀਂ, ਸਗੋਂ ਦੇਸ਼ ਪੱਧਰ 'ਤੇ ਵੀ ਇਤਿਹਾਸ ਰਚਿਆ ਹੈ | ਇਹ ਖ਼ਿਤਾਬ ਜਿੱਤਣ 'ਤੇ ਉਨ੍ਹਾਂ ਦੇ ਨਜ਼ਦੀਕੀਆਂ ਵਲੋਂ ਵਧਾਈ ਦਿੱਤੀ ਗਈ | ਇਸ ਮੁਕਾਬਲੇ ਵਿਚ ਦੇਸ਼ ਦੇ 22 ਰਾਜਾਂ ਤੋਂ ਲਗਭਗ 700 ਹਿੱਸੇਦਾਰਾਂ ਨੇ ਭਾਗ ਲਿਆ ਸੀ | ਇਨ੍ਹਾਂ ਵਿਚੋਂ ਸਿਰਫ਼ 56 ਉਮੀਦਵਾਰਾਂ ਨੂੰ ਫਾਈਨਲ ਲਈ ਚੁਣਿਆ ਗਿਆ | ਗ੍ਰੈਂਡ ਫਾਈਨਲ ਦੌਰਾਨ ਸੰਦੀਪ ਬਾਜਵਾ ਨੇ ਆਪਣੀ ਪ੍ਰਤਿਭਾ ਅਤੇ ਆਤਮ-ਵਿਸ਼ਵਾਸ ਨਾਲ ਇਹ ਖ਼ਿਤਾਬ ਜਿੱਤ ਕੇ ਸਾਰੇ ਪੰਜਾਬ ਲਈ ਮਾਣ ਦਾ ਪਲ ਬਣਾਇਆ | ਪਿੰਡ ਮਛਰਾਏ ਖ਼ੁਰਦ ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਦੀ ਰਹਿਣ ਵਾਲੀ ਸੰਦੀਪ ਬਾਜਵਾ ਦੋ ਸਾਲ ਦੀ ਬੇਟੀ ਦਿਲਨਾਜ ਕੌਰ ਬਾਜਵਾ ਦੀ ਮਾਂ ਅਤੇ ਹਰਿੰਦਰ ਸਿੰਘ ਦੀ ਪਤਨੀ ਹੈ | ਪਰਿਵਾਰਕ ਜ਼ਿੰਮੇਵਾਰੀਆਂ ਦੇ ਨਾਲ-ਨਾਲ ਆਪਣੇ ਸੁਪਨਿਆਂ ਨੂੰ ਪੰਖ ਦੇ ਕੇ, ਉਨ੍ਹਾਂ ਨੇ ਇਸ ਸਫਲਤਾ ਨਾਲ ਹਰ ਔਰਤ ਲਈ ਪ੍ਰੇਰਨਾ ਦਾ ਸਰੋਤ ਬਣਨ ਦੀ ਮਿਸਾਲ ਪੇਸ਼ ਕੀਤੀ ਹੈ | ਸਮਾਗਮ ਦੀ ਸੰਸਥਾਪਕ ਤੇ ਰਾਸ਼ਟਰੀ ਡਾਇਰੈਕਟਰ ਬਿਨੀਤਾ ਸ੍ਰੀਵਾਸਤਵ ਨੇ ਕਿਹਾ ਕਿ ਇਹ ਮੰਚ ਔਰਤਾਂ ਨੂੰ ਆਪਣੇ ਸੁਪਨੇ ਪੂਰੇ ਕਰਨ ਅਤੇ ਆਤਮ-ਨਿਰਭਰ ਬਣਨ ਦਾ ਖ਼ਾਸ ਮੌਕਾ ਦਿੰਦਾ ਹੈ |
Ad Position 22
No active advertisement
ਪਿਛਲੀ ਖ਼ਬਰ ਮੁਫ਼ਤ ਮੈਡੀਕਲ ਕਾੈਪ 11 ਨੂੰ ਅਗਲੀ ਖ਼ਬਰ ਪੰਜਾਬ ਪੁਲਿਸ ਪੈਨਸ਼ਨਰ ਵੈੱਲਫੇਅਰ ਐਸੋਸੀਏਸ਼ਨ ਦੀ ਜ਼ਿਲ੍ਹਾ ਇਕਾਈ ਦੀ ਮੀਟਿੰਗ
Ad Position 24