ਗ੍ਰਾਮ ਸੁਧਾਰ ਸਭਾ ਬਹਿਰਾਮਪੁਰ ਵਲੋਂ ਨਸ਼ਿਆਂ ਵਿਰੁੱਧ ਸਵੇਰ ਦੀ ਸੈਰ ਦਾ ਆਯੋਜਨ

ਬਹਿਰਾਮਪੁਰ, 1 ਜੂਨ (ਪ੍ਰੋ: ਬਲਬੀਰ ਸਿੰਘ ਕੋਲਾ)-ਯੁੱਧ ਨਸ਼ਿਆਂ ਵਿਰੱੁਧ ਮੁਹਿਮ ਤਹਿਤ ਗ੍ਰਾਮ ਸੁਧਾਰ ਸਭਾ ਬਹਿਰਾਮਪੁਰ ਵਲੋਂ ਨੌਜਵਾਨਾਂ ਨੰੂ ਨਸ਼ਿਆਂ ਤੋਂ ਦੂਰ ਰੱਖਣ ਲਈ ਸਵੇਰ ਦੀ ਸੈਰ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿਚ ਜਸਪਿੰਦਰ ਸਿੰਘ ਐਸ.ਡੀ.ਐਮ. ਦੀਨਾਨਗਰ ਵਲੋਂ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ ਗਈ | ਇਸ ਮੌਕੇ ਐਸ.ਡੀ.ਐਮ. ਜਸਪਿੰਦਰ ਸਿੰਘ ਨੇ ਸਵੇਰ ਦੀ ਸੈਰ ਮੌਕੇ ਸ਼ਾਮਿਲ ਹੋਏ ਨੌਜਵਾਨਾਂ ਅਤੇ ਪਤਵੰਤੇ ਸੱਜਣਾਂ ਨੰੂ ਸੰਬੋਧਨ ਕਰਦਿਆਂ ਕਿਹਾ ਕਿ ਸਾਨੰੂ ਸਾਰਿਆਂ ਨੰੂ ਰਲ ਕੇ ਨੌਜਵਾਨਾਂ ਨੰੂ ਨਸ਼ਿਆਂ ਤੋਂ ਦੂਰ ਰੱਖਣ ਲਈ ਯਤਨ ਕਰਨੇ ਚਾਹੀਦੇ ਹਨ | ਜੇਕਰ ਕੋਈ ਤੁਹਾਡੇ ਆਲੇ ਦੁਆਲੇ ਨਸ਼ਾ ਵੇਚਦਾ ਹੈ ਤਾਂ ਉਸ ਦੀ ਇਤਲਾਹ ਪੁਲਿਸ ਨੰੂ ਦੇਣੀ ਚਾਹੀਦੀ ਹੈ | ਇਸ ਮੌਕੇ ਬਲਾਕ ਪ੍ਰਧਾਨ ਪੰਕਜ ਕੁਮਾਰ, ਗ੍ਰਾਮ ਸੁਧਾਰ ਸਭਾ ਦੇ ਪ੍ਰਧਾਨ ਵਿਜੇ ਸਿੰਘ ਸਲਾਰੀਆ ਅਤੇ ਇੰਸਪੈਕਟਰ ਜਤਿੰਦਰਪਾਲ ਥਾਣਾ ਮੁਖੀ ਬਹਿਰਾਮਪੁਰ ਨੇ ਵੀ ਨੌਜਵਾਨਾਂ ਨੰੂ ਸੰਬੋਧਨ ਕੀਤਾ | ਇਸ ਮੌਕੇ ਬਹਿਰਾਮਪੁਰ ਦੇ ਸਰਪੰਚ ਬਚਨ ਲਾਲ, ਪਟਵਾਰੀ ਜੁਗਿੰਦਰ ਪਾਲ, ਕਾਰਗਿੱਲ ਦੇ ਹੀਰੋ ਜੋਗਿੰਦਰ ਪਾਲ, ਸਰਪੰਚ ਨਰਾਇਣ ਸੈਣੀ ਮਰਾੜਾ, ਸਰਪੰਚ ਸੰਨੀ ਨੀਵਾਂ ਧਕਾਲਾ, ਸਰਪੰਚ ਵਰਿੰਦਰ ਕੁਮਾਰ ਰੰਗੜ ਪਿੰਡੀ, ਹੋਰ ਨੌਜਵਾਨ ਅਤੇ ਪਤਵੰਤੇ ਹਾਜ਼ਰ ਸਨ |