ਧਾਰੀਵਾਲ, 2 ਸਤੰਬਰ (ਜੇਮਸ ਨਾਹਰ)-ਕਿ੍ਸ਼ਚਨ ਨੈਸ਼ਨਲ ਫਰੰਟ ਪੰਜਾਬ ਦੇ ਯੂਥ ਪ੍ਰਧਾਨ ਬੱਬਾ ਗਿੱਲ ਵਲੋਂ ਮੈਸੀ ਐਂਡ ਸੰਨਜ ਫਾਊਾਡੇਸ਼ਨ ਯੂ.ਐੱਸ.ਏ. ਦੇ ਉਪਰਾਲੇ ਸਦਕਾ ਹੜ੍ਹ ਨਾਲ ਪ੍ਰਭਾਵਿਤ ਪਿੰਡਾਂ ਦੇ ਲੋਕਾਂ ਲਈ ਪਿੰਡ ਕਾਨਵਾਂ, ਮਕੋੜਾ ਪੱਤਣ ਆਦਿ ਹੋਰ ਪਿੰਡਾਂ ਦੇ ਵਿਚ ਸਾਲਵੇਸ਼ਨ ਆਰਮੀ ਮਿਸ਼ਨ ਦੇ ਡੀ.ਸੀ. ਗੁਰਦਾਸਪੁਰ ਤੇ ਮੈਕਰਾਬਰਟ ਮਿਸ਼ਨ ਹਸਪਤਾਲ ਧਾਰੀਵਾਲ ਦੇ ਮੁੱਖ ਪ੍ਰਬੰਧਕ ਥਾਮਸਨ ਸਾਦਿਕ ਦੀ ਅਗਵਾਈ ਵਿਚ ਰਾਹਤ ਸਮੱਗਰੀ ਤੇ ਦਵਾਈਆਂ ਭੇਟ ਕੀਤੀਆਂ | ਇਸ ਦੌਰਾਨ ਬੱਬਾ ਗਿੱਲ ਨੇ ਕਿਹਾ ਕਿ ਇਨ੍ਹਾਂ ਆਫ਼ਤ ਭਰੇ ਦਿਨਾਂ ਵਿਚ ਸਾਨੂੰ ਸਭ ਨੂੰ ਇਕ ਮਨ ਹੋ ਕੇ ਪ੍ਰਭਾਵਿਤ ਲੋਕਾਂ ਦੀ ਮਦਦ ਕਰਨੀ ਚਾਹੀਦੀ ਹੈ | ਇਸ ਮੌਕੇ ਸਾਲਵੇਸ਼ਨ ਆਰਮੀ ਮਿਸ਼ਨ ਦੇ ਗੁਰਦਾਸਪੁਰ ਤੋਂ ਡੀ.ਸੀ. ਇਮਾਨੂਏਲ ਮਸੀਹ ਮਿਸ਼ਨ ਹਸਪਤਾਲ ਧਾਰੀਵਾਲ ਤੋਂ ਮੇਜਰ ਪ੍ਰੇਮ ਆਦਿ ਮੈਂਬਰ ਹਾਜ਼ਰ ਸਨ |
