ਧਾਰਕਲਾਂ, 25 ਸਤੰਬਰ (ਨਰੇਸ਼ ਪਠਾਨੀਆ)-ਪਿਛਲੇ ਦਿਨੀਂ ਲਗਾਤਾਰ ਭਾਰੀ ਮੀਂਹ ਪੈਣ ਕਰਕੇ ਪਠਾਨਕੋਟ-ਚੰਬਾ ਰਾਸ਼ਟਰੀ ਰਾਜ ਮਾਰਗ ਬਹੁਤ ਹੀ ਖਸਤਾ ਹਾਲਾਤ ਵਿਚ ਪਹੁੰਚ ਚੁੱਕਾ ਹੈ | ਦੁਨੇਰਾ ਬਾਜ਼ਾਰ 'ਚ ਵੱਡੇ-ਵੱਡੇ ਟੋਇਆਂ ਕਾਰਨ ਅੱਜ ਇਕ ਬਲੈਰੋ ਜੀਪ ਜੋ ਸਰੀਏ ਨਾਲ ਲੋਡ ਸੀ, ਸੜਕ ਵਿਚਕਾਰ ਪਏ ਟੋਏ 'ਚ ਫਸ ਗਈ | ਜਿਸ ਕਾਰਨ ਦੁਨੇਰਾ ਬਾਜ਼ਾਰ 'ਚ ਭਾਰੀ ਜਾਮ ਲੱਗ ਗਿਆ | ਲਗਭਗ ਅੱਧਾ ਘੰਟਾ ਜੱਦ ਜਹਿਦ ਕਰਨ ਉਪਰੰਤ ਬਲੈਰੋ ਜੀਪ ਨੰੂ ਸਰੀਆ ਉਤਾਰ ਕੇ ਖਾਲੀ ਕੀਤਾ ਗਿਆ ਤਾਂ ਜੀਪ ਇਕ ਪਾਸੇ ਕਰਕੇ ਲੱਗੇ ਵਾਹਨਾਂ ਦੇ ਜਾਮ ਨੰੂ ਖੋਲਿ੍ਹਆ ਗਿਆ |
