ਪਠਾਨਕੋਟ, 24 ਦਸੰਬਰ (ਸੰਧੂ)- ਸੰਦੀਪਨੀ ਗੁਰੂਕੁਲ ਨੇ ਐਨ.ਡੀ.ਏ. ਪ੍ਰੋਗਰਾਮ ਨੂੰ ਹੋਰ ਮਜ਼ਬੂਤ ਕਰਨ ਲਈ ਇਕ ਪ੍ਰੈਸ ਕਾਨਫ਼ਰੰਸ ਤੇ ਜੁਆਇਨਿੰਗ ਸਮਾਗਮ ਕਰਵਾਇਆ ਜਿਸ ਵਿਚ ਮੇਜਰ ਜਨਰਲ ਸੰਜੀਵ ਡੋਗਰਾ (ਸੇਵਾ-ਮੁਕਤ) ਨੇ ਸੰਦੀਪਨੀ ਗੁਰੂਕੁਲ ਦੇ ਐਨ.ਡੀ.ਏ. ਪ੍ਰੋਗਰਾਮ ਦੇ ਸਲਾਹਕਾਰ ਵਜੋਂ ਅਹੁਦਾ ਸੰਭਾਲਿਆ | ਜਦੋਂ ਕਿ ਏਅਰ ਵਾਈਸ ਮਾਰਸ਼ਲ ਪੀ.ਐਸ. ਮੱਲ੍ਹੀ (ਸੇਵਾ-ਮੁਕਤ) ਸਲਾਹਕਾਰ ਵਜੋਂ ਸ਼ਾਮਿਲ ਹੋਏ | ਐਨ.ਡੀ.ਏ. ਵਿੰਗ ਦੇ ਪਿ੍ੰਸੀਪਲ, ਲੈਫ਼ਟੀਨੈਂਟ ਕਰਨਲ ਪਵਨ ਸਿੰਘ ਦੀ ਅਗਵਾਈ ਹੇਠ ਸਕੂਲ ਆਪਣੇ ਰੱਖਿਆ-ਮੁਖੀ ਵਿੱਦਿਅਕ ਮਾਡਲ ਦਾ ਪ੍ਰਦਰਸ਼ਨ ਕਰਦਾ ਹੈ, ਜੋ ਅਤਿ-ਆਧੁਨਿਕ ਬੁਨਿਆਦੀ ਢਾਂਚੇ ਦੁਆਰਾ ਸਮਰਥਤ ਹੈ ਜਿਸ ਵਿਚ ਏ.ਆਈ. ਤੇ ਰੋਬੋਟਿਕਸ ਪ੍ਰਯੋਗਸ਼ਾਲਾਵਾਂ ਇਕ ਐਨ.ਡੀ.ਏ.-ਪੈਟਰਨ ਕੋਰਸ ਤੇ ਅਨੁਸ਼ਾਸਿਤ ਸਰੀਰਕ ਸਿਖਲਾਈ ਸਹੂਲਤਾਂ ਸ਼ਾਮਿਲ ਹਨ | ਸਕੂਲ ਦੇ ਪਿ੍ੰਸੀਪਲ ਕੈਪਟਨ ਰੋਹਿਤ ਦਿਵੇਦੀ ਨੇ ਆਗਾਮੀ ਸੈਨਿਕ ਸਕੂਲ ਏਫੀਲੇਸ਼ਨ ਲਈ ਚੱਲ ਰਹੇ ਯਤਨਾਂ 'ਤੇ ਚਾਨਣਾ ਪਾਇਆ | ਸਕੂਲ ਦੇ ਚੇਅਰਮੈਨ ਇੰਜੀ: ਸਾਹਿਲ ਮਹਾਜਨ ਨੇ ਕਿਹਾ ਕਿ ਸੰਦੀਪਨੀ ਗੁਰੂਕੁਲ ਅਨੁਸ਼ਾਸਿਤ, ਤਕਨੀਕੀ ਤੌਰ 'ਤੇ ਲੈਸ ਤੇ ਮੁੱਲ-ਅਧਾਰਿਤ ਵਿਦਿਆਰਥੀਆਂ ਨੂੰ ਤਿਆਰ ਕਰਨ 'ਤੇ ਕੇਂਦਰਿਤ ਕਰਦਾ ਹੈ, ਜੋ ਭਾਰਤੀ ਹਥਿਆਰਬੰਦ ਸੈਨਾਵਾਂ ਵਿਚ ਭਵਿੱਖ ਦੇ ਅਧਿਕਾਰੀਆਂ ਵਜੋਂ ਦੇਸ਼ ਦੀ ਸੇਵਾ ਕਰਨ ਦੇ ਸਮਰੱਥ ਬਣ ਸਕਣ | ਮੀਡੀਆ ਦੇ ਸਵਾਲਾਂ ਦੇ ਜਵਾਬ ਦਿੰਦੇ ਹੋਏ ਤਜਰਬੇਕਾਰ ਅਧਿਕਾਰੀਆਂ ਨੇ ਕਿਹਾ ਕਿ ਉਨ੍ਹਾਂ ਦਾ ਉਦੇਸ਼ ਨੌਜਵਾਨਾਂ ਨੂੰ ਹਥਿਆਰਬੰਦ ਸੈਨਾਵਾਂ ਲਈ ਤਿਆਰ ਕਰਨਾ ਹੈ |
