ਬੱਲੂਆਣਾ, 25 ਸਤੰਬਰ (ਜਸਮੇਲ ਸਿੰਘ ਢਿੱਲੋਂ)-ਸਕੂਲ ਆਫ਼ ਐਮੀਨੈਂਸ ਰਾਮਸਰਾ ਦੇ ਅਜੇ ਕੁਮਾਰ ਨੇ ਰਾਸ਼ਟਰ ਪੱਧਰੀ ਐਨ.ਸੀ.ਸੀ. ਦੇ 10 ਰੋਜ਼ਾ ਕੈਂਪ ਵਿਚੋਂ ਸੋਨ ਤਗਮਾ ਪ੍ਰਾਪਤ ਕੀਤਾ ਹੈ | ਨੈਸ਼ਨਲ ਕੈਡਟ ਕੌਰ ਦੇ ਆਲ ਇੰਡੀਆ ਬਲ ਸਨਿਕ ਕੈਂਪ, ਨਵੀਂ ਦਿੱਲੀ 2025 ਵਿਚ ਭਾਰਤ ਦੇ ਸਮੂਹ ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਐਨ.ਸੀ.ਸੀ.ਰਾਜ ਪੱਧਰੀ ਕੈਂਪਾਂ ਵਿਚੋਂ ਚੁਣ ਕੇ ਆਏ ਵਿਦਿਆਰਥੀਆਂ ਵਲੋਂ 10 ਰੋਜ਼ਾ ਕੈਂਪ ਵਿਚ ਹਿੱਸਾ ਲਿਆ ਗਿਆ | ਕੈਂਪ ਵਿਚ ਐਨ.ਸੀ.ਸੀ.ਦੇ ਜੂਨੀਅਰ ਡਿਵੀਜ਼ਨ ਅਤੇ ਸੀਨੀਅਰ ਡਿਵੀਜ਼ਨ ਦੇ ਕੈਡਟ ਨੇ ਹਿੱਸਾ ਲਿਆ | ਇਸੇ ਲੜੀ ਵਿਚ ਸਕੂਲ ਆਫ਼ ਐਮੀਨੈਂਸ ਰਾਮਸਰਾਂ ਦੇ ਦਸਵੀਂ ਜਮਾਤ ਦੇ ਹੋਣਹਾਰ ਵਿਦਿਆਰਥੀ ਅਜੇ ਕੁਮਾਰ ਪਿੰਡ ਕਿੱਕਰ ਖੇੜਾ ਨੇ ਹਿੱਸਾ ਲੈ ਕੇ ਕੈਂਪ 'ਚ ਚਲਾਈਆਂ ਜਾ ਰਹੀਆਂ ਸਾਰੀਆਂ ਗਤੀਵਿਧੀਆਂ 'ਚ ਚੰਗਾ ਪ੍ਰਦਰਸ਼ਨ ਹੋਏ ਸ਼ੂਟਿੰਗ ਮੁਕਾਬਲੇ ਵਿਚ ਪਹਿਲਾ ਸਥਾਨ ਹਾਸਲ ਕਰਕੇ ਸੋਨ ਦਾ ਤਗਮਾ ਜਿੱਤਿਆ ਅਤੇ ਸਕੂਲ ਤੇ ਮਾਪਿਆਂ ਦਾ ਨਾਂਅ ਰੌਸ਼ਨ ਕੀਤਾ | ਸਕੂਲ ਆਫ਼ ਐਮੀਨੈਂਸ ਰਾਮਸਰਾ ਪੁੱਜਣ 'ਤੇ ਸਕੂਲ ਪਿ੍ੰਸੀਪਲ ਮੈਡਮ ਨਵਜੋਤ ਕੌਰ ਖਹਿਰਾ ਤੇ ਸਮੂਹ ਸਟਾਫ਼ ਨੇ ਵਿਦਿਆਰਥੀ ਅਜੇ ਕੁਮਾਰ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ |
