ਅੰਮਿ੍ਤਸਰ, 2 ਜੂਨ (ਗਗਨਦੀਪ ਸ਼ਰਮਾ)-ਨਸ਼ੇ 'ਚ ਡਿਊਟੀ ਕਰਨ ਦੇ ਦੋਸ਼ 'ਚ ਇਕ ਟੀ. ਟੀ. ਈ. ਨੂੰ ਮੁਅੱਤਲ ਕੀਤਾ ਗਿਆ ਹੈ, ਜਿਸਦਾ ਹੈੱਡਕੁਆਟਰ ਅੰਮਿ੍ਤਸਰ ਹੈ | ਮਿਲੀ ਜਾਣਕਾਰੀ ਦੇ ਅਨੁਸਾਰ ਰੇਲ ਗੱਡੀ ਨੰਬਰ (14679) ਨਵੀਂ ਦਿੱਲੀ-ਅੰਮਿ੍ਤਸਰ ਇੰਟਰਸਿਟੀ ਐਕਸਪ੍ਰੈੱਸ 'ਚ ਇਹ ਘਟਨਾ ਬੀਤੇ ਸ਼ਨਿੱਚਰਵਾਰ ਨੂੰ ਵਾਪਰੀ ਸੀ | ਇਸ ਗੱਡੀ 'ਚ ਸਫਰ ਕਰਦੇ ਯਾਤਰੀਆਂ ਨੇ ਦੋਸ਼ ਲਗਾਇਆ ਸੀ ਕਿ ਇਕ ਟੀ. ਟੀ. ਈ. ਨਸ਼ੇ 'ਚ ਡਿਊਟੀ ਕਰ ਰਿਹਾ ਹੈ | ਸੂਤਰ ਦੱਸਦੇ ਹਨ ਕਿ ਫ਼ਿਰੋਜ਼ਪੁਰ ਡਿਵੀਜ਼ਨ ਦੇ ਡੀ. ਆਰ. ਐੱਮ. ਵਲੋਂ ਇਹ ਮਾਮਲਾ ਧਿਆਨ 'ਚ ਆਉਣ 'ਤੇ ਤੁਰੰਤ ਉਕਤ ਟੀ. ਟੀ. ਈ. ਨੂੰ ਮੁਅਤਲ ਕਰ ਦਿੱਤਾ ਗਿਆ | ਦੱਸਿਆ ਜਾ ਰਿਹਾ ਹੈ ਕਿ ਜੀ.ਆਰ.ਪੀ. ਅੰਮਿ੍ਤਸਰ ਵਲੋਂ ਸੰਬੰਧਤ ਟੀ. ਟੀ. ਈ. ਨੂੰ ਆਪਣਾ ਪੱਖ ਰੱਖਣ ਲਈ 3 ਜੂਨ ਨੂੰ ਜੀ.ਆਰ.ਪੀ. ਥਾਣੇ ਬੁਲਾਇਆ ਗਿਆ ਹੈ |
