17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 27-09-2025

ਖ਼ਾਲਸਾ ਕਾਲਜ ਆਫ ਇੰਜੀਨੀਅਰਿੰਗ ਵਿਖੇ ਛੀਨਾ ਵਲੋਂ 2 ਰੋਜ਼ਾ 'ਹੈਕਸਪਾਰਕ 2025' ਪ੍ਰੋਗਰਾਮ ਦਾ ਉਦਘਾਟਨ <br/>

Ad Position 21
No active advertisement
ਅਜੀਤ ਡੈਸਕ 27-09-2025
ਅੰਮਿ੍ਤਸਰ, 26 ਸਤੰਬਰ (ਜਸਵੰਤ ਸਿੰਘ ਜੱਸ)¸ਖ਼ਾਲਸਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਵਿਖੇ ਪ੍ਰੰਪਰਾ ਅਤੇ ਨਵੀਨਤਾ ਦੇ ਸੁਮੇਲ ਨੂੰ ਦਰਸਾਉਂਦੇ ਸਮਾਰੋਹ 'ਹੈਕ-ਸਪਾਰਕ 2025' ਦਾ ਖ਼ਾਲਸਾ ਯੂਨੀਵਰਸਿਟੀ ਦੇ ਪ੍ਰੋ-ਚਾਂਸਲਰ ਅਤੇ ਖ਼ਾਲਸਾ ਕਾਲਜ ਗਵਰਨਿੰਗ ਕੌਂਸਲ ਦੇ ਆਨਰੇਰੀ ਸਕੱਤਰ ਰਜਿੰਦਰ ਮੋਹਨ ਸਿੰਘ ਛੀਨਾ ਵਲੋਂ ਸ਼ਮ੍ਹਾ ਰੌਸ਼ਨ ਕਰਕੇ ਅਗਾਜ਼ ਕੀਤਾ ਗਿਆ | ਇਸ ਮੌਕੇ ਸ: ਛੀਨਾ ਨੇ ਨੌਜਵਾਨਾਂ ਨੂੰ ਤਕਨੀਕੀ ਅਤੇ ਨੈਤਿਕ ਗਿਆਨ ਨਾਲ ਸਸ਼ਕਤ ਬਣਾਉਣ ਦੀ ਮਹੱਤਤਾ 'ਤੇ ਜ਼ੋਰ ਦਿੰਦਿਆਂ ਕਿਹਾ ਕਿ ਹੈਕਸਪਾਰਕ ਵਰਗੇ ਹੈਕਾਥਨ ਵਿਦਿਆਰਥੀਆਂ 'ਚ ਰਚਨਾਤਮਕਤਾ, ਸਹਿਯੋਗ ਅਤੇ ਲੀਡਰਸ਼ਿਪ ਨੂੰ ਉਭਾਰਦੇ ਹਨ | ਉਨ੍ਹਾਂ ਭਾਗੀਦਾਰਾਂ ਨੂੰ ਇਸ ਅਵਸਰ ਨੂੰ ਜੋੜਨ ਅਤੇ ਉੱਤਮਤਾ ਪ੍ਰਾਪਤ ਕਰਨ ਲਈ ਅਪੀਲ ਕਰਦਿਆਂ ਜ਼ੋਰ ਦਿੱਤਾ ਕਿ ਅੱਜ ਦੇ ਵਿਦਿਆਰਥੀ ਟੀਮ ਵਰਕ ਅਤੇ ਭਾਈਚਾਰਕ ਭਾਵਨਾ ਰਾਹੀਂ ਤਕਨਾਲੋਜੀ ਦੇ ਭਵਿੱਖ ਨੂੰ ਆਕਾਰ ਦੇ ਰਹੇ ਹਨ |
ਇਸ ਮੌਕੇ ਕਮਿਊਡਲ (ਗੂਗਲ) ਦੇ ਸੰਸਥਾਪਕ ਸ੍ਰੀ ਅਰਪਨ ਗਰਗ ਨੇ ਭਾਗੀਦਾਰਾਂ ਨੂੰ ਕੋਡਿੰਗ ਚੁਣੌਤੀਆਂ ਤੋਂ ਪਰੇ੍ਹ ਸੋਚਣ ਅਤੇ ਪ੍ਰਭਾਵਸ਼ਾਲੀ ਹੱਲ ਬਣਾਉਣ ਲਈ ਉਤਸ਼ਾਹਿਤ ਕੀਤਾ | ਇਸ ਮੌਕੇ ਕਾਲਜ ਡਾਇਰੈਕਟਰ ਤੇ ਪਿ੍ੰ: ਡਾ. ਮੰਜੂ ਬਾਲਾ ਨੇ ਸੰਸਥਾਵਾਂ ਦੀ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਦੀ ਵਚਨਬੱਧਤਾ ਨੂੰ ਦੁਹਰਾਉਂਦਿਆਂ ਤੇ ਉਮੀਦ ਜ਼ਾਹਿਰ ਕਰਦਿਆਂ ਕਿਹਾ ਕਿ ਹੈਕਸਪਾਰਕ 2025 ਹਰੇਕ ਭਾਗੀਦਾਰ ਨੂੰ ਨਵੇਂ ਹੁਨਰ, ਸਥਾਈ ਦੋਸਤੀ ਅਤੇ ਨਿਰੰਤਰ ਨਵੀਨਤਾ ਕਰਨ ਦੀ ਪ੍ਰੇਰਣਾ ਦੇ ਨਾਲ ਇਕ ਨੇਤਾ ਵਜੋਂ ਖੋਜ ਕਰਨ, ਪ੍ਰਯੋਗ ਕਰਨ ਅਤੇ ਉਭਰਨ ਦੇ ਯੋਗ ਬਣਾਏਗਾ |
ਇਸ ਪ੍ਰੋਗਰਾਮ ਦੌਰਾਨ ਸ੍ਰੀ ਗਰਗ ਤੋਂ ਇਲਾਵਾ, ਸ੍ਰੀ ਕਰਨ ਗੁਪਤਾ (ਕੇ. ਪੀ. ਐੱਮ. ਜੀ. ਵਿਖੇ ਸੀਨੀਅਰ ਕਲਾਉਡ ਡੇਟਾ ਇੰਜੀਨੀਅਰ), ਸ੍ਰੀ ਪ੍ਰਣਵ ਕੁਮਾਰ (ਨਾਗਰੋ ਵਿਖੇ ਐਸੋਸੀਏਟ ਸਟਾਫ ਇੰਜੀਨੀਅਰ), ਸ੍ਰੀ ਪਿ੍ਯਾਂਸ਼ੀ ਰਾਏ (ਗਿਟਹਬ ਵਿਖੇ ਐਸੋਸੀਏਟ ਸੌਫਟਵੇਅਰ ਡਿਵੈਲਪਰ), ਲਵਲੀਨ ਕੌਰ (ਪ੍ਰੋਬੋ ਵਿਖੇ ਸੀਨੀਅਰ ਐਂਡਰਾਇਡ ਇੰਜੀਨੀਅਰ), ਸ੍ਰੀ ਆਯੂਸ਼ ਕੁਮਾਰ (ਨੋਡਸ਼ਿਫਟ ਵਿਖੇ ਲੀਡ ਡਿਵੈਲਪਰ ਰਿਲੇਸ਼ਨ ਇੰਜੀਨੀਅਰ) ਅਤੇ ਸ੍ਰੀ ਸ਼ੇਸ਼ਾਂਕ ਸ਼੍ਰੀਵਾਸਤਵ (ਸੈਮਸੰਗ ਵਿਖੇ ਇੰਜੀਨੀਅਰ) ਆਦਿ ਨੇ ਜੱਜ ਸਾਹਿਬਾਨ ਵਜੋਂ ਭੂਮਿਕਾ ਵੀ ਨਿਭਾਈ | ਉਨ੍ਹਾਂ ਕਿਹਾ ਕਿ ਹੈਕਸਪਾਰਕ 'ਚ ਦਿੱਲੀ, ਮੱਧ ਪ੍ਰਦੇਸ਼, ਹਰਿਆਣਾ, ਭੋਪਾਲ, ਜੈਪੁਰ, ਸੂਰਤ, ਦੇਹਰਾਦੂਨ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਐੱਨ. ਆਈ. ਟੀ.) ਦਿੱਲੀ, ਨੈਸ਼ਨਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਐੱਨ. ਆਈ. ਟੀ.) ਭੋਪਾਲ, ਗਲਗੋਟੀਆਸ ਯੂਨੀਵਰਸਿਟੀ, ਨੋਇਡਾ (ਯੂਪੀ), ਚੰਡੀਗੜ੍ਹ ਯੂਨੀਵਰਸਿਟੀ, ਗ੍ਰਾਫਿਕ ਏਰਾ ਯੂਨੀਵਰਸਿਟੀ ਦੇਹਰਾਦੂਨ, ਚਿਤਕਾਰਾ ਯੂਨੀਵਰਸਿਟੀ ਅਤੇ ਜੀ. ਐੱਨ. ਡੀ. ਯੂ., ਜੀ. ਐੱਨ. ਏ. ਫਗਵਾੜਾ ਅਤੇ ਆਈ. ਕੇ. ਜੀ. ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ, ਕਪੂਰਥਲਾ ਅਤੇ ਕਈ ਹੋਰ ਵੱਕਾਰੀ ਸੰਸਥਾਵਾਂ ਤੋਂ 800 ਤੋਂ ਵਧੇਰੇ ਵਿਦਿਆਰਥੀ ਹਿੱਸਾ ਲਿਆ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਚੌਥੇ ਪਾਤਿਸ਼ਾਹ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਗੁਰਦੁਆਰਾ ਸਾਹਿਬ ਪੁਲਿਸ ਕਾਲੋਨੀ ਵਿਖੇ ਸਜਾਇਆ ਵਿਸ਼ੇਸ਼ ਗੁਰਮਤਿ ਸਮਾ... ਅਗਲੀ ਖ਼ਬਰ ਟੈਕਨੀਕਲ ਸਰਵਿਸਿਜ਼ ਯੂਨੀਅਨ ਦੇ ਬਾਰਡਰ ਜ਼ੋਨ ਅੰਮਿ੍ਤਸਰ ਕਮੇਟੀ ਦੀ ਚੋਣ
Ad Position 24