ਅੰਮਿ੍ਤਸਰ, 23 ਨਵੰਬਰ (ਰੇਸ਼ਮ ਸਿੰਘ)-ਇਥੇ ਇਕ ਵਿਅਕਤੀ ਖ਼ਿਲਾਫ਼ ਮਿਲੀ ਸ਼ਿਕਾਇਤ ਦੀ ਪੜਤਾਲ 'ਤੇ ਗਈ ਪੁਲਿਸ ਪਾਰਟੀ 'ਤੇ ਸੰਬੰਧਿਤ ਵਿਅਕਤੀ ਤੇ ਉਸਦੇ ਮੁਹੱਲਾ ਵਾਸੀਆਂ ਨੇ ਹਮਲਾ ਕਰ ਦਿੱਤਾ ਤੇ ਪੁਲਿਸ ਪਾਰਟੀ ਨੂੰ ਸੱਟਾਂ ਵੀ ਲਾ ਦਿੱਤੀਆਂ | ਪੁਲਿਸ ਵਲੋਂ ਮਾਮਲਾ ਦਰਜ ਕਰਕੇ 20 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ | ਇਹ ਸ਼ਿਕਾਇਤ ਸੀਨੀ: ਸਿਪਾਹੀ ਭੁਪਿੰਦਰ ਸਿੰਘ ਨੇ ਥਾਣਾ ਮਜੀਠਾ ਰੋਡ ਦੀ ਪੁਲਿਸ ਕੋਲ ਦਰਜ ਕਰਵਾਈ, ਜਿਸ ਨੇ ਦੱਸਿਆ ਕਿ ਉਹ ਤਿੰਨ ਮੁਲਾਜਮਾਂ ਜਿਨ੍ਹਾਂ 'ਚ ਸਿਪਾਹੀ ਸਲਵਾਨ ਤੇ ਹੋਮਗਾਰਡ ਦਿਨੇਸ਼ ਨਾਲ ਸਾਜਨ ਉਰਫ ਸੱਪ ਵਾਸੀ ਕਰਮਪੁਰਾ ਫਤਿਹਗੜ੍ਹ ਚੂੜੀਆਂ ਰੋਡ ਖ਼ਿਲਾਫ਼ ਸ਼ਿਕਾਇਤ ਦੀ ਪੜਤਾਲ ਲਈ ਗਏ ਸਨ | ਜਿਥੇ ਸਾਜਨ ਉਰਫ ਸੱਪ ਨਸ਼ੇ ਦੀ ਹਾਲਾਤ 'ਚ ਸੀ ਤੇ ਉਸਨੇ ਪੁਲਿਸ ਪਾਰਟੀ ਨਾਲ ਗਾਲੀ ਗਲੋਚ ਕੀਤਾ ਤੇ ਆਪਣੇ ਭਰਾਵਾਂ ਤੇ ਹੋਰ ਮੁਹੱਲਾ ਵਾਸੀਆਂ ਨਾਲ ਉਸਦੇ ਗਲ ਪੈ ਗਿਆ ਤੇ ਸੱਟਾਂ ਲਾ ਦਿੱਤੀਆਂ ਤੇ ਉਨ੍ਹਾਂ ਦੀ ਗੱਡੀ ਦੀ ਵੀ ਭੰਨਤੋੜ ਕਰ ਦਿੱਤੀ | ਪਿੁਲਸ ਵਲੋਂ ਸਾਜਨ ਤੋਂ ਇਲਾਵਾ ਲਵ, ਵਿਸ਼ਾਲ, ਗੋਰਾ, ਬੱਬੂ, ਸਾਗਰ, ਸੰਨੀ, ਚਿੱੜਾ ਅਤੇ ਹੋਰ 10-15 ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
