ਅੰਮਿ੍ਤਸਰ, 20 ਦਸੰਬਰ (ਗਗਨਦੀਪ ਸ਼ਰਮਾ)-ਰੇਲ ਗੱਡੀ ਨੰਬਰ (12054) ਅੰਮਿ੍ਤਸਰ-ਹਰਿਦੁਆਰ ਜਨ ਸ਼ਤਾਬਦੀ ਐਕਸਪ੍ਰੈੱਸ 'ਚ ਡਿਊਟੀ ਦੌਰਾਨ ਸੀ. ਆਈ. ਟੀ./ਅੰਮਿ੍ਤਸਰ ਸੰਜੀਵ ਕੁਮਾਰ ਨੂੰ ਇਕ ਯਾਤਰੀ ਦਾ ਹੈਂਡ ਬੈਗ ਮਿਲਿਆ | ਉਨ੍ਹਾਂ ਨੇ ਅਸਲੀ ਮਾਲਕ ਦੀ ਪਹਿਚਾਣ ਤੇ ਤਸਕੀਦ ਕਰਨ ਤੋਂ ਬਾਅਦ ਸੁਰੱਖਿਅਤ ਢੰਗ ਨਾਲ ਉਹ ਬੈਗ ਸੌਂਪ ਦਿੱਤਾ | ਉਸ ਯਾਤਰੀ ਨੇ ਸੀ. ਆਈ. ਟੀ. ਸੰਜੀਵ ਕੁਮਾਰ ਦੀ ਇਮਾਨਦਾਰੀ ਦੀ ਸ਼ਲਾਘਾ ਕਰਨ ਦੇ ਨਾਲ-ਨਾਲ ਰੇਲਵੇ ਵਿਭਾਗ ਦਾ ਤਹਿ-ਦਿਲੋਂ ਧੰਨਵਾਦ ਕੀਤਾ | ਸੀ. ਆਈ. ਟੀ. ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਡਿਊਟੀ ਦੌਰਾਨ ਅੰਮਿ੍ਤਸਰ-ਅੰਬਾਲਾ ਛਾਉਣੀ ਵਿਚਕਾਰ ਕੋਚ ਸੀ-2 ਦੀ ਸੀਟ ਨੰਬਰ 10, 11 ਅਤੇ 12 ਦੇ ਨੇੜਿਓਾ ਮਹੱਤਵਪੂਰਨ ਦਸਤਾਵੇਜ਼ਾਂ ਅਤੇ ਨਕਦੀ ਵਾਲਾ ਹੈਂਡ ਬੈਗ ਮਿਲਿਆ, ਜਿਸਨੂੰ ਸੰਬੰਧਿਤ ਯਾਤਰੀ ਜ਼ਲਦਬਾਜ਼ੀ 'ਚ ਛੱਡ ਗਿਆ ਸੀ |
