ਅੰਮਿ੍ਤਸਰ, 28 ਦਸੰਬਰ (ਹਰਮਿੰਦਰ ਸਿੰਘ)-ਭਾਜਪਾ ਦੇ ਸੂਬਾ ਸਕੱਤਰ ਸਾਬਕਾ ਆਈ. ਏ. ਐੱਸ. ਅਧਿਕਾਰੀ ਡਾ: ਜਗਮੋਹਨ ਸਿੰਘ ਰਾਜੂ ਨੇ ਕੇਂਦਰੀ ਮੰਤਰੀ ਨਿਤਿਨ ਗੱਡਕਰੀ ਨੂੰ ਪੱਤਰ ਲਿਖ ਉਨ੍ਹਾਂ ਦਾ ਡਾ. ਨਵਜੋਤ ਕੌਰ ਸਿੱਧੂ ਨੂੰ ਮਿਲ ਕੇ ਉਸ ਨੂੰ ਐੱਨ. ਐੱਚ. ਏ. ਆਈ. ਪ੍ਰੋਜੈਕਟ ਨੂੰ ਸੰਬੰਧੀ ਦਿੱਤੇ ਭਰੋਸੇ 'ਤੇ ਇਤਰਾਜ ਪ੍ਰਗਟ ਕਰਦੇ ਹੋਏ ਨਾਰਾਜਗੀ ਪ੍ਰਗਟ ਕੀਤੀ ਹੈ | ਆਪਣੇ ਪੱਤਰ ਰਾਹੀਂ ਡਾ: ਰਾਜੂ ਨੇ ਕਿਹਾ ਕਿ ਡਾ: ਨਵਜੋਤ ਕੌਰ ਸਿੱਧੂ ਕਾਂਗਰਸ ਪਾਰਟੀ ਤੋਂ ਮੁਅੱਤਲ ਕੀਤੀ ਗਈ ਆਗੂ ਹੈ ਅਤੇ ਉਸ ਵਲੋਂ ਕਥਿਤ ਤੌਰ 'ਤੇ ਹਲਕਾ ਪੂਰਬੀ 'ਤੇ ਆਪਣਾ ਜੋ ਦਾਅਵਾ ਪ੍ਰਗਟ ਕੀਤਾ ਗਿਆ ਹੈ | ਉਹ ਝੂਠਾ ਹੈ | ਡਾ: ਰਾਜੂ ਨੇ ਕਿਹਾ ਕਿ ਉਸ ਵਲੋਂ 2022 'ਚ ਭਾਜਪਾ ਦੀ ਟਿਕਟ ਤੋਂ ਡਾ: ਸਿੱਧੂ ਦੇ ਪਤੀ ਨਵਜੋਤ ਸਿੰਘ ਸਿੱਧੂ ਦੇ ਖ਼ਿਲਾਫ਼ ਚੋਣ ਲੜੀ ਸੀ | ਉਨ੍ਹਾਂ ਕਿਹਾ ਕਿ ਸਿੱਧੂ ਜੋ ਭਾਜਪਾ ਤੋਂ ਭਗੌੜਾ ਹੈ ਅਤੇ ਉਸ ਵਲੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਖ਼ਿਲਾਫ਼ ਸਭ ਤੋਂ ਜਿਆਦਾ ਅਪਮਾਨਜਨਕ ਸ਼ਬਦਾਵਲੀ ਵਰਤੀ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਨਵਜੋਤ ਕੌਰ ਸਿੱਧੂ ਅਤੇ ਨਵਜੋਤ ਸਿੰਘ ਸਿੱਧੂ ਨੂੰ ਅਹਿਮੀਅਤ ਨਾ ਦਿੱਤੀ ਜਾਵੇ | ਇਸ ਦੇ ਨਾਲ ਭਾਜਪਾ ਵਰਕਰਾਂ ਦਾ ਮਨੋਬਲ ਡਿੱਗੇ |
