ਖੇਮਕਰਨ, 1 ਜੂਨ (ਰਾਕੇਸ਼ ਬਿੱਲਾ)-ਨਗਰ ਪੰਚਾਇਤ ਖੇਮਕਰਨ ਦੇ ਸਾਬਕਾ ਪ੍ਰਧਾਨ ਸਵ. ਰਾਜ ਸਿੰਘ ਪੱਤੂ ਜੀ ਦੀ ਯਾਦ 'ਚ ਪਹਿਲਾ ਮੈਡੀਕਲ ਕੈਂਪ ਸਥਾਨਕ ਗੁਰਦੁਆਰਾ ਬਾਬਾ ਥੰਮ ਸਾਹਿਬ ਵਿੱਖੇ ਲਗਾਇਆ ਗਿਆ, ਜਿਸ ਦਾ ਉਦਘਾਟਨ ਨਗਰ ਪੰਚਾਇੰਤ ਖੇਮਕਰਨ ਦੇ ਸਾਬਕਾ ਪ੍ਰਧਾਨ ਆਲਮ ਵਿਜੈ ਸਿੰਘ ਪੱਤੂ ਨੇ ਕੀਤਾ | ਇਸ ਮੈਡੀਕਲ ਕੈਂਪ 'ਚ ਅਪੋਲੋ ਹਸਪਤਾਲ ਅੰਮਿ੍ਤਸਰ ਤੋਂ ਆਈ ਡਾਕਟਰਾਂ ਤੇ ਹੋਰ ਸਟਾਫ਼ ਦੀ ਟੀਮ ਵਲੋਂ ਸਾਰਾ ਦਿਨ ਮਰੀਜ਼ਾਂ ਦੀ ਸਿਹਤ ਦੀ ਜਾਂਚ ਕਰਕੇ ਲੋੜੀਂਦੇ ਟੈਸਟ ਕਰਵਾ ਕੇ ਦਵਾਈਆਂ ਵੀ ਮੁਫ਼ਤ ਦਿੱਤੀਆਂ ਗਈਆਂ | ਸਾਬਕਾ ਪ੍ਰਧਾਨ ਆਲਮ ਪੱਤੂ ਨੇ ਆਈ ਡਾਕਟਰਾਂ ਦੀ ਟੀਮ ਦਾ ਸਨਮਾਨ ਕਰਦੇ ਹੋਏ ਆਈਆਂ ਸੰਗਤਾਂ ਤੇ ਸ਼ਹਿਰ ਵਾਸੀਆਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ 'ਤੇ ਚੇਅਰਮੈਨ ਕੁਲਦੀਪ ਸਿੰਘ ਵਿਰਕ, ਸਾਹਿਬ ਸਿੰਘ ਸਾਬਕਾ ਐੱਮ.ਸੀ., ਅੰਗਰੇਜ ਸਿੰਘ ਪੱਤੂ, ਬਿੱਟੂ ਮਸੀਹ, ਗੁਰਨਾਮ ਸਿੰਘ ਤੇ ਸਾਦਿਕ ਮਸੀਹ ਸਾਰੇ ਸਾਬਕਾ ਐੱਮ.ਸੀ., ਲੱਕੀ ਨੰਬਰਦਾਰ, ਡਾ. ਗੋਰਾ ਮਸੀਹ, ਹਰਦਿਆਲ ਸਿੰਘ ਪੱਤੂ, ਟੋਨੀ ਪੱਤੂ ਮੀਆਂਵਾਲਾ, ਡਾ. ਨਰੇਸ਼ ਮਸੀਹ, ਭੋਲਾ ਸਿੰਘ ਪੱਤੂ, ਬੱਬੀ ਬਾਜਵਾ, ਦਿਆਲ ਸਿੰਘ ਵਰਨਾਲਾ, ਰਵੇਲ ਸਿੰਘ ਭੂਰਾ, ਵਿਕਾਸ ਸ਼ਰਮਾ ਤੇ ਬੌਬੀ ਬਾਦਲ ਸਮੇਤ ਅਨੇਕਾਂ ਸ਼ਹਿਰ ਵਾਸੀ ਸ਼ਾਮਿਲ ਹੋਏ |
