ਚੰਡੀਗੜ੍ਹ, 2 ਸਤੰਬਰ (ਮਾਰਕੰਡਾ)-ਸਰਕਾਰੀ ਬੌਧਿਕ ਅਪੰਗਤਾ ਮੁੜ ਵਸੇਬਾ ਸੰਸਥਾ (ਜੀ. ਆਰ. ਆਈ. ਆਈ. ਡੀ.) ਸੈਕਟਰ 31-ਸੀ ਚੰਡੀਗੜ੍ਹ ਨੇ ਆਪਣਾ 27ਵਾਂ ਸਾਲਾਨਾ ਦਿਵਸ ਉਤਸ਼ਾਹ ਨਾਲ ਮਨਾਇਆ, ਜਿਸ 'ਚ ਸੱਭਿਆਚਾਰਕ ਪ੍ਰਦਰਸ਼ਨ, ਅਕਾਦਮਿਕ ਸੈਸ਼ਨ ਤੇ ਇਨਾਮ ਵੰਡ ਸਮਾਰੌਹ ਕਰਵਾਇਆ | ਹਫ਼ਤਾ ਭਰ ਚੱਲਣ ਵਾਲੇ ਇਸ ਸਾਲਾਨਾ ਦਿਵਸ ਦੌਰਾਨ ਇਕ ਪੋਸਟਰ ਮੇਕਿੰਗ, ਸਲੋਗਨ ਲਿਖਣ ਮੁਕਾਬਲਾ, ਰਾਸ਼ਟਰੀ ਖੇਡ ਦਿਵਸ ਤੇ 1 ਤਰੀਕ ਨੂੰ ਸਮਾਪਤੀ ਪ੍ਰੋਗਰਾਮ ਵਿਚ ਜੀ. ਆਰ. ਆਈ. ਆਈ. ਡੀ. ਦੇ ਸੰਯੁਕਤ ਨਿਰਦੇਸ਼ਕ ਡਾ. ਅਜੀਤ ਸਿਡਾਨਾ ਨੇ ਭਾਸ਼ਨ ਦੇ ਨਾਲ-ਨਾਲ ਜੀਵੰਤ ਸੱਭਿਆਚਾਰਕ ਪੇਸ਼ਕਾਰੀਆਂ ਪੇਸ਼ ਕੀਤੀਆਂ ਗਈਆਂ | ਸੱਭਿਆਚਾਰਕ ਪ੍ਰੋਗਰਾਮ 'ਚ ਪ੍ਰੇਰਣਾਦਾਇਕ ਡਾਂਸ ਮੈਸ਼-ਅੱਪ, ਡੁਏਟ ਡਾਂਸ, ਸੋਲੋ ਗੀਤ, ਸਾਜ਼ ਪੇਸ਼ਕਾਰੀ ਸ਼ਾਮਿਲ ਸੀ | ਪ੍ਰੋਗਰਾਮ ਦੇ ਅੰਤ 'ਚ ਵਿਦਿਆਰਥੀਆਂ ਦੁਆਰਾ ਸੰਯੁਕਤ ਭੰਗੜਾ ਪਾਇਆ | ਇਨਾਮ ਵੰਡ ਸਮਾਰੋਹ ਦੌਰਾਨ ਪੋਸਟਰ ਤੇ ਸਲੋਗਨ ਲਿਖਣ ਮੁਕਾਬਲਿਆਂ ਦੇ ਜੇਤੂਆਂ ਦੇ ਨਾਲ-ਨਾਲ ਸ਼ਾਨਦਾਰ ਸੱਭਿਆਚਾਰਕ ਕਲਾਕਾਰਾਂ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ ਜੀ. ਆਰ. ਆਈ. ਆਈ. ਡੀਯ ਸੰਸਥਾ ਦੇ ਸੀਨੀਅਰ ਅਧਿਕਾਰੀ, ਜਿਨ੍ਹਾਂ 'ਚ ਪ੍ਰਸ਼ਾਸਨਿਕ ਅਧਿਕਾਰੀ ਜਸਪਾਲ ਸ਼ਰਮਾ, ਇੰਚਾਰਜ ਕਲੀਨਿਕ ਡਾ. ਰੀਨਾ ਜੈਨ, ਪਿ੍ੰਸੀਪਲ ਵੰਦਨਾ ਸਿੰਘ ਅਤੇ ਕੋਰਸ ਕੋਆਰਡੀਨੇਟਰ ਡਾ. ਐਮ. ਕਰੂਅੱਪਾਸਾਮੀ ਸ਼ਾਮਿਲ ਸਨ |
