ਚੰਡੀਗੜ੍ਹ, 30 ਦਸੰਬਰ (ਅ.ਬ.)- ਆਪਣੇ 51ਵੇਂ ਸਥਾਪਨਾ ਦਿਵਸ ਦੇ ਮੌਕੇ 'ਤੇ ਸੇਂਟ ਸੋਲਜਰ ਇੰਟਰਨੈਸ਼ਨਲ ਸਕੂਲ, ਸੈਕਟਰ 28 ਬੀ, ਚੰਡੀਗੜ੍ਹ ਵਲੋਂ ਸਕੂਲ ਕੈਂਪਸ ਵਿੱਚ ਆਧਿਆਤਮਿਕ ਤੌਰ 'ਤੇ ਪ੍ਰੇਰਣਾਦਾਇਕ ਤਿੰਨ ਦਿਨਾਂ ਦਾ ਅਖੰਡ ਪਾਠ ਆਯੋਜਿਤ ਕੀਤਾ ਗਿਆ | ਇਸ ਪਾਵਨ ਸਮਾਗਮ ਦੀ ਸ਼ੁਰੂਆਤ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸ਼ਰਧਾਪੂਰਵਕ ਆਗਮਨ ਨਾਲ ਹੋਈ, ਜਿਨ੍ਹਾਂ ਨੂੰ ਸਕੂਲ ਦੇ ਨਿਰਦੇਸ਼ਕ ਜਗਵਿੰਦਰ ਪਾਲ ਸਿੰਘ ਹਾਇਰ ਅਤੇ ਸਕੂਲ ਚੇਅਰਮੈਨ ਰਵਿੰਦਰ ਪਾਲ ਸਿੰਘ ਹਾਇਰ ਵੱਲੋਂ ਪੂਰੇ ਸਤਿਕਾਰ ਸਹਿਤ ਸਕੂਲ ਵਿੱਚ ਲਿਆਂਦਾ ਗਿਆ | ਸਕੂਲ ਬੈਂਡ ਵਲੋਂ ਰਸਮੀ ਸਵਾਗਤ ਕੀਤਾ ਗਿਆ, ਜਦਕਿ ਸਕੂਲ ਸਲਾਹਕਾਰ ਸ੍ਰੀ ਵਿਜਯਾ ਸਿੱਧੂ ਅਤੇ ਪਿ੍ੰਸਿਪਲ ਸ੍ਰੀ ਅਨੀਸ਼ਾ ਘੁੰਮਣ ਨੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੇ ਨਾਲ ਮਿਲ ਕੇ ਸਰਬਸ਼ਕਤੀਮਾਨ ਪ੍ਰਤੀ ਅਭਾਰ ਦੇ ਪ੍ਰਤੀਕ ਵਜੋਂ ਫੁੱਲਾਂ ਦੀ ਵਰਖਾ ਕਰਕੇ ਆਪਣੀ ਸ਼ਰਧਾ ਪ੍ਰਗਟ ਕੀਤੀ | ਅਖੰਡ ਪਾਠ ਦਾ ਸਮਾਪਨ ਭੋਗ ਸਮਾਰੋਹ ਅਤੇ ਕੀਰਤਨ ਨਾਲ ਹੋਇਆ, ਜਿਸ 'ਚ ਵਿਦਿਆਰਥੀਆਂ, ਪੁਰਾਤਨ ਵਿਦਿਆਰਥੀਆਂ ਅਤੇ ਅਭਿਭਾਵਕਾਂ ਦੀ ਭਾਵਪੂਰਨ ਭਾਗੀਦਾਰੀ ਵੇਖਣ ਨੂੰ ਮਿਲੀ | ਵਿਦਿਆਰਥੀਆਂ ਅਤੇ ਸਟਾਫ ਵੱਲੋਂ ਗਾਏ ਗਏ ਮਿੱਠੇ ਸ਼ਬਦਾਂ ਨੇ ਵਾਤਾਵਰਣ ਨੂੰ ਗਹਿਰੀ ਆਧਿਆਤਮਿਕ ਊਰਜਾ ਨਾਲ ਭਰ ਦਿੱਤਾ | ਪੂਰਾ ਸਮਾਗਮ ਭਗਤੀ, ਏਕਤਾ ਅਤੇ ਸਮੂਹਕ ਸ਼ਰਧਾ ਨਾਲ ਸਰਾਬੋਰ ਰਿਹਾ | ਨਿਸ਼ਕਾਮ ਸੇਵਾ ਦੀ ਪਰੰਪਰਾ ਨੂੰ ਕਾਇਮ ਰੱਖਦੇ ਹੋਏ ਇਸ ਸਮਾਗਮ ਦੌਰਾਨ ਗੁਰੂ ਕਾ ਲੰਗਰ ਵੀ ਆਯੋਜਿਤ ਕੀਤਾ ਗਿਆ |
