ਐੱਮ.ਐੱਲ.ਜੀ ਸਕੂਲ ਚੀਮਾ ਦੇ ਵਿਦਿਆਰਥੀਆਂ ਨੇ ਲਗਾਇਆ ਵਿੱਦਿਅਕ ਟੂਰ

ਅ

ਅਜੀਤ ਡੈਸਕ 03-11-2025

ਚੀਮਾ ਮੰਡੀ, 2 ਨਵੰਬਰ (ਜਗਰਾਜ ਮਾਨ)-ਐੱਮ ਐੱਲ ਜੀ ਕਾਨਵੈਂਟ ਸਕੂਲ ਚੀਮਾਂ (ਸੀ ਬੀ ਐਸ ਸੀ ਨਵੀ ਦਿੱਲੀ ਤੋਂ ਮਾਨਤਾ ਪ੍ਰਾਪਤ) ਦੇ ਨਰਸਰੀ, ਐੱਲ.ਕੇ.ਜੀ, ਯੂ.ਕੇ.ਜੀ ਕਲਾਸਾਂ ਦੇ 150 ਦੇ ਕਰੀਬ ਬੱਚਿਆ ਦਾ ਇਕ ਰੋਜ਼ਾ ਵਿੱਦਿਅਕ ਟੂਰ ਦਾ ਆਯੋਜਨ ਕੀਤਾ ਗਿਆ | ਬੱਚਿਆ ਦਾ ਗੇਮਿੰਗ ਜ਼ੋਨ ਹੰਡਿਆਇਆ (ਬਰਨਾਲਾ) ਦਾ ਇੱਕ ਰੋਜ਼ਾ ਟੂਰ ਲਗਵਾਇਆ, ਜਿੱਥੇ ਬੱਚਿਆ ਨੇ ਸਮੈਸ਼ਿੰਗ ਗੇਮਸ ਵਿਚ ਖੂਬ ਆਨੰਦ ਲਿਆ | ਬੱਚਿਆ ਨੇ ਕਾਰ/ਬਾਇਕ ਰਾਈਡਾਂ, ਬਾਲਿੰਗ, ਸਲਾਈਡ, ਡੋਮ ਸਲਾਈਡ, ਜੰਪਿੰਗ ਪੈਬਲਸ 'ਤੇ ਆਪਣੇ ਆਪ ਨੂੰ ਲੁਭਾਇਆ | ਇਸ ਤੋਂ ਬਾਅਦ ਬੱਚਿਆ ਨੇ ਬਰੇਕਫਾਸਟ ਕੀਤਾ ਅਤੇ ਫਿਰ ਉਤਸ਼ਾਹ ਨਾਲ ਗੇਮਿੰਗ ਜੋਨ ਦਾ ਅਲੱਗ ਅਲੱਗ ਪ੍ਰਕਾਰ ਦੀਆਂ ਖੇਡਾਂ ਖੇਡਣ ਦਾ ਅਨੰਦ ਮਾਣਿਆ | ਇਸ ਦੌਰਾਨ ਬੱਚਿਆ ਨੇ ਅਲੱਗ ਅਲੱਗ ਥਾਵਾਂ 'ਤੇ ਫ਼ੋਟੋਆਂ ਵੀ ਕੀਤੀਆਂ | ਗੇਮਿੰਗ ਜੋਨ ਦਾ ਦੌਰਾ ਯਾਦਗਾਰੀ ਰਿਹਾ ਅਤੇ ਇਹ ਸਾਰੇ ਬੱਚਿਆਂ ਲਈ ਅਪਣੇ ਰਿਸ਼ਤੇ ਨੂੰ ਮਜ਼ਬੂਤ ਕਰਨ ਦਾ ਇੱਕ ਸ਼ਾਨਦਾਰ ਮੌਕਾ ਸੀ | ਇਸ ਤੋਂ ਇਲਾਵਾ ਕਲਾਸ ਪਹਿਲੀ ਤੋਂ ਦਸਵੀਂ ਤੱਕ ਦੇ 250 ਦੇ ਕਰੀਬ ਬੱਚਿਆ ਦਾ ਇਕ ਰੋਜ਼ਾ ਟੂਰ ਦਾ ਆਯੋਜਨ 'ਹੌਪ-ਅੱਪ ਫ਼ਨ ਅਤੇ ਗੇਮਿੰਗ ਜੋਨ' ਜੀਰਕਪੁਰ ਵਿਖੇ ਕੀਤਾ ਗਿਆ | ਹੌਪ ਅੱਪ ਜ਼ੀਰਕਪੁਰ ਵਿਚ ਬੱਚਿਆਂ ਨੇ ਕਈ ਤਰ੍ਹਾਂ ਦੀਆਂ ਖੇਡਾਂ ਅਤੇ ਗਤੀਵਿਧੀਆਂ ਦਾ ਅਨੰਦ ਮਾਣਿਆ, ਜਿਸ ਵਿਚ ਗੋ-ਕਾਰਟਿੰਗ, ਇੱਕ ਟਰੈਂਪੋਲੀਨ ਪਾਰਕ, ਵੀਡੀਓ ਗੇਮਾਂ ਵਾਲਾ ਇੱਕ ਆਰਕੇਡ, ਅਤੇ ਬਾਲਿੰਗ ਸ਼ਾਮਿਲ ਸਨ | ਬੱਚਿਆ ਨੇ ਅਲੱਗ-ਅਲੱਗ ਰਾਈਡਾਂ, ਜਿਵੇਂ ਕਿ ਵੇਵ ਪੂਲ, ਐਨਾਕਾਂਡਾ ਹੋਲ, ਟਿਊਨ ਸਲਾਈਡ, ਡੋਮ ਸਲਾਈਡ, ਜੰਪਿਗ ਜੋਨ 'ਤੇ ਆਪਣੇ ਆਪ ਨੂੰ ਲੁਭਾਇਆ ਅਤੇ ਉਹ ਫਨ ਵਰਲਡ ਵਿਚ ਮਿਨੀ ਡਿਸਕ ਡਾਂਸ ਫਲੋਰ 'ਤੇ ਵੀ ਸ਼ਾਮਲ ਹੋਏ | ਬੱਚਿਆ ਨੇ ਰੋਮਾਂਚਕ ਰਾਈਡਾਂ ਜਿਵੇਂ ਕਿ ਹੌਰਰ ਹਾਊਸ, ਡਰੈਗਨ ਟਰੇਨ, ਬੰਪਰ ਕਾਰ, ਰਿਵਾਲਵਿੰਗ ਟਾਵਰ, ਜਰਕੀ ਬਰੇਕ ਡਾਂਸ ਅਤੇ ਹੋਰ ਬਹੁਤ ਕੁਝ 'ਤੇ ਇੱਕ ਵਹੇਲ ਦਾ ਸਮਾਂ ਸੀ | ਬੱਚਿਆ ਦੇ ਖੁਸ਼ ਚਿਹਰੇ ਟੂਰ ਦੀ ਸਫ਼ਲਤਾ ਦਾ ਪ੍ਰਗਟਾਵਾ ਕੀਤਾ | ਇਸ ਵਿੱਦਿਅਕ-ਟੂਰ ਦੇ ਦੌਰਾਨ ਵਿਦਿਆਰਥੀਆਂ ਲਈ 'ਹਵੇਲੀ' ਉੱਪਰ ਰਾਤ ਦੇ ਖਾਣੇ ਦਾ ਪ੍ਰਬੰਧ ਵੀ ਕੀਤਾ ਗਿਆ | ਸਕੂਲ ਦੇ ਪਿ੍ੰਸੀਪਲ ਡਾ: ਵਕਾਸ ਸੂਦ ਜੀ ਨੇ ਦੱਸਿਆ ਕਿ ਸਕੂਲ ਵੱਲੋਂ ਬੱਚਿਆ ਲਈ ਇਸ ਤਰ੍ਹਾਂ ਦੇ ਵਿੱਦਿਅਕ ਟੂਰ ਕਰਵਾਏ ਜਾਂਦੇ ਹਨ ਤਾਂ ਜੋ ਬੱਚਿਆ ਦਾ ਸਰਵਪੱਖੀ ਵਿਕਾਸ ਹੋ ਸਕੇ | ਬੱਚਿਆ ਦੇ ਜੀਵਨ 'ਚ ਟੂਰ ਦੀ ਬਹੁਤ ਮਹੱਤਤਾ ਹੁੰਦੀ ਹੈ | ਜਿਸ ਨਾਲ ਜਿੱਥੇ ਬੱਚਿਆ ਦੇ ਗਿਆਨ 'ਚ ਵਾਧਾ ਹੁੰਦਾ ਹੈ | ਉਥੇ ਉਸ ਦਾ ਕਿਤਾਬੀ ਪੜ੍ਹਾਈ ਨਾਲ ਥੱਕਿਆ ਦਿਮਾਗ ਵੀ ਤਰੋ-ਤਾਜ਼ਾ ਹੋ ਜਾਂਦਾ ਹੈ | ਜਿੱਥੇ ਇਹ ਟੂਰ ਬੱਚਿਆ ਲਈ ਮਨੋਰੰਜਨ ਭਰਪੂਰ ਰਿਹਾ, ਉੱਥੇ ਹੀ ਜਾਣਕਾਰੀ ਦੇ ਪੱਖ ਤੋਂ ਬੱਚਿਆ ਲਈ ਬਹੁਤ ਹੀ ਲਾਹਵੰਦ ਸਾਬਿਤ ਹੋਇਆ | ਇਸ ਮੌਕੇ ਤੇ ਸਕੂਲ ਮੈਨੇਜਮੈਂਟ ਮੈਬਰ ਸੋਨੀਆ ਰਾਣੀ, ਮਧੂ ਰਾਣੀ, ਰਜਿੰਦਰ ਕੁਮਾਰ, ਹੈਪੀ ਕੁਮਾਰ, ਪਿ੍ੰਸੀਪਲ ਡਾ: ਵਿਕਾਸ ਸੂਦ ਜੀ ਨੇ ਬੱਚਿਆ ਦੀਆਂ ਟੂਰ ਬੱਸਾਂ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ |

ਐੱਮ.ਐੱਲ.ਜੀ ਸਕੂਲ ਚੀਮਾ ਦੇ ਵਿਦਿਆਰਥੀਆਂ ਨੇ ਲਗਾਇਆ ਵਿੱਦਿਅਕ ਟੂਰ

ਸੰਬੰਧਿਤ ਖ਼ਬਰਾਂ