ਸੁਖਸਾਲ, 1 ਸਤੰਬਰ (ਧਰਮ ਪਾਲ)-ਸਥਾਨਕ ਪਿੰਡ ਸੂਰੇਵਾਲ ਵਿਖੇ ਪ੍ਰਾਚੀਨ ਬਾਬਾ ਬਿੜੇ ਵਾਲੇ ਦਾ ਸਾਲਾਨਾ ਭੰਡਾਰਾ 7 ਸਤੰਬਰ ਨੂੰ ਸ਼ਰਧਾ ਨਾਲ ਕਰਵਾਇਆ ਜਾ ਰਿਹਾ ਹੈ | ਇਸ ਬਾਰੇ ਕਮੇਟੀ ਪ੍ਰਧਾਨ ਸੋਹਣ ਲਾਲ ਚੌਧਰੀ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਵਿਧੀ ਪੂਰਵਕ ਪੂਜਾ ਕਰਨ ਉਪਰੰਤ ਬਾਬਾ ਜੀ ਦਾ ਭੰਡਾਰਾ ਵਰਤਾਇਆ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ 6 ਸਤੰਬਰ ਦੀ ਰਾਤ ਨੂੰ ਪ੍ਰਸਿੱਧ ਭਜਨ ਮੰਡਲੀ ਕਾਲਾ ਗੁੱਜਰ ਤੇ ਉਨ੍ਹਾਂ ਦੀ ਪਾਰਟੀ ਵਲੋਂ ਬਾਬਾ ਜੀ ਦੀ ਮਹਿਮਾਂ ਦਾ ਗੁਣਗਾਨ ਕੀਤਾ ਜਾਵੇਗਾ, 7 ਸਤੰਬਰ ਨੂੰ ਪ੍ਰਸਿੱਧ ਪੰਜਾਬੀ ਕਲਾਕਾਰ ਪਿਰਤੀ ਸਿਲੋਨ ਅਤੇ ਉਨ੍ਹਾਂ ਦੀ ਪਾਰਟੀ ਵਲੋਂ ਦਿਨ ਸਮੇਂ ਬਾਬਾ ਜੀ ਦੀ ਮਹਿਮਾਂ ਦਾ ਗੁਣਗਾਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਜਾਵੇਗਾ |
