ਸੁਖਸਾਲ, 2 ਸਤੰਬਰ (ਧਰਮ ਪਾਲ)-ਪਿਛਲੇ ਕਈ ਦਿਨਾਂ ਤੋਂ ਲੱਗੀ ਬਾਰਿਸ਼ ਕਾਰਨ ਹੜ ਪ੍ਰਭਾਵਿਤ ਲੋਕਾਂ ਦੇ ਰਹਿਣ ਅਤੇ ਖਾਣ ਪੀਣ ਲਈ ਸ੍ਰੀ ਚੰਦ ਨਿਰਮਾਣ ਆਸ਼ਰਮ ਭਨਾਮ ਵਿਖੇ ਸੰਤ ਬਾਬਾ ਉਮੇਦ ਗਿਰ ਮਹਾਰਾਜ ਅਤੇ ਬਾਬਾ ਕਮਲ ਦਾਸ ਜੀ ਮਹਾਰਾਜ ਦੀ ਅਗਵਾਈ ਵਿਚ ਪ੍ਰਬੰਧ ਬੀਤੀ ਰਾਤ ਤੋਂ ਚਲਾ ਦਿੱਤੇ ਗਏ ਹਨ | ਇਸ ਮੌਕੇ ਬਾਬਾ ਜੀ ਨੇ ਦੱਸਿਆ ਕਿ ਸਾਡੇ ਇਲਾਕੇ ਦੇ ਹੜ੍ਹ ਪੀੜਤਾਂ ਦੇ ਪਸ਼ੂਆਂ ਲਈ ਇੱਕ ਟਰਾਲਾ ਅਚਾਰ ਚਾਰਾ ਤੇ ਇੱਕ ਟਰਾਲਾ ਤੂੜੀ ਦਾ ਵੀਰ ਤਰਨਜੀਤ ਸਿੰਘ ਸਪੇਨ ਵਾਲਿਆ ਦੀ ਸਹਾਇਤਾ ਨਾਲ ਸੁਖਵਿੰਦਰ ਸਿੰਘ ਤੇ ਇਹਨਾਂ ਦੇ ਸਾਥੀ ਪਹੁੰਚਾ ਰਹੇ ਹਨ ਜਿਸ ਦਾ ਲੋਕ ਲਾਭ ਉਠਾ ਸਕਦੇ ਹਨ | ਇਸ ਮੌਕੇ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਸਰਦਾਰ ਕਸ਼ਮੀਰ ਸਿੰਘ, ਗੌਰਵ ਰਾਣਾ, ਭਗਵੰਤ ਸਿੰਘ ਮਟੌਰ, ਹਿਤੇਸ਼ ਨੱਡਾ, ਅਮਿਤ ਨੱਡਾ, ਜੋਤੀ ਭਾਜੀ ਸ੍ਰੀ ਅਨੰਦਪੁਰ ਸਾਹਿਬ, ਬਲਵੀਰ ਖਾਨ ਆਦਿ ਵੀ ਹਾਜਰ ਸਨ |
