ਰੂਪਨਗਰ, 5 ਸਤੰਬਰ (ਯਸ਼ਵੰਤ ਬੱਸੀ)-ਸੀਨੀਅਰ ਸਿਟੀਜ਼ਨ ਕੌਂਸਲ ਰੂਪਨਗਰ ਦੀ ਮਹੀਨਾਵਾਰ ਮੀਟਿੰਗ ਜ਼ਿਲ੍ਹਾ ਪ੍ਰੀਸ਼ਦ ਰੂਪਨਗਰ ਦੇ ਮੀਟਿੰਗ ਹਾਲ ਵਿਚ ਪਰਮਿੰਦਰ ਬੀਰ ਸਿੰਘ ਚੀਮਾ ਸੀਨੀਅਰ ਵਾਈਸ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ | ਸ਼ਬਦ ਗਾਇਨ ਨਾਲ ਸ਼ੁਰੂ ਹੋਈ ਇਸ ਮੀਟਿੰਗ ਵਿਚ ਇੰਡਸ ਹਸਪਤਾਲ ਗਰੁੱਪ ਦੇ ਵੈਲਮਡ ਟਰਾਈਸਿਟੀ ਹਸਪਤਾਲ ਘੜੂੰਆ ਦੇ ਡਾ. ਨਵੀਨ ਨੇ ਪ੍ਰੋਜੈਕਟਰ ਰਾਹੀਂ ਇਸ ਹਸਪਤਾਲ ਦੀ ਫੈਕਿਲਟੀ ਅਤੇ ਸਹੂਲਤਾਂ ਬਾਰੇ ਵਿਸਥਾਰ ਵਿਚ ਜਾਣਕਾਰੀ ਦਿੱਤੀ | ਲੈਬ ਟੀਮ ਵਲੋਂ ਕੌਂਸਲ ਮੈਂਬਰਾਂ ਨੂੰ ਬਲੱਡ ਪ੍ਰੈੱਸ਼ਰ ਅਤੇ ਸੂਗਰ ਟੈੱਸਟ ਲਈ ਫਰੀਂ ਸੇਵਾਵਾਂ ਦਿੱਤੀਆਂ ਗਈਆਂ | ਮੀਟਿੰਗ ਦੌਰਾਨ ਕੌਂਸਲ ਦੇ ਮੈਂਬਰ ਕੇਹਰ ਸਿੰਘ ਨੇ ਗੀਤ, ਮੋਹਨ ਸਿੰਘ ਪਪਰਾਲਾ ਨੇ ਕਵਿਤਾ, ਕਰਨੈਲ ਸਿੰਘ ਨੇ ਬਜ਼ੁਰਗਾਂ ਦੇ ਜੀਵਨ, ਸ੍ਰੀਮਤੀ ਭਗਵੰਤ ਕੌਰ ਨੇ ਰਾਖੀ ਦੇ ਤਿਓਹਾਰ ਗੁਰਚਰਨ ਸਿੰਘ ਬਿੰਦਰਾ ਨੇ ਹੜ੍ਹਾਂ ਦੀ ਸਥਿਤੀ ਬਾਰੇ ਵਿਚਾਰ ਪੇਸ਼ ਕੀਤੇ | ਕੌਂਸਲ ਵਲੋਂ ਮਸ਼ਹੂਰ ਕਲਾਕਾਰ ਜਸਵਿੰਦਰ ਭੱਲਾ, ਇੰਦਰਜੀਤ ਸਿੰਘ ਅਤੇ ਹੜ੍ਹਾਂ ਵਿਚ ਵਿਛੜੀਆਂ ਰੂਹਾਂ ਨੂੰ ਮੋਨ ਰੱਖ ਕੇ ਸਰਧਾਂਜਲੀ ਦਿੱਤੀ ਗਈ | ਇਸ ਸਮੇਂ ਕਾਰਜਕਾਰਨੀ ਮੈਂਬਰ ਸ੍ਰੀ ਮਤੀ ਦਲਬੀਰ ਕੌਰ ਚੀਮਾ, ਸ੍ਰੀਮਤੀ ਪਰਮਿੰਦਰ ਕੌਰ ਪੰਦੋਹਲ, ਸੁਰੇਸ਼ ਚੰਦਰ, ਹਰਬੰਸ ਸਿੰਘ, ਹਜੂਰਾ ਸਿੰਘ, ਸਰਬਜੀਤ ਸਿੰਘ ਅਤੇ ਕੇਹਰ ਸਿੰਘ ਆਦਿ ਮੈਂਬਰ ਹਾਜ਼ਰ ਸਨ |