21-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-09-2025

ਨੂਰਪੁਰ ਬੇਦੀ ਇਲਾਕੇ ਦਾ ਪਿੰਡ ਸ਼ਾਹਪੁਰ ਬੇਲਾ 5 ਦਿਨਾਂ ਤੋਂ ਸਤਲੁਜ ਦੇ ਪਾਣੀ 'ਚ ਘਿਰਿਆ <br/>

Ad Position 21
No active advertisement
ਸ਼ਾਹਪੁਰ ਬੇਲਾ ਦੇ ਲੋਕ ਸਮਾਜ ਸੇਵੀ ਸੰਸਥਾ ਵਲੋਂ ਦਿੱਤੀ ਰਾਹਤ ਸਮੱਗਰੀ ਵਾਪਸ ਕਰਦੇ ਹੋਏ | (ਸੱਜੇ) ਨੂਰਪੁਰ ਬੇਦੀ-ਬੁੰਗਾ ਸਾਹਿਬ ਮਾਰਗ ਤੋਂ ਸ਼ਾਹਪੁਰ ਬੇਲਾ ਨੂੰ ਜਾਂਦੀ ਲਿੰਕ ਸੜਕ ਹੜ੍ਹ ਦੇ ਪਾਣੀ ਵਿਚ ਡੁੱਬੀ ਹੋਈ | ਤਸਵੀਰਾਂ: ਹਰਦੀਪ ਸਿੰਘ ਢੀਂਡਸਾ <br/> 06-09-2025
ਨੂਰਪੁਰ ਬੇਦੀ, 5 ਸਤੰਬਰ (ਹਰਦੀਪ ਸਿੰਘ ਢੀਂਡਸਾ)-ਰੋਪੜ ਜ਼ਿਲ੍ਹੇ ਦੇ ਨੂਰਪੁਰ ਬੇਦੀ ਬਲਾਕ ਦਾ ਪਿੰਡ ਸ਼ਾਹਪੁਰ ਬੇਲਾ ਬੀਤੇ 5 ਦਿਨਾਂ ਤੋਂ ਚਾਰੇ ਪਾਸੇ ਤੋਂ ਸਤਲੁਜ ਦਰਿਆ ਦੇ ਪਾਣੀ ਵਿਚ ਘਿਰਿਆ ਹੋਇਆ ਹੈ | ਛੋਟੇ ਜਿਹੇ 40-45 ਘਰਾਂ ਵਾਲੇ ਇਸ ਪਿੰਡ ਵਿਚ ਲੋਕ ਤੇ ਪਸ਼ੂ ਸੁਰੱਖਿਅਤ ਹਨ ਪਰ ਪਿੰਡ ਵਾਸੀਆਂ ਦੀ ਕਰੀਬ 700 ਏਕੜ ਜ਼ਮੀਨ ਸਤਲੁਜ ਦਰਿਆ ਦੇ ਪਾਣੀ ਵਿਚ ਬੁਰੀ ਤਰ੍ਹਾਂ ਡੁੱਬੀ ਹੋਈ ਹੈ | ਪਿੰਡ ਦਾ ਸੰਪਰਕ ਬਾਕੀ ਇਲਾਕੇ ਨਾਲੋਂ ਪੂਰੀ ਤਰ੍ਹਾਂ ਟੁੱਟ ਚੁੱਕਾ ਹੈ | ਸਿਰਫ਼ ਐਨ.ਡੀ.ਆਰ.ਐਫ ਦੀਆਂ ਟੀਮਾਂ ਵਲੋਂ ਹੀ ਲੋਕਾਂ ਨੂੰ ਹੜ੍ਹ ਦੇ ਪਾਣੀ ਤੋਂ ਆਰ-ਪਾਰ ਲਿਆਉਣ ਲਈ ਮੁਸਤੈਦੀ ਨਾਲ ਕੰਮ ਕਰ ਰਹੀਆਂ ਹਨ | ਜ਼ਿਆਦਾਤਰ ਪਿੰਡ ਵਾਸੀ ਕਿਰਸਾਨੀ ਨਾਲ ਜੁੜੇ ਹੋਏ ਹਨ | ਲੋਕਾਂ ਨੇ ਸੈਂਕੜੇ ਏਕੜ ਜ਼ਮੀਨ ਵਿਚ ਪਾਪੂਲਰ ਤੇ ਝੋਨੇ ਦੀ ਫ਼ਸਲ ਖੇਤਾਂ ਵਿਚ ਬੀਜੀ ਹੋਈ ਹੈ | ਜੋ ਪੂਰੀ ਤਰ੍ਹਾਂ ਪਾਣੀ ਵਿਚ ਡੁੱਬ ਚੁੱਕੀ ਹੈ | ਪਿੰਡ ਦੇ ਲੋਕ ਅਣਖੀ ਹਨ | ਭਾਵੇਂ ਕਰੋੜਾਂ ਦੀ ਫ਼ਸਲ ਪਾਣੀ ਦੀ ਮਾਰ ਹੇਠ ਹੈ ਪਰ ਕਿਸੀ ਤੋਂ ਵੀ ਰਾਸ਼ਨ ਜਾਂ ਹੋਰ ਸਮਗਰੀ ਲੈਣ ਤੋਂ ਇਨਕਾਰੀ ਹਨ | ਅੱਜ ਇੱਕ ਸਮਾਜ ਸੇਵੀ ਸੰਸਥਾ ਜਦੋਂ ਇਹਨਾਂ ਪਿੰਡ ਵਾਸੀਆਂ ਨੇ ਰਾਸ਼ਨ ਤੇ ਹੋਰ ਜ਼ਰੂਰੀ ਰਾਹਤ ਸਮਗਰੀ ਲੈ ਕੇ ਤਾਂ ਪਿੰਡ ਵਾਸੀਆਂ ਨੇ ਦਿ੍ੜ੍ਹ ਹੌਸਲੇ ਨਾਲ ਕਿਹਾ ਕਿ ਆਪਣੇ ਪਿੰਡ ਨੂੰ ਰਾਸ਼ਨ ਤੇ ਹੋਰ ਸਮਗਰੀ ਦੇਣ ਦੇ ਸਮਰੱਥ ਹਾਂ |ਉਨ੍ਹਾਂ ਨੇ ਇਹ ਰਾਹਤ ਸਮਗਰੀ ਬੇਰੰਗ ਮੋੜ ਦਿੱਤੀ |ਸਰਪੰਚ ਮਲਕੀਤ ਸਿੰਘ ਨੇ ਹੋਰਨਾਂ ਸੰਸਥਾਵਾਂ ਨੂੰ ਵੀ ਅਪੀਲ ਕੀਤੀ ਕਿ ਉਨ੍ਹਾਂ ਦੇ ਪਿੰਡ ਰਾਸ਼ਨ ਜਾਂ ਹੋਰ ਵਸਤਾਂ ਲੈ ਕੇ ਨਾ ਆਉਣ |ਪਿੰਡ ਵਾਸੀ ਖ਼ੁਦ ਆਪਣੀ ਮਦਦ ਕਰਨ ਦੇ ਸਮਰੱਥ ਹਨ |ਪਿੰਡ ਵਾਸੀਆਂ ਦੇ ਹੌਸਲੇ ਪ੍ਰੋ.ਪੂਰਨ ਸਿੰਘ ਦੀਆਂ ਇਹਨਾਂ ਪੰਗਤੀਆਂ ''ਇਹ ਬੇਪ੍ਰਵਾਹ ਜਵਾਨ ਪੰਜਾਬ ਦੇ ਮੌਤ ਨੂੰ ਮਖੌਲਾਂ ਕਰਨ'' ਤੇ ਖਰੇ ਉਤਰ ਰਹੇ ਹਨ |ਨਾਇਬ ਤਹਿਸੀਲਦਾਰ ਨੂਰਪੁਰ ਬੇਦੀ ਮੈਡਮ ਸੁਨੀਤਾ ਨੇ ਦੱਸਿਆ ਕਿ ਹਲਕਾ ਵਿਧਾਇਕ ਚੱਢਾ ਵਲੋਂ ਬੀਤੇ ਦਿਨ ਇਹਨਾਂ ਨੂੰ ਕਿਸ਼ਤੀ ਵੀ ਮੁਹੱਈਆ ਕਰਵਾਈ ਗਈ | ਪ੍ਰਸ਼ਾਸਨ ਵਲੋਂ ਮੈਡੀਕਲ ਤੇ ਪਸ਼ੂ ਪਾਲਨ ਵਿਭਾਗ ਦੀਆਂ ਟੀਮਾਂ ਪਿੰਡ ਵਿਚ ਭੇਜੀਆਂ ਜਾ ਰਹੀਆਂ ਹਨ |ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰਹਿਣ ਤੇ ਖਾਣ ਪੀਣ ਦੀ ਕੋਈ ਕਮੀ ਨਹੀਂ ਹੈ | ਸਿਰਫ਼ ਸੰਪਰਕ ਟੁੱਟਣ ਕਾਰਨ ਪ੍ਰਭਾਵਿਤ ਜ਼ਰੂਰ ਹੋਏ ਹਾਂ |
ਉੱਜੜੀਆਂ ਫ਼ਸਲਾਂ ਦਾ ਮੁਆਵਜ਼ਾ ਦਿੱਤਾ ਜਾਵੇ, ਪਿੰਡ ਵਾਸੀਆਂ ਸਰਪੰਚ ਮਲਕੀਤ ਸਿੰਘ, ਚਰਨਜੀਤ ਸਿੰਘ, ਦਵਿੰਦਰ ਸਿੰਘ, ਹਿੰਮਤ ਸਿੰਘ, ਜਗਵੀਰ ਸਿੰਘ, ਕੁਲਦੀਪ ਸਿੰਘ, ਸਰਬਜੀਤ ਸਿੰਘ, ਅਮਰੀਕ ਸਿੰਘ ਸਾਂ ਸਰਪੰਚ, ਅਜਮੇਰ ਸਿੰਘ ਅਤੇ ਸੁਰਜੀਤ ਸਿੰਘ ਆਦਿ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਜ਼ਮੀਨਾਂ, ਸੜਕਾਂ, ਰਸਤਿਆਂ ਤੇ ਫ਼ਸਲਾਂ ਦਾ ਵੱਡਾ ਨੁਕਸਾਨ ਹੋਇਆ ਹੈ | ਉਨ੍ਹਾਂ ਕਿਹਾ ਕਿ ਪਿੰਡ ਨੂੰ ਜਾਂਦਾ ਰਸਤਾ ਹਰ ਸਾਲ ਹੜ੍ਹ ਕਾਰਨ ਪਾਣੀ ਵਿਚ ਡੁੱਬ ਜਾਂਦਾ ਹੈ | ਜਿਸ ਕਰਕੇ ਲੋਕ ਪਾਣੀ ਵਿਚ ਘਿਰ ਜਾਂਦੇ ਹਨ | ਉਨ੍ਹਾਂ ਮੰਗ ਕੀਤੀ ਕਿ ਨੁਕਸਾਨੇ ਦਾ ਮੁਆਵਜ਼ਾ ਦਿੱਤਾ ਜਾਵੇ ਅਤੇ ਪਿੰਡ ਨੂੰ ਹੜ੍ਹ 'ਚ ਸੰਪਰਕ ਟੁੱਟਣ ਤੋਂ ਬਚਾਇਆ ਜਾਵੇ |

Ad Position 22
No active advertisement
ਪਿਛਲੀ ਖ਼ਬਰ ਸੀਨੀਅਰ ਸਿਟੀਜ਼ਨਸ ਕੌਂਸਲ ਦੀ ਇਕੱਤਰਤਾ ਅਗਲੀ ਖ਼ਬਰ ਮਾਈਨਿੰਗ ਅਧਿਕਾਰੀਆਂ ਨੂੰ ਦੋਗਲੀ ਨੀਤੀ ਅਪਨਾਉਣੀ ਪਈ ਮਹਿੰਗੀ <br/>
Ad Position 24