21-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-09-2025

ਹਰਜੋਤ ਬੈਂਸ ਨੇ ਹੜ੍ਹ ਪ੍ਰਭਾਵਿਤ ਸ੍ਰੀ ਲਕਸ਼ਮੀ ਨਰਾਇਣ ਮੰਦਰ ਦੀ ਇਮਾਰਤ ਨੂੰ ਬਚਾਉਣ ਲਈ ਸੰਭਾਲਿਆ ਮੋਰਚਾ <br/>

Ad Position 21
No active advertisement
ਸਤਲੁਜ ਦਰਿਆ ਦੇ ਤੇਜ਼ ਵਹਾਅ ਵਾਲੇ ਪਾਣੀ ਨਾਲ ਸ੍ਰੀ ਲਕਸ਼ਮੀ ਨਰਾਇਣ ਮੰਦਰ ਦੀ ਇਮਾਰਤ ਨੂੰ ਪੈਦਾ ਹੋਏ ਖਤਰੇ ਨੂੰ ਰੋਕਣ ਲਈ ਖੁਦ ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ ਸਾਥੀਆਂ ਸਮੇਤ ਸਤਲੁਜ ਦਰਿਆ ਵਿਚ ਡੰਗਾ ਲਗਾਉਣ ਦਾ ਜੋਖ਼ਮ ਭਰੇ ਰਾਹਤ ਕਾਰਜਾਂ ਵਿਚ ਜੁਟੇ ਹੋਏ | <br/> 06-09-2025
ਨੰਗਲ, 5 ਸਤੰਬਰ (ਪ੍ਰੀਤਮ ਸਿੰਘ ਬਰਾਰੀ)-ਹਰਜੋਤ ਸਿੰਘ ਬੈਂਸ ਕੈਬਨਿਟ ਮੰਤਰੀ ਪਿਛਲੇ ਕਈ ਦਿਨਾਂ ਤੋ ਆਪਣੇ ਹਲਕੇ ਦੇ ਲਗਭਗ ਹਰ ਪ੍ਰਭਾਵਿਤ ਪਿੰਡ, ਸ਼ਹਿਰ ਵਿਚ ਜਾ ਕੇ ਰਾਹਤ ਤੇ ਬਚਾਅ ਕਾਰਜਾਂ ਦੀ ਕਮਾਨ ਖੁੱਦ ਸੰਭਾਲ ਰਹੇ ਹਨ | ਉੱਥੇ ਨੰਗਲ ਦੇ ਪੁਰਾਤਨ ਸ੍ਰੀ ਲਕਸ਼ਮੀ ਨਰਾਇਣ ਮੰਦਿਰ ਦੇ ਸ੍ਰੀ ਰਾਧਾ ਕਿ੍ਸ਼ਨ ਮੰਦਿਰ ਦਾ ਕੁਝ ਹਿੱਸਾ ਸਤਲੁਜ ਦਰਿਆ ਦੇ ਤੇਜ਼ ਵਹਾਅ ਵਿਚ ਨੁਕਸਾਨੇ ਜਾਣ ਦੀ ਮੁਰੰਮਤ ਦਾ ਕੰਮ ਵੀ ਅੱਜ ਸਵੇਰ ਤੋ ਹੀ ਸ. ਬੈਂਸ ਨੇ ਖੁੱਦ ਸੰਭਾਲ ਲਿਆ ਹੈ | ਉਹ ਆਪ ਵਲੰਟੀਅਰਾਂ ਨਾਲ ਵੱਖ-ਵੱਖ ਸਾਧਨਾ ਰਾਹੀ ਦਰਿਆ ਦੇ ਤੇਜ਼ ਵਹਾਅ ਵਿਚ ਡੰਗੇ/ਠੋਕਰਾਂ ਲਗਾ ਰਹੇ ਹਨ, ਤਾਂ ਜੋ ਇਸ ਪਵਿੱਤਰ ਇਤਿਹਾਸਕ ਮੰਦਿਰ ਨੂੰ ਹੋਰ ਨੁਕਸਾਨੇ ਜਾਣ ਤੋਂ ਬਚਾਇਆ ਜਾ ਸਕੇ | ਇਸ ਦੇ ਲਈ ਉਨ੍ਹਾਂ ਵਲੋਂ 1.27 ਕਰੋੜ ਦੀ ਲਾਗਤ ਨਾਲ ਇਸ ਪ੍ਰਾਚੀਨ ਮੰਦਿਰ ਦੀ ਇਮਾਰਤ ਨੂੰ ਪੱਕੇ ਤੌਰ 'ਤੇ ਮਜਬੂਤ ਕਰਨ ਲਈ ਵੀ ਚਾਰਾਜੋਈ ਸੁਰੂ ਕਰ ਦਿੱਤੀ ਹੈ | ਸ.ਹਰਜੋਤ ਸਿੰਘ ਬੈਂਸ ਨੇ ਅੱਜ ਸ੍ਰੀ ਲਕਸ਼ਮੀ ਨਰਾਇਣ ਮੰਦਿਰ ਦੇ ਨੁਕਸਾਨੇ ਜਾਣ ਅਤੇ ਉਸ ਦੀ ਆਰਜ਼ੀ ਮੁਰੰਮਤ ਲਈ ਆਪਣੇ ਵਲੰਟੀਅਰਾਂ ਨੂੰ ਸੱਦਾ ਦਿੱਤਾ ਤਾਂ ਸੈਂਕੜੇ ਵਲੰਟੀਅਰ ਤੁਰੰਤ ਇਸ ਪ੍ਰਸਿੱਧ ਧਾਰਮਿਕ ਅਸਥਾਨ ਤੇ ਪਹੁੰਚ ਗਏ | ਮੰਦਿਰ ਵਿਚ ਮੱਥਾ ਟੇਕਣ ਉਪਰੰਤ ਪ੍ਰਮਾਤਮਾ ਦਾ ਆਸੀਰਵਾਦ ਲੈ ਕੇ ਜਦੋਂ ਸਤਲੁਜ ਦਰਿਆ ਕੰਢੇ ਬਣੇ ਇਸ ਮੰਦਿਰ ਦੀ ਆਰਜ਼ੀ ਮੁਰੰਮਤ ਦਾ ਕੰਮ ਸੁਰੂ ਕੀਤਾ ਤਾਂ ਇਹ ਬਹੁਤ ਹੀ ਚੁਣੋਤੀ ਭਰਿਆ ਸੀ, ਕਿਉਕਿ ਦਰਿਆ ਵਿਚ ਪਾਣੀ ਦਾ ਤੇਜ਼ ਵਹਾਅ ਹੋਣ ਕਾਰਨ ਮੰਦਿਰ ਦੀ ਇਮਾਰਤ ਦਾ ਲਗਾਤਾਰ ਨੁਕਸਾਨ ਹੋ ਰਿਹਾ ਸੀ ਅਤੇ ਕਿਸੇ ਵੱਡੇ ਖਤਰੇ ਦਾ ਅੰਦੇਸ਼ਾ ਬਣਿਆ ਹੋਇਆ ਸੀ | ਮੰਤਰੀ ਬੈਂਸ ਦਾ ਬੁਲੰਦ ਹੋਸਲਾਂ ਅਤੇ ਸਾਥੀਆਂ ਨੂੰ ਕੀਤੀ ਅਪੀਲ ਮਗਰੋਂ ਵਲੰਟੀਅਰਾਂ ਨੇ ਇਮਾਰਤ ਦੇ ਉੱਪਰ ਤੋਂ ਦਰਿਆ ਵਿੱਚ ਰੱਸੇ ਲਟਕਾ ਕੇ ਰਾਹਤ ਤੇ ਬਚਾਅ ਕਾਰਜ ਸੁਰੂ ਕੀਤਾਂ ਅਤੇ ਕੈਬਨਿਟ ਮੰਤਰੀ ਦੇ ਕੁੱਝ ਸਾਥੀਆਂ ਨੇ ਝੀਲ ਦੇ ਦੂਜੇ ਪਾਸੇ ਤੋਂ ਕਿਸ਼ਤੀ ਰਾਹੀ ਜੰਮਬੋ ਬੈਗ ਅਤੇ ਮਟੀਰੀਅਲ ਦੇ ਵੱਡੇ ਬੋਰੇ ਲਿਆ ਕੇ ਮੰਦਿਰ ਦੇ ਨਾਲ ਦਰਿਆ ਵਿਚ ਲਗਾਉਣੇ ਸੁਰੂ ਕਰ ਦਿੱਤੇ | ਤੇਜ਼ ਵਹਾਅ ਕਾਰਨ ਮਟੀਰੀਅਲ ਦਾ ਠਹਿਰਣਾ ਬਹੁਤ ਮੁਸ਼ਕਿਲ ਸੀ, ਪ੍ਰੰਤੂ ਸ.ਬੈਂਸ ਨੇ ਵਲੰਟੀਅਰਾਂ ਦੇ ਹੋਸਲੇ ਬੁਲੰਦ ਕਰਦੇ ਹੋਏ ਕਿਹਾ ਕਿ ਭਾਵੇ ਜਿੰਨਾ ਮਰਜ਼ੀ ਮਟੀਰੀਅਲ ਲੱਗ ਜਾਵੇ ਜਿੰਨਾ ਮਰਜ਼ੀ ਸਮਾਂ ਅਸੀ ਇਸ ਨੰਗਲ ਦੇ ਪੁਰਾਤਨ ਪ੍ਰਸਿੱਧ ਮੰਦਿਰ ਨੂੰ ਹਰ ਹਾਲਤ ਵਿਚ ਬਚਾਉਣਾ ਹੈ | ਹਰਜੋਤ ਸਿੰਘ ਬੈਂਸ ਲਗਾਤਾਰ ਆਪਣੇ ਹਲਕੇ ਦੇ ਵੱਖ-ਵੱਖ ਪਿੰਡਾਂ ਵਿਚ ਰਾਹਤ ਤੇ ਬਚਾਅ ਕਾਰਜਾਂ ਦੇ ਕੰਮ ਦੀ ਕਮਾਨ ਖੁੱਦ ਸੰਭਾਲ ਰਹੇ ਹਨ ਅਤੇ ਰਾਹਤ ਕੈਂਪਾਂ ਵਿਚ ਜਾ ਕੇ ਉਥੇ ਮੋਜੂਦ ਲੋਕਾਂ ਤੋਂ ਹਾਲਾਤ ਤੇ ਸਹੂਲਤਾਂ ਦੀ ਜਾਣਕਾਰੀ ਲੈ ਰਹੇ ਹਨ | ਇਸ ਮੌਕੇ ਡਾ. ਸੰਜੀਵ ਗੌਤਮ ਹਲਕਾ ਕੋਆਰਡੀਨੇਟਰ, ਦੀਪਕ ਸੋਨੀ ਮੀਡੀਆ ਕੋਆਰਡੀਨੇਟਰ, ਸਤੀਸ਼ ਚੋਪੜਾ, ਕੇਹਰ ਸਿੰਘ, ਇੰ. ਜਸਪ੍ਰੀਤ ਸਿੰਘ, ਚੰਨਣ ਸਿੰਘ ਪੱਮੂ ਢਿੱਲੋਂ, ਰੋਹਿਤ ਕਾਲੀਆ ਪ੍ਰਧਾਨ ਟਰੱਕ ਯੂਨੀਅਨ, ਨਿਸ਼ਾਤ ਗੁਪਤਾ, ਹਿਤੇਸ਼ ਸ਼ਰਮਾ ਦੀਪੂ, ਜਸਪਾਲ ਢਾਹੇ ਸਰਪੰਚ, ਸੁਮਿਤ ਸੰਦਲ' ਮੋਹਿਤ ਦੀਵਾਨ, ਮਨਜੋਤ ਰਾਣਾ, ਐਡਵੋਕੇਟ ਨੀਰਜ਼, ਦਲਜੀਤ ਸਿੰਘ ਕਾਕਾ, ਨਿਤਿਨ ਬਾਸੋਵਾਲ, ਅੰਕੁਸ਼, ਨਿਤਿਨ ਭਲਾਣ, ਸਾਗਰ ਸੋਬਿਤੀ, ਮਨਿੰਦਰ ਕੈਫ, ਮੰਗਲ ਸੈਣੀ, ਰਮਾ ਫੋਜੀ, ਹਨੀ ਭੱਟੋ, ਹਰਦੀਪ ਸਿੰਘ ਬੈਂਸ, ਪਿ੍ੰਸ ਅਰੋੜਾ ਆਦ ਹਾਜ਼ਰ ਸਨ |

Ad Position 22
No active advertisement
ਪਿਛਲੀ ਖ਼ਬਰ ਖ਼ਾਲਸਾ ਏਡ ਰੂਪਨਗਰ ਵਲੋਂ ਹੜ੍ਹ ਪੀੜਤਾਂ ਲਈ ਰਾਸ਼ਨ ਦਾ ਭਰਿਆ ਟਰੱਕ ਸੁਲਤਾਨਪੁਰ ਲੋਧੀ ਰਵਾਨਾ <br/> ਅਗਲੀ ਖ਼ਬਰ ਗੁਰਦੁਆਰਾ ਤਪ ਅਸਥਾਨ ਬੀਬੀ ਮੁਮਤਾਜਗੜ੍ਹ ਸਾਹਿਬ ਵਿਖੇ ਭਾਰੀ ਵਰਖਾ ਕਾਰਨ ਹੋਏ ਨੁਕਸਾਨ ਦਾ ਅਜੈਵੀਰ ਸਿੰਘ ਲਾਲਪੁਰਾ ਨੇ ਲਿ...
Ad Position 24