ਰਾਜਪੁਰਾ, 6 ਦਸਬੰਰ (ਜੀ. ਪੀ. ਸਿੰਘ)-14 ਦਸੰਬਰ ਨੂੰ ਪੰਜਾਬ 'ਚ ਹੋਣ ਵਾਲੀਆਂ ਪੰਚਾਇਤੀ ਚੋਣਾਂ 'ਚ ਬਲਾਕ ਰਾਜਪੁਰਾ ਦੇ 16 ਉਮੀਦਵਾਰਾਂ ਵਲੋਂ ਨਾਮਜ਼ਦਗੀਆਂ ਵਾਪਸ ਲੈਣ ਉਪਰੰਤ ਹੁਣ ਬਲਾਕ ਦੇ 15 ਜੋਨਾਂ 'ਚ ਕੁਲ 58 ਉਮੀਦਵਾਰਾਂ ਮੈਦਾਨ 'ਚ ਰਹਿ ਗਏ ਹਨ | ਐੱਸ. ਡੀ. ਐੱਮ. ਕਮ ਚੋਣ ਅਧਿਕਾਰੀ ਨਮਨ ਮਾਰਕਨ ਨੇ ਦੱਸਿਆ ਕਿ ਬਲਾਕ ਰਾਜਪੁਰਾ ਦੀਆਂ 15 ਸੀਟਾਂ ਲਈ ਕੁਲ 74 ਉਮੀਦਵਾਰਾਂ ਨੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ ਸਨ | ਜਾਂਚ ਪੜਤਾਲ ਦੌਰਾਨ ਕੋਈ ਵੀ ਨਾਮਜ਼ਦਗੀ ਪੱਤਰ ਰੱਦ ਨਹੀਂ ਕੀਤਾ ਗਿਆ ਸੀ | ਅੱਜ ਵੱਖ-ਵੱਖ ਪਾਰਟੀਆਂ ਤੇ ਆਜ਼ਾਦ 16 ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਪੱਤਰ ਵਾਪਸ ਲੈ ਲਏ ਗਏ ਹਨ, ਜਿਸ ਕਾਰਨ ਹੁਣ ਸਾਰੇ 15 ਜ਼ੋਨਾਂ 'ਚ ਕੁਲ 58 ਉਮੀਦਵਾਰ ਮੈਦਾਨ 'ਚ ਰਹਿ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਹੁਣ ਆਮ ਆਦਮੀ ਪਾਰਟੀ ਦੇ 15, ਕਾਂਗਰਸ ਦੇ 14, ਭਾਰਤੀ ਜਨਤਾ ਪਾਰਟੀ ਦੇ 15, ਅਕਾਲੀ ਦਲ ਦੇ 11, ਬਹੁਜਨ ਸਮਾਜ ਪਾਰਟੀ ਦੇ 2 ਤੇ ਇਕ ਉਮੀਦਵਾਰ ਆਜ਼ਾਦ ਚੋਣ ਅਖਾੜੇ 'ਚ ਰਹਿ ਗਏ ਹਨ |
