ਹਲਕਾ ਲੰਬੀ ਦੀਆਂ ਮੰਡੀਆਂ 'ਚ ਕਿਸਾਨਾਂ ਤੋਂ ਧੜੱਲੇ ਨਾਲ ਝੋਨੇ ਦੀ ਸਿੱਧੀ 'ਗੈਰਕਾਨੂੰਨੀ' ਖਰੀਦ
ਅਜੀਤ ਡੈਸਕ
04-11-2025
ਜ਼ਿਕਰਯੋਗ ਹੈ ਕਿ ਝੋਨੇ ਦੀ ਇਹ ਗੈਰਕਾਨੂੰਨੀ ਸਿੱਧੀ ਖਰੀਦ ਸਿਰਫ ਢਾਣੀ ਤੇਲੀਆਂਵਾਲੀ ਤੱਕ ਸੀਮਿਤ ਨਹੀਂ, ਸਗੋਂ ਮੰਡੀ ਕਿੱਲਿਆਂਵਾਲੀ ਦੀ ਦਾਣਾ ਮੰਡੀ ਤੇ ਹੋਰਨਾਂ ਖਰੀਦ ਕੇਂਦਰਾਂ 'ਤੇ ਵੀ 3 ਤੋਂ 8 ਫ਼ੀਸਦ ਕਟੌਤੀ ਨਾਲ ਖੁੱਲ੍ਹੇਆਮ ਜਾਰੀ ਹੈ | ਹੈਰਾਨੀਜਨਕ ਹੈ ਕਿ ਪੰਜਾਬ ਮੰਡੀ ਬੋਰਡ ਨੂੰ ਇਨ੍ਹਾ ਵਿਸ਼ਾਲ ਢੇਰਾਂ ਨੂੰ ਨਜ਼ਰਅੰਦਾਜ਼ ਕਰ ਰਿਹਾ ਹੈ | ਸੂਤਰਾਂ ਮੁਤਾਬਕ ਖਰੀਦ ਏਜੰਸੀਆਂ ਦਾ ਤੰਤਰ ਵੀ ਪੂਰੇ ਖੇਡ 'ਚ ਸ਼ਾਮਲ ਵਿੱਚ ਦੱਸਿਆ ਜਾਂਦਾ ਹੈ | ਦੱਸਿਆ ਜਾਂਦਾ ਹੈ ਕਿ ਪ੍ਰਤੀ ਬੈਗ ਝੋਨੇ 'ਤੇ 1.5 ਤੋਂ 2 ਰੁਪਏ ਦੇ ਕਥਿਤ 'ਚੜ੍ਹਾਵੇ' ਨਾਲ ਸਭ ਕੁੱਝ ਠੀਕ ਹੋ ਜਾਂਦਾ ਹੈ | ਕਿਸਾਨਾਂ ਤੋਂ ਸਿੱਧਾ ਫ਼ਸਲ ਖਰੀਦ ਵਿੱਚ ਸਰਕਾਰੀ ਏਜੰਸੀਆਂ ਦੇ ਨਾਂਅ 'ਤੇ ਖਰੀਦ-ਵੇਚ ਹੁਣ ਮੰਡੀਆਂ ਵਿੱਚ ਆਮ ਰਿਵਾਇਤ ਬਣ ਚੁੱਕੀ ਹੈ | ਜ਼ਿਲ੍ਹਾ ਮੰਡੀ ਅਧਿਕਾਰੀ ਅਜੈਪਾਲ ਸਿੰਘ ਬਰਾੜ ਨੇ ਕਿਹਾ ਕਿ ਤੈਅ ਸਮੇਂ ਵਿੱਚ ਜਵਾਬ ਨਾ ਦੇਣ 'ਤੇ ਆੜ੍ਹਤ ਫਰਮਾਂ ਖਿਲਾਫ਼ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ |
