ਫ਼ਰੀਦਕੋਟ, 25 ਦਸੰਬਰ (ਜਸਵੰਤ ਸਿੰਘ ਪੁਰਬਾ)-ਸਮਾਜ ਸੇਵੀ ਸੰਸਥਾ ਕ੍ਰਿਸ਼ਨਾਵੰਤੀ ਸੇਵਾ ਸੁਸਾਇਟੀ ਫ਼ਰੀਦਕੋਟ ਵਲੋਂ ਚੌਥੇ ਗੜੇ 'ਚ ਫ਼ਾਜ਼ਿਲਕਾ ਦੇ ਹੜ੍ਹ ਪੀੜਤਾਂ ਨੂੰ ਠੰਢ ਤੋਂ ਬਚਣ ਲਈ ਕਰੀਬ 1000 ਗਰਮ ਕੰਬਲ ਵੰਡੇ ਗਏ | ਸੁਸਾਇਟੀ ਪ੍ਰਧਾਨ ਪਿ੍ੰ. ਸੁਰੇਸ਼ ਅਰੋੜਾ ਨੇ ਦੱਸਿਆ ਕਿ ਸੁਸਾਇਟੀ ਦੇ ਮੈਂਬਰਾਂ ਜੀਤ ਸਿੰਘ ਸਿੱਧੂ, ਰੋਹਿਤ ਕਸ਼ਯਪ, ਪਰਮਿੰਦਰ ਸਿੰਘ ਦੀਪ ਸਿੰਘ ਵਾਲਾ ਤੇ ਜਲਾਲਾਬਾਦ ਦੇ ਮੇਹਰ ਬਾਨ ਸਿੰਘ ਨੇ ਫ਼ਾਜ਼ਿਲਕਾ ਦੇ ਸਰਹੱਦੀ ਖੇਤਰ ਦਰਿਆ ਤੋਂ ਪਾਰ ਤੇ ਹਿੰਦ-ਪਾਕਿ ਸਰਹੱਦ 'ਤੇ ਭਾਰਤ ਦੇ ਅਖੀਰਲੇ ਪਿੰਡਾਂ ਝੰਡਾ ਗੜ ਭੈਣੀ, ਗੁਲਾਬੇ ਵਾਲਾ, ਰੇਤੇ ਵਾਲੀ ਭੈਣੀ, ਗੱਦੜ ਭੈਣੀ ਤੇ ਗੱਟੀ ਨੰਬਰ ਇਕ ਵਿਚ ਹੜ੍ਹ ਪੀੜਤਾਂ ਕੋਲ ਪਹੁੰਚ ਕੇ ਗਰਮ ਕੰਬਲ ਵੰਡੇ | ਉਨ੍ਹਾਂ ਦੱਸਿਆ ਕਿ ਹੜਾਂ ਦੀ ਮਾਰ ਹੇਠ ਆਏ ਘਰਾਂ ਦੀ ਹਾਲਤ ਅੱਜ ਵੀ ਬਹੁਤ ਤਰਸਯੋਗ ਹੈ |
