ਮਜ਼ਦੂਰੀ ਨਾਲ ਗੁਜ਼ਾਰਾ ਕਰਨ ਵਾਲੇ ਪਰਿਵਾਰ ਦਾ ਮਕਾਨ ਡਿੱਗਿਆ
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
03-09-2025
ਸਮਾਲਸਰ, 2 ਸਤੰਬਰ (ਗੁਰਜੰਟ ਕਲਸੀ ਲੰਡੇ)-ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੇ ਮੀਂਹ ਨੇ ਮਕਾਨਾਂ ਨੂੰ ਨੁਕਸਾਨ ਪਹੁੰਚਾਉਣਾ ਸ਼ੁਰੂ ਕਰ ਦਿੱਤਾ ਹੈ | ਇਹ ਪਾਣੀ ਪਰਨਾਲਿਆਂ 'ਚ ਵਗਣ ਦੀ ਥਾਂ ਛੱਤਾਂ ਵਿਚ ਹੀ ਸਮਾ ਰਿਹਾ ਹੈ ਜਿਸ ਕਾਰਨ ਛੱਤਾਂ ਸੈਲਾਬ ਫੜ ਕੇ ਡਿਗਣੀਆਂ ਸ਼ੁਰੂ ਹੋ ਗਈਆਂ ਹਨ | ਸਮਾਲਸਰ ਵਾਸੀ ਅਜਮੇਰ ਕੌਰ ਪਤਨੀ ਅਜੈਬ ਸਿੰਘ, ਉਸ ਦੇ ਪੁੱਤਰ ਭਿੰਦਰ ਸਿੰਘ, ਮਨਵੀਰ ਕੌਰ ਨੇ ਦੱਸਿਆ ਕਿ ਉਹ ਬੱਕਰੀਆਂ ਪਾਲ ਕੇ ਅਤੇ ਮਿਹਨਤ ਮਜ਼ਦੂਰੀ ਕਰਕੇ ਆਪਣਾ ਪਰਿਵਾਰ ਪਾਲਦੇ ਹਨ ਤੇ ਅੱਜ ਸਵੇਰੇ ਹਨੇਰੇ ਹੀ ਜਦੋਂ ਆਪਣੇ ਕਮਰਿਆਂ ਵਿਚ ਪਏ ਸਨ ਤਾਂ ਛੱਤ ਹੌਲੀ ਹੌਲੀ ਡਿਗਣੀ ਸ਼ੁਰੂ ਹੋ ਗਈ ਤਾਂ ਅਸੀਂ ਸਾਰਾ ਪਰਿਵਾਰ ਕਮਰਿਆਂ ਵਿਚੋਂ ਬਾਹਰ ਨਿਕਲ ਆਏ | ਇੰਨੇ ਕੁ ਸਮੇਂ ਵਿਚ ਹੀ ਇਕ ਕਮਰੇ ਦੀ ਸਾਰੀ ਛੱਤ ਧੜੰਮ ਦੇਣੇ ਥੱਲੇ ਆ ਡਿੱਗੀ ਅਤੇ ਦੂਜੇ ਕਮਰੇ ਦੀ ਅੱਧੀ ਛੱਤ ਵਿਚਾਲੇ ਲਟਕ ਗਈ ਪਰ ਸਾਡਾ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਕੋਲ ਹੁਣ ਰਹਿਣ ਲਈ ਛੱਤ ਨੁਮਾ ਕੁਝ ਨਹੀਂ ਬਚਿਆ | ਉਨ੍ਹਾਂ ਨੇ ਸਰਕਾਰ ਤੋਂ ਮੁਆਵਜ਼ੇ ਦੀ ਮੰਗ ਕੀਤੀ ਹੈ | ਇਸ ਮੌਕੇ ਸਰਪੰਚ ਦਵਿੰਦਰਪਾਲ ਸਿੰਘ ਰਾਜਾ ਨੇ ਦੱਸਿਆ ਕਿ ਉਹ ਇਸ ਮੌਕੇ ਦੁਖੀ ਪਰਿਵਾਰ ਨਾਲ ਖੜੇ ਹਨ ਅਤੇ ਉਹ ਇਸ ਸਬੰਧੀ ਰਿਪੋਰਟ ਸਰਕਾਰ ਤੱਕ ਪਹੁੰਚਾਉਣਗੇ |
