ਚੰਡੀਗੜ੍ਹ, 6 ਸਤੰਬਰ (ਪ੍ਰੋ.ਅਵਤਾਰ ਸਿੰਘ)-ਪੰਜਾਬ ਸਰਕਾਰ ਵਲੋਂ 2 ਤਹਿਸੀਲਦਾਰਾਂ ਅਤੇ 4 ਨਾਇਬ ਤਹਿਸੀਲਦਾਰਾਂ ਦਾ ਤਬਾਦਲਾ ਕੀਤਾ ਗਿਆ ਹੈ | ਪੰਜਾਬ ਸਰਕਾਰ ਦੇ ਵਧੀਕ ਮੁੱਖ ਸਕੱਤਰ-ਕਮ-ਵਿੱਤੀ ਕਮਿਸ਼ਨਰ ਮਾਲ ਅਨੁਰਾਗ ਵਰਮਾ ਵਲੋਂ ਜਾਰੀ ਇਕ ਹੁਕਮ ਮੁਤਾਬਿਕ ਬਦਲੇ ਗਏ ਤਹਿਸੀਲਦਾਰਾਂ 'ਚ ਲਛਮਣ ਸਿੰਘ ਨੂੰ ਤਰਨ ਤਾਰਨ ਅਤੇ ਗੁਰਪ੍ਰੀਤ ਸਿੰਘ ਢਿੱਲੋਂ ਨੂੰ ਡੇਰਾ ਬਾਬਾ ਨਾਨਕ (ਗੁਰਦਾਸਪੁਰ) ਲਗਾਇਆ ਗਿਆ ਹੈ | ਇਸੇ ਤਰ੍ਹਾਂ ਬਦਲੇ ਨਾਇਬ ਤਹਿਸੀਲਦਾਰਾਂ 'ਚ ਜਸਵਿੰਦਰ ਸਿੰਘ ਨੂੰ ਝਬਾਲ (ਤਰਨ ਤਾਰਨ), ਪਵਨਦੀਪ ਸਿੰਘ ਨੂੰ ਨੂਰ ਮਹਿਲ (ਜਲੰਧਰ), ਅਰਚਨਾ ਸ਼ਰਮਾ ਨੂੰ ਤਰਨ ਤਾਰਨ ਅਤੇ ਮਨਦੀਪ ਸਿੰਘ ਨੂੰ ਨਿਹਾਲ ਸਿੰਘ ਵਾਲਾ (ਮੋਗਾ) ਲਗਾਇਆ ਗਿਆ ਹੈ |