ਐੱਸ. ਏ. ਐੱਸ. ਨਗਰ, 19 ਦਸੰਬਰ (ਕਪਿਲ ਵਧਵਾ)-ਆਮ ਆਦਮੀ ਪਾਰਟੀ (ਆਪ) ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਦੀ ਸੋਸ਼ਲ ਮੀਡੀਆ 'ਤੇ ਡੀਪਫੇਕ ਰਾਹੀਂ ਫਰਜ਼ੀ ਵੀਡੀਓ ਬਣਾ ਕੇ ਇਸ ਨੂੰ ਵਾਇਰਲ ਕਰਨ ਦੇ ਗੰਭੀਰ ਮਾਮਲੇ 'ਚ ਮੁਹਾਲੀ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦਿਆਂ ਐਕਸ (ਪਹਿਲਾਂ ਟਵਿੱਟਰ) 'ਤੇ ਅਰੁਣ ਕੋਸਲੀ ਨਾਂਅ ਦੇ ਖਾਤੇ ਦੇ ਹੈਾਡਲਰ ਖ਼ਿਲਾਫ਼ ਐੱਫ. ਆਈ. ਆਰ. ਦਰਜ ਕੀਤੀ ਹੈ | ਇਹ ਮਾਮਲਾ 'ਆਪ' ਪੰਜਾਬ ਦੇ ਸਟੇਟ ਸੈਕਟਰੀ ਲੀਗਲ ਸੈੱਲ ਐਡਵੋਕੇਟ ਬਲਤੇਜ ਸਿੰਘ ਵਾਲੀਆ ਵਲੋਂ ਦਿੱਤੀ ਗਈ ਸ਼ਿਕਾਇਤ ਤੋਂ ਬਾਅਦ ਸਾਹਮਣੇ ਆਇਆ ਸੀ | ਸ਼ਿਕਾਇਤ ਵਿਚ ਦੱਸਿਆ ਗਿਆ ਹੈ ਕਿ ਐਕਸ ਹੈਂਡਲਰ ਅਰੁਣ ਕੋਸਲੀ ਵਲੋਂ ਅਰਵਿੰਦ ਕੇਜਰੀਵਾਲ ਦੀ ਇਕ ਡੀਪਫੇਕ ਵੀਡੀਓ ਅੱਪਲੋਡ ਕਰਕੇ ਜਨਤਕ ਪਲੇਟਫਾਰਮ 'ਤੇ ਫੈਲਾਈ ਗਈ ਹੈ, ਜੋ ਕਿ ਅਸਲੀ ਨਹੀਂ ਹੈ ਅਤੇ ਡਿਜ਼ੀਟਲ ਟੂਲਜ਼ ਰਾਹੀਂ ਤਿਆਰ ਕੀਤੀ ਗਈ ਹੈ | ਦੱਸ ਦਈਏ ਕਿ ਕੁਝ ਦਿਨ ਇਕ ਵੱਖਰੇ ਮਾਮਲੇ ਵਿਚ ਐਮਕੋ ਨਿਊਜ਼ ਨਾਂਅ ਦੇ ਫੇਸਬੁੱਕ ਖਾਤੇ ਵਿਰੁੱਧ ਅਰਵਿੰਦ ਕੇਜਰੀਵਾਲ ਦੀ ਇਤਰਾਜ਼ਯੋਗ ਪੋਸਟ ਪਾਉਣ 'ਤੇ ਮਾਮਲਾ ਦਰਜ ਕੀਤਾ ਗਿਆ ਸੀ |
