ਵਲਸਾਡ (ਗੁਜਰਾਤ), 27 ਦਸੰਬਰ (ਪੀ. ਟੀ. ਆਈ.)-ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ ਕਿ ਅÏਰਤਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਜਦੋਂ ਵੀ ਉਨ੍ਹਾਂ ਨੂੰ ਬਰਾਬਰ ਦੇ ਮੌਕੇ ਮਿਲਦੇ ਹਨ, ਉਹ ਪੁਰਸ਼ਾਂ ਦੇ ਬਰਾਬਰ ਜਾਂ ਉਨ੍ਹਾਂ ਤੋਂ ਵੀ ਵਧੀਆ ਪ੍ਰਦਰਸ਼ਨ ਕਰਦੀਆਂ ਹਨ | ਗੁਜਰਾਤ ਦੇ ਵਲਸਾਡ ਜ਼ਿਲ੍ਹੇ ਦੇ ਧਰਮਪੁਰ ਵਿਖੇ ਅÏਰਤਾਂ ਲਈ ਸ਼੍ਰੀਮਦ ਰਾਜਚੰਦਰ ਸਰਵਮੰਗਲ ਸੈਂਟਰ ਆਫ਼ ਐਕਸੀਲੈਂਸ ਦਾ ਉਦਘਾਟਨ ਕਰਨ ਤੋਂ ਬਾਅਦ ਰਾਜਨਾਥ ਨੇ ਕਿਹਾ ਕਿ ਜੈਨ ਅਧਿਆਤਮਿਕ ਆਗੂ ਸ਼੍ਰੀਮਦ ਰਾਜਚੰਦਰਜੀ ਵਲੋਂ ਆਪਣੇ ਛੋਟੇ ਜਿਹੇ ਜੀਵਨ 'ਚ ਛੱਡੀ ਗਈ ਵਿਰਾਸਤ ਸਦੀਆਂ ਤੱਕ ਲੋਕਾਂ ਦਾ ਮਾਰਗਦਰਸ਼ਨ ਕਰਦੀ ਰਹੇਗੀ | 2022 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਰਚੁਅਲ ਤੌਰ 'ਤੇ ਕੇਂਦਰ ਦਾ ਨੀਂਹ ਪੱਥਰ ਰੱਖਿਆ ਸੀ, ਜੋ ਕਿ 11 ਏਕੜ 'ਚ ਫੈਲਿਆ ਹੋਇਆ ਹੈ ਤੇ ਅÏਰਤਾਂ ਨੂੰ ਹੁਨਰ ਵਿਕਾਸ ਤੇ ਜੀਵਨ-ਨਿਰਬਾਹ 'ਚ ਸੁਧਾਰ ਕਰਨ 'ਚ ਸਹਾਇਤਾ ਕਰਦਾ ਹੈ | ਅੱਜ ਉਦਘਾਟਨ ਮੌਕੇ ਬੋਲਦੇ ਹੋਏ ਰਾਜਨਾਥ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਇੱਥੇ ਕੰਮ ਕਰਨ ਵਾਲੀਆਂ ਅÏਰਤਾਂ ਨਾ ਸਿਰਫ਼ ਸਸ਼ਕਤ ਹੋਣਗੀਆਂ ਸਗੋਂ ਸਵੈ-ਨਿਰਭਰ ਵੀ ਹੋਣਗੀਆਂ ਤੇ ਉਨ੍ਹਾਂ ਨੂੰ ਆਪਣੇ ਤਰੀਕੇ ਨਾਲ ਅਧਿਆਤਮਿਕ ਚਿੰਤਨ 'ਚ ਸ਼ਾਮਲ ਹੋਣ ਦਾ ਮÏਕਾ ਤੇ ਸਮਾਂ ਮਿਲੇਗਾ |
