ਲੁਧਿਆਣਾ, 1 ਜੂਨ (ਡਾ. ਤਰਲੋਚਨ ਸਿੰਘ)-ਐਸ.ਪੀ.ਐਸ ਹਸਪਤਾਲ, ਸ਼ੇਰਪੁਰ ਚੌਂਕ ਦੇ ਪ੍ਰਸਿੱਧ ਸਰਜਨ ਡਾ. ਰਣਜੀਤ ਸਿੰਘ ਜੀਰੋ ਤਕਨੀਕ ਰਾਹੀਂ ਲਗਾਤਾਰ ਬਜ਼ੁਰਗਾਂ ਦੇ ਗੋਡਿਆਂ ਦੀ ਸਫਲਤਾ ਪੂਰਵਕ ਸਰਜਰੀ ਕਰਦੇ ਆ ਰਹੇ ਹਨ | ਹਾਲ ਹੀ 'ਚ ਡਾ. ਰਣਜੀਤ ਸਿੰਘ ਵਲੋਂ ਜੰਮੂ ਵਾਸੀ ਮਹਿਲਾ ਕਮਲੇਸ਼ ਦੇਵੀ (84) ਜਿਸ ਨੂੰ ਪਿਛਲੇ ਕਾਫੀ ਸਮੇਂ ਤੋਂ ਸ਼ੂਗਰ, ਬਲੱਡ ਪ੍ਰੈਸ਼ਰ ਸੀ ਅਤੇ ਉਸ ਦੇ ਸਟੰਟ ਪਿਆ ਹੋਇਆ ਸੀ ਦੇ ਦੋਵਾਂ ਗੋਡਿਆਂ ਦੀ ਜ਼ੀਰੋ ਤਕਨੀਕ ਨਾਲ ਸਫਲਤਾ ਪੂਰਵਕ ਸਰਜਰੀ ਕਰਕੇ ਉਸ ਨੂੰ ਦੋ ਘੰਟਿਆਂ ਵਿਚ ਹੀ ਚੱਲਣ ਫਿਰਨ ਦੇ ਕਾਬਲ ਬਣਾ ਦਿੱਤਾ ਗਿਆ ਹੈ | ਡਾ. ਰਣਜੀਤ ਸਿੰਘ ਨੇ ਜ਼ੀਰੋ ਤਕਨੀਕ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਵਧਦੀ ਉਮਰ ਅਤੇ ਜ਼ਿਆਦਾ ਵਜ਼ਨ ਵਿਚ ਵੀ ਅੜਿਕਾ ਨਹੀਂ ਬਣਦੀ | ਉਨ੍ਹਾਂ ਨੇ ਦੱਸਿਆ ਕਿ ਇਹ ਸਰਜਰੀ ਰੋਬੋਟਿਕ ਅਤੇ ਹੋਰ ਮੈਨੂਅਲ ਤਰੀਕਿਆਂ ਨੂੰ ਵੀ ਪਿੱਛੇ ਛੱਡ ਰਹੀ ਹੈ, ਜਿਸ ਕਾਰਨ ਲੋਕਾਂ ਦਾ ਝੁਕਾਅ ਦਿਨੋ ਦਿਨ ਇਸ ਸਰਜਰੀ ਵੱਲ ਵੱਧਦਾ ਹੀ ਜਾ ਰਿਹਾ ਹੈ | ਉਨ੍ਹਾਂ ਦੱਸਿਆ ਕਿ ਸਰਜਰੀ ਤੋਂ ਬਾਅਦ ਮਰੀਜ਼ ਦਾ ਦੋ ਘੰਟੇ ਦੇ ਅੰਦਰ ਹੀ ਚੱਲਣ ਫਿਰਨ ਲੱਗ ਜਾਣਾ ਕਿਸੇ ਚਮਤਕਾਰੀ ਨਤੀਜੇ ਤੋਂ ਘੱਟ ਨਹੀਂ ਹੈ | ਉਨ੍ਹਾਂ ਦੱਸਿਆ ਕਿ ਉਹ ਆਕਸਫੋਰਡ ਯੂ.ਕੇ ਤੋਂ ਸਿਖਲਾਈ ਪ੍ਰਾਪਤ ਸਰਜਨ ਹਨ ਅਤੇ 100 ਫੀਸਦੀ ਸਫਲਤਾ ਦਰ ਨਾਲ ਹੁਣ ਤੱਕ 24 ਹਜ਼ਾਰ ਤੋਂ ਵਧੇਰੇ ਸਫਲ ਸਰਜਰੀਆਂ ਕਰ ਚੁੱਕੇ ਹਨ |
