ਬਾਘਾ ਪੁਰਾਣਾ 3 ਜੂਨ (ਗੁਰਮੀਤ ਸਿੰਘ ਮਾਣੂੰਕੇ)-ਪਿੰਡ ਮਾਣੂੰਕੇ ਗਿੱਲ ਵਿਖੇ ਅਣਪਛਾਤੇ ਨੌਜਵਾਨਾਂ ਵਲੋਂ ਸ਼ਰਾਬ ਦੇ ਠੇਕੇ ਤੋਂ ਲੁੱਟ ਕਰਨ ਦੀ ਖ਼ਬਰ ਹੈ | ਘਟਨਾ ਸਥਾਨ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੀਤੀ ਸਵੇਰ 3 ਮੋਟਰਸਾਈਕਲ ਸਵਾਰ ਨੌਜਵਾਨ ਮਾਰੂ ਹਥਿਆਰ, ਖੰਡੇ-ਕਿਰਪਾਨਾਂ ਵਿਖਾ ਕੇ ਸ਼ਰਾਬ ਦੇ ਕਰਿੰਦੇ ਤੋਂ ਕਰੀਬ 31 ਹਜ਼ਾਰ ਦੀ ਨਕਦੀ ਲੁੱਟ ਕੇ ਲੈ ਗਏ | ਇਸ ਘਟਨਾ ਸੰਬੰਧੀ ਠੇਕੇਦਾਰ ਸੁਖਰਾਜ ਸਿੰਘ ਰਾਜਾ, ਸੁਨੀਲ ਗਰੋਵਰ ਨੇ ਦੱਸਿਆ ਕਿ ਬੀਤੀ ਸਵੇਰੇ ਮਾਣੂੰਕੇ ਗਿੱਲ ਠੇਕੇ 'ਤੇ ਤਿੰਨ ਅਣਪਛਾਤੇ ਨੌਜਵਾਨਾਂ ਨੇ ਦਾਖਲ ਹੋ ਕੇ ਕਰਿੰਦੇ ਅਸ਼ੀਸ਼ਪਾਲ ਨੂੰ ਬੰਨ੍ਹ ਕੇ ਠੇਕੇ ਵਿਚ ਪਈ ਕਰੀਬ 31 ਹਜ਼ਾਰ ਦੀ ਨਕਦੀ ਲੁੱਟ ਲਈ ਤੇ ਫਰਾਰ ਹੋ ਗਏ | ਇਸ ਸੰਬੰਧ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ |