ਨਿਹਾਲ ਸਿੰਘ ਵਾਲਾ, 1 ਨਵੰਬਰ (ਸੁਖਦੇਵ ਸਿੰਘ ਖਾਲਸਾ)-ਗੁਰੂ ਨਾਨਕ ਕਾਲਜ ਮੋਗਾ ਵਿਖੇ ਹੋਏ 66ਵੇਂ ਜ਼ੋਨਲ ਯੂਥ ਫੈਸਟੀਵਲ ਅਤੇ ਵਿਰਾਸਤੀ ਮੇਲੇ 'ਚ ਸੰਤ ਦਰਬਾਰਾ ਸਿੰਘ ਕਾਲਜ ਫਾਰ ਵੋਮੈਨ ਲੋਪੋ ਦੀਆਂ ਵਿਦਿਆਰਥਣਾਂ ਨੇ ਵੱਖ ਵੱਖ ਮੁਕਾਬਲਿਆਂ 'ਚ ਭਾਗ ਲੈ ਕੇ ਚੰਗੇ ਸਥਾਨ ਹਾਸਲ ਕੀਤੇ | ਅਰਸ਼ਦੀਪ ਕੌਰ (ਬੀ. ਏ. ਭਾਗ ਤੀਜਾ) ਨੇ ਆਨ ਦੀ ਸਪੋਰਟ ਪੇਂਟਿੰਗ ਅਤੇ ਸਟਿੱਲ ਲਾਈਫ਼, ਡਰਾਇੰਗ 'ਚ ਪਹਿਲਾ ਸਥਾਨ, ਹਰਮਨ ਦੀਪ ਕੌਰ (ਬੀ. ਏ. ਭਾਗ ਤੀਜਾ) ਨੇ ਕਾਰਟੂਨਿੰਗ 'ਚ ਦੂਜਾ ਸਥਾਨ, ਇੰਸਟਾਲੇਸ਼ਨ 'ਚ ਵੱਖ-ਵੱਖ ਵਿਭਾਗਾਂ ਦੀਆਂ ਵਿਦਿਆਰਥਣਾਂ ਅਮਨਦੀਪ ਕੌਰ, ਨਵਦੀਪ ਕੌਰ, ਹਰਮਨਦੀਪ ਕੌਰ ਅਤੇ ਮੋਹਪ੍ਰੀਤ ਨੇ ਦੂਜਾ ਸਥਾਨ, ਕੋਲਾਜ ਮੇਕਿੰਗ 'ਚ ਖੁਸ਼ੀ ਪਲਤਾ (ਬੀ. ਕਾਮ. ਭਾਗ ਦੂਜਾ) ਨੇ ਤੀਜਾ ਸਥਾਨ, ਸ਼ਰਨਦੀਪ ਕੌਰ (ਐਮ. ਐਸ. ਸੀ. ਆਈ. ਟੀ.) ਨੇ ਹਿੰਦੀ ਲਿਖਤ ਪ੍ਰਤੀਯੋਗਤਾ 'ਚ ਤੀਜਾ ਸਥਾਨ ਹਾਸਲ ਕਰਦਿਆਂ ਆਪਣੀ ਸੰਸਥਾ ਦਾ ਨਾਂਅ ਰੌਸ਼ਨ ਕੀਤਾ | ਖੁਸ਼ੀ ਪ੍ਰਗਟ ਕਰਦਿਆਂ ਸੰਤ ਦਰਬਾਰਾ ਸਿੰਘ ਕਾਲਜ ਫਾਰ ਵਿਮੈਨ ਲੋਪੋ ਦੇ ਉਪ ਪ੍ਰਧਾਨ ਬੀਬੀ ਕਰਮਜੀਤ ਕੌਰ, ਮੈਨੇਜਿੰਗ ਡਾਇਰੈਕਟਰ ਭਗੀਰਥ ਸਿੰਘ, ਐਜੂਕੇਸ਼ਨ ਡਾਇਰੈਕਟਰ ਡਾ. ਗੋਬਿੰਦ ਸਿੰਘ ਅਤੇ ਕਾਲਜ ਦੇ ਕੋਆਰਡੀਨੇਟਰ ਡਾ. ਬਲਵਿੰਦਰ ਕੌਰ ਨੇ ਜੇਤੂ ਵਿਦਿਆਰਥਣਾਂ ਨੂੰ ਮੁਬਾਰਕਬਾਦ ਦਿੱਤੀਆਂ ਅਤੇ ਇਸ ਸਮੁੱਚੀ ਸਫਲਤਾ ਦਾ ਸਿਹਰਾ ਸਹਾਇਕ ਪ੍ਰੋਫੈਸਰ ਰਮਨਜੀਤ ਕੌਰ ਨੂੰ ਦਿੱਤਾ |
