ਠੱਠੀ ਭਾਈ, 24 ਨਵੰਬਰ (ਜਗਰੂਪ ਸਿੰਘ ਮਠਾੜੂ)-ਨੰਬਰਦਾਰ ਸੁਖਜਿੰਦਰਪਾਲ ਸਿੰਘ ਕਿੰਗਰਾ ਠੱਠੀ ਭਾਈ ਤੇ ਹਰਜਿੰਦਰਪਾਲ ਸਿੰਘ ਕਿੰਗਰਾ ਦੀ ਸਤਿਕਾਰਯੋਗ ਮਾਤਾ, ਸੂਬੇਦਾਰ ਦਲੀਪ ਸਿੰਘ ਕਿੰਗਰਾ ਠੱਠੀ ਭਾਈ ਦੀ ਧਰਮ ਪਤਨੀ ਮਾਤਾ ਤੇਜ਼ ਕੌਰ ਕਿੰਗਰਾ ਦੇ ਸਦੀਵੀਂ ਵਿਛੋੜੇ ਨਾਲ ਸਮੂਹ ਇਲਾਕੇ 'ਚ ਸੋਗ ਦੀ ਲਹਿਰ ਦੌੜ ਗਈ | ਕਿੰਗਰਾ ਪਰਿਵਾਰ ਨਾਲ ਆਪਣੀ ਬੇਹੱਦ ਨੇੜਤਾ ਦਾ ਜ਼ਿਕਰ ਕਰਦਿਆਂ ਕਲੇਰ ਇੰਟਰਨੈਸ਼ਨਲ ਸਕੂਲ ਸਮਾਧ ਭਾਈ ਦੇ ਚੇਅਰਮੈਨ ਕੁਲਵੰਤ ਸਿੰਘ ਮਲੂਕਾ ਨੇ ਮਾਤਾ ਦੀ ਮੌਤ ਨੂੰ ਕਦੇ ਵੀ ਨਾ ਪੂਰਾ ਹੋਣ ਵਾਲਾ ਘਾਟਾ ਕਰਾਰ ਦਿੰਦਿਆਂ ਆਪਣੇ ਪਰਿਵਾਰ ਸਮੇਤ ਡੂੰਘਾ ਦੁੱਖ ਪ੍ਰਗਟਾਇਆ | ਉਨ੍ਹਾਂ ਕਿਹਾ ਕਿ ਮਾਤਾ ਤੇਜ਼ ਕੌਰ ਕਿੰਗਰਾ ਨਿੱਘੇ ਸੁਭਾਅ, ਸਾਦਗੀ-ਪਸੰਦ ਜੀਵਨ ਤੇ ਸਭ ਨਾਲ ਪੇ੍ਰਮ ਭਾਵ ਨਾਲ ਪੇਸ਼ ਆਉਣ ਲਈ ਜਾਣੇ ਜਾਂਦੇ ਸਨ | ਉਹ ਹਮੇਸ਼ਾ ਨੇਕ ਕਾਰਜਾਂ ਤੇ ਸੇਵਾ-ਭਾਵ ਨਾਲ ਪਰਿਵਾਰ ਤੇ ਪਿੰਡ ਪ੍ਰੇਮ ਦੀ ਮਿਸਾਲ ਰਹੇ |
