ਧੂਰੀ, 3 ਸਤੰਬਰ (ਸੰਜੇ ਲਹਿਰੀ) - ਉੱਤਰ ਰੇਲਵੇ ਦੇ ਅੰਬਾਲਾ ਡਿਵੀਜ਼ਨ ਦੇ ਡੀ.ਆਰ.ਐਮ ਸ੍ਰੀ ਵਿਨੋਦ ਭਾਟੀਆ ਨੇ ਅੱਜ ਧੂਰੀ ਰੇਲਵੇ ਸਟੇਸ਼ਨ 'ਤੇ ਰੇਲਵੇ ਸੁਰੱਖਿਆ ਬਲ ਦੀਆਂ ਨਵੀਆਂ ਬਣੀਆਂ ਬੈਰਕਾਂ ਦਾ ਉਦਘਾਟਨ ਕਰਨ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਧੂਰੀ ਰੇਲਵੇ ਸਟੇਸ਼ਨ ਉੱਪਰ ਆਰ ਪੀ.ਐਫ ਦੇ ਜਵਾਨਾਂ ਲਈ 15 ਬੈੱਡ ਦੀਆਂ ਆਰਾਮਦਾਇਕ ਬੈਰਕਾਂ ਬਣਾਈਆਂ ਗਈਆਂ ਹਨ | ਉਨ੍ਹਾਂ ਕਿਹਾ ਕਿ ਆਰ ਪੀ.ਐਫ. ਵੀ ਰੇਲਵੇ ਦਾ ਇੱਕ ਅਹਿਮ ਅੰਗ ਹੈ | ਉਨ੍ਹਾਂ ਕਿਹਾ ਕਿ ਧੂਰੀ ਦੇ ਰੇਲਵੇ ਸਟੇਸ਼ਨ ਦਾ ਕੰਮ ਅਜੇ ਅਧੂਰਾ ਹੈ ਅਤੇ ਜਲਦ ਹੀ ਧੂਰੀ ਰੇਲਵੇ ਸਟੇਸ਼ਨ 'ਤੇ ਨੋਨ ਇੰਟਰ ਲੋਕਿੰਗ ਦਾ ਕੰਮ ਸ਼ੁਰੂ ਹੋ ਜਾਵੇਗਾ | ਉਨ੍ਹਾਂ ਧੂਰੀ ਰੇਲਵੇ ਸਟੇਸ਼ਨ ਦੇ ਮੌਜੂਦਾ ਪ੍ਰਬੰਧਾਂ 'ਤੇ ਤਸੱਲੀ ਪ੍ਰਗਟਾਉਂਦੀਆਂ ਭਵਿੱਖ ਵਿਚ ਰੇਲਵੇ ਵਲੋਂ ਆਮ ਜਨਤਾ ਲਈ ਰੇਲਵੇ ਸੇਵਾਵਾਂ ਨੂੰ ਹੋਰ ਬਿਹਤਰ ਬਣਾਉਣ ਦਾ ਭਰੋਸਾ ਦਿੱਤਾ | ਇਸ ਮੌਕੇ ਸੀਨੀਅਰ ਡੀ.ਓ.ਐਮ ਸ੍ਰੀ ਰਾਹੁਲ ਕੁਮਾਰ, ਸੀਨੀਅਰ ਡੀ.ਓ.ਐਮ ਜੀ ਰਿਤਿਕਾ ਬਸਿਸਟ, ਸੀਨੀਅਰ ਡੀ.ਸੀ.ਐਮ ਨਵੀਨ ਝਾਅ, ਸੀਨੀਅਰ ਕਮਾਡੈਂਟ ਅਰੁਣ ਤਿ੍ਪਾਠੀ, ਐਸ.ਪੀ ਯੋਗਿੰਦਰ ਸਿੰਘ, ਇੰਸਪੈਕਟਰ ਆਰ.ਪੀ ਐਫ ਦੀਪਕ ਦਹੀਆ, ਸਟੇਸ਼ਨ ਮਾਸਟਰ ਰਜਨੀਸ਼ ਕੁਮਾਰ ਆਰ ਪੀ ਐਫ ਧੂਰੀ ਦੇ ਚੌਂਕੀ ਇੰਚਾਰਜ ਗੁਰਪ੍ਰੀਤ ਸਿੰਘ ਅਤੇ ਸੀ ਐਮ ਆਈ ਨੀਰਜ ਕੁਮਾਰ ਅਤੇ ਮਨਪ੍ਰੀਤ ਸਿੰਘ ਆਦਿ ਵੀ ਹਾਜ਼ਰ ਸਨ |
