ਸੰਗਰੂਰ, 3 ਸਤੰਬਰ (ਧੀਰਜ ਪਸ਼ੋਰੀਆ) - ਸੰਗਰੂਰ ਸ਼ਹਿਰ ਵਿਚ ਗਲੀ ਗਲੀ ਗਣੇਸ਼ ਉਤਸਵ ਦੀ ਗੂੰਜ ਪੈ ਰਹੀ ਹੈ ਤੇ ਗਣਪਤੀ ਬਾਬਾ ਮੌਰੀਆ ਦੇ ਜੈਕਾਰੇ ਲੱਗ ਰਹੇ ਹਨ | ਇਸ ਦੌਰਾਨ ਵਿਧਾਇਕਾ ਨਰਿੰਦਰ ਕੌਰ ਭਰਾਜ ਨੇ ਅਨਾਜ ਮੰਡੀ ਸੰਗਰੂਰ ਵਿਚ ਗਣੇਸ਼ ਉਤਸਵ ਪੰਡਾਲ ਵਿਚ ਹਾਜ਼ਰੀ ਲਗਵਾਈ ਜਿੱਥੇ ਵੱਡੀ ਗਿਣਤੀ ਵਿਚ ਸੰਗਤ ਮੌਜੂਦ ਸੀ | ਮੰਡੀ ਗਲੀ ਵਿਚ ਸਜਾਏ ਗਣਪਤੀ ਉਤਸਵ ਦੇ ਪੰਡਾਲ ਵਿਚ ਵੀ ਵਿਧਾਇਕਾ ਭਰਾਜ ਵਲੋਂ ਹਾਜ਼ਰੀ ਲਗਵਾਈ ਗਈ | ਉਨ੍ਹਾਂ ਆਰਤੀ ਵਿਚ ਵੀ ਭਾਗ ਲਿਆ | ਉਨ੍ਹਾਂ ਕਿਹਾ ਕਿ ਇਹ ਤਿਉਹਾਰ ਸਾਡੀ ਭਾਈਚਾਰਕ ਸਾਂਝ ਨੂੰ ਮਜ਼ਬੂਤ ਕਰਦੇ ਹਨ | ਇਸ ਮੌਕੇ ਪੰਕਜ ਗਰਗ ਮੁੰਨਾ ਠੇਕੇਦਾਰ ਅਤੇ ਹੋਰ ਮੌਜੂਦ ਹਨ |
