ਅਮਰਗੜ੍ਹ, 4 ਸਤੰਬਰ (ਜਤਿੰਦਰ ਮੰਨਵੀ) - ਪਿਛਲੇ ਹਫ਼ਤੇ ਤੋਂ ਲਗਾਤਾਰ ਪੈ ਰਹੇ ਮੀਂਹ ਨੇ ਇਲਾਕੇ ਵਿਚ ਵੱਡੇ ਪੱਧਰ 'ਤੇ ਨੁਕਸਾਨ ਕੀਤਾ | ਅੱਜ ਨੇੜਲੇ ਪਿੰਡ ਮਾਨਵੀ ਦੀ ਵਸਨੀਕ ਬਜੁਰਗ ਅÏਰਤ ਦਲੀਪ ਕੌਰ, ਪਤਨੀ ਸਵ. ਗੁਰਦੇਵ ਸਿੰਘ ਦੇ ਘਰ ਦੀ ਛੱਤ ਦੇ ਚਾਰ ਖਣ ਅਚਾਨਕ ਤੇਜ਼ ਮੀਂਹ ਕਾਰਨ ਡਿੱਗ ਗਏ, ਜਿਸ ਨਾਲ ਕਾਫੀ ਨੁਕਸਾਨ ਹੋਇਆ | ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਦਲੀਪ ਕੌਰ ਆਪਣੇ ਵੱਡੇ ਪੁੱਤਰ ਦੇ ਘਰ ਨਹਾਉਣ ਗਈ ਸੀ | ਭਾਵੇਂ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਪਰ ਉਸ ਦੀ ਪੇਟੀ, ਅਲਮਾਰੀ ਅਤੇ ਹੋਰ ਕੀਮਤੀ ਸਾਮਾਨ ਮਲਬੇ ਹੇਠ ਦੱਬ ਕੇ ਤਬਾਹ ਹੋ ਗਿਆ | ਇਹ ਘਰ ਦਲੀਪ ਕੌਰ ਦੇ ਵੱਡੇ ਪੁੱਤਰ ਵੱਲੋਂ ਦਹਾਕੇ ਪਹਿਲਾਂ ਕਾਰਖ਼ਾਨੇ ਵਜੋਂ ਵਰਤਿਆ ਜਾਂਦਾ ਸੀ | ਆਪਣੇ ਦੋਵੇਂ ਪੁੱਤਰਾਂ ਤੋਂ ਵੱਖ ਰਹਿੰਦੀ ਇਸ ਬਜੁਰਗ ਅÏਰਤ ਦਾ ਘਰ, ਜਿਸ ਦੀ ਛੱਤ ਡਾਟਾਂ ਦੀ ਸੀ, ਹੁਣ ਮੁੜ ਉਸਾਰੀ ਦੀ ਉਡੀਕ ਵਿਚ ਹੈ | ਦਲੀਪ ਕੌਰ ਨੇ ਸਰਕਾਰ ਤੋਂ ਮਾਲੀ ਸਹਾਇਤਾ ਦੀ ਅਪੀਲ ਕੀਤੀ ਹੈ ਤਾਂ ਜੋ ਉਹ ਆਪਣਾ ਘਰ ਮੁੜ ਬਣਾ ਸਕੇ |
