ਜਖੇਪਲ, 5 ਸਤੰਬਰ (ਮੇਜਰ ਸਿੰਘ ਸਿੱਧੂ) - ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਬਾਰਸ਼ ਦੇ ਚੱਲਦਿਆਂ ਪਿੰਡ ਹੰਬਲਵਾਸ ਦੇ ਗਰੀਬ ਮਜ਼ਦੂਰ ਲਾਲ ਸਿੰਘ ਪੁੱਤਰ ਭਾਗ ਸਿੰਘ ਦੇ ਘਰ ਦਾ ਸਾਰਾ ਸਮਾਨ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਇਕਾਈ ਹੰਬਲਬਾਸ ਦੇ ਪ੍ਰਧਾਨ ਧਨ ਸਿੰਘ ਅਤੇ ਹੋਰ ਕਿਸਾਨ ਆਗੂਆਂ ਨੇ ਪਿੰਡ ਦੀ ਧਰਮਸ਼ਾਲਾ ਵਿਚ ਰਖਵਾ ਦਿੱਤਾ ਹੈ ਕਿਉਂਕਿ ਮਜ਼ਦੂਰ ਪਰਿਵਾਰ ਦਾ ਸਾਰਾ ਘਰ ਬਾਰਸ਼ ਦੇ ਚੱਲਦਿਆਂ ਪਾਣੀ ਨਾਲ ਚੋਣ ਲੱਗ ਗਿਆ ਸੀ ਤੇ ਕੰਧਾਂ ਵਿਚ ਤਰੇੜਾਂ ਆ ਗਈਆਂ ਸਨ ਜਿਸ ਨਾਲ ਮਕਾਨ ਡਿੱਗ ਕੇ ਕੋਈ ਜਾਨੀ ਨੁਕਸਾਨ ਨਾ ਕਰ ਦੇਵੇ | ਇਸੇ ਤਰਾਂ ਬਾਰਸ਼ ਦੇ ਚੱਲਦਿਆਂ ਗਰੀਬ ਕਿਸਾਨ ਮੁਖਤਿਆਰ ਸਿੰਘ ਪੁੱਤਰ ਗੁਰਚਰਨ ਸਿੰਘ ਤੂੜੀ ਵਾਲੇ ਕਮਰੇ ਦੀ ਕੰਧ ਅਤੇ ਛੱਤ ਵੀ ਡਿੱਗ ਗਈ | ਕਿਸਾਨ ਯੂਨੀਅਨ ਦੇ ਇਕਾਈ ਪ੍ਰਧਾਨ ਧਨ ਸਿੰਘ ਮਿਸ਼ਰੀ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਇਨ੍ਹਾਂ ਪਰਿਵਾਰਾਂ ਨੂੰ ਬਣਦਾ ਯੋਗ ਮੁਆਵਜ਼ਾ ਦਿੱਤਾ ਜਾਵੇ | ਇਸ ਮੌਕੇ ਪੀੜਤ ਵਿਅਕਤੀ ਲਾਲ ਸਿੰਘ, ਮੁਖਤਿਆਰ ਸਿੰਘ, ਕਿਸਾਨ ਆਗੂ ਹਰਬੰਸ਼ ਸਿੰਘ ਚੋਹਾਨ, ਜਰਨੈਲ ਸਿੰਘ, ਕੁਲਦੀਪ ਸਿੰਘ ਆਦਿ ਹਾਜਰ ਸਨ |
