ਸੰਗਰੂਰ, 5 ਸਤੰਬਰ (ਅਮਨਦੀਪ ਸਿੰਘ ਬਿੱਟਾ) - ਹੜ੍ਹ ਪੀੜਤਾਂ ਦੀ ਮਦਦ ਲਈ ਸੰਗਰੂਰ ਵਿਚ ਵੱਖ-ਵੱਖ ਸਮਾਜ ਸੇਵੀ ਸੰਸਥਾਵਾਂ ਦਿਨ ਰਾਤ ਕੰਮ ਕਰਦਿਆਂ ਪੀੜਤਾਂ ਨੂੰ ਰਾਸ਼ਨ ਅਤੇ ਹੋਰ ਸਮਗਰੀ ਮੁਹੱਈਆ ਕਰਵਾਉਣ ਵਿਚ ਲੱਗੇ ਹੋਏ ਹਨ | ਇਸੇ ਲੜੀ ਤਹਿਤ ਸਮਾਜ ਸੇਵੀ ਸੰਸਥਾ ਕਿ੍ਸ਼ਨਾ ਗਰੁੱਪ ਵਲੋਂ ਵੀ ਮਧੂ ਸ਼ਰਮਾ ਦੀ ਅਗਵਾਈ ਹੇਠ ਕੰਮ ਕੀਤਾ ਜਾ ਰਿਹਾ ਹੈ | ਕਿ੍ਸ਼ਨਾ ਗਰੁੱਪ ਦੀ ਅਹਿਮ ਮੈਂਬਰ ਪਿੰ੍ਰਸੀਪਲ ਮੰਜੂਲਾ ਸ਼ਰਮਾ ਨੇ ਦੱਸਿਆ ਕਿ ਮਧੂ ਸ਼ਰਮਾ ਦੀ ਰਹਿਨੁਮਾਈ ਹੇਠ ਪ੍ਰਤੀ ਦਿਨ ਬਣਿਆ ਹੋਇਆ ਭੋਜਨ, ਰਸਦ, ਪਾਣੀ, ਬਿਸਕੁਟ, ਦਵਾਈਆਂ ਆਦਿ ਹੜ੍ਹ ਪੀੜਤ ਇਲਾਕਿਆਂ ਵਿਚ ਭੇਜਿਆ ਜਾ ਰਹੀਆਂ ਹਨ | ਇਸ ਟੀਮ ਵਿਚ ਸੰਤੋਸ਼ ਨੀਰੂ ਤੁੱਲੀ, ਅਨੀਤਾ, ਬਿੱਟੂ, ਸੁਖਵਿੰਦਰ ਕੌਰ, ਕਵਿਤਾ ਸ਼ਰਮਾ, ਮੰਜੂ, ਗਿੰਨੀ, ਰਾਧਾ, ਸਵਿਤਾ ਰਾਣੀ ਸਰਗਰਮੀ ਨਾਲ ਸੇਵਾਵਾਂ ਨਿਭਾਅ ਰਹੀਆਂ ਹਨ |
