ਅਹਿਮਦਗੜ੍ਹ, 23 ਸਤੰਬਰ (ਸੁਖਜੀਤ ਸਿੰਘ ਖੇੜਾ) - ਨਾਨਕ ਸਰ ਠਾਠ ਈਸ਼ਰ ਦਰਬਾਰ ਬੜੂੰਦੀ ਵਲੋਂ ਸੰਤ ਬਾਬਾ ਅਮਰ ਸਿੰਘ ਬੜੂੰਦੀ ਵਾਲਿਆਂ ਦੇ ਅਸ਼ੀਰਵਾਦ ਨਾਲ ਆਨੰਦ ਈਸ਼ਰ ਸੀਨੀਅਰ ਸਕੈਂਡਰੀ ਪਬਲਿਕ ਸਕੂਲ ਛਪਾਰ ਵਿਖੇ ਸੀ.ਐਮ.ਸੀ. ਹਸਪਤਾਲ ਲੁਧਿਆਣਾ ਵਲੋਂ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ ਜਿਸ ਵਿਚ ਅੱਖਾਂ ਦੀਆਂ ਬਿਮਾਰੀਆਂ, ਕੰਨ, ਨੱਕ, ਗਲੇ ਸਬੰਧੀ ਰੋਗ, ਹੱਡੀਆਂ ਦੇ ਰੋਗ, ਮੈਡੀਸਨ, ਫੀਜੀਓਥਰੈਪੀ ਆਦਿ ਦੇ ਮਾਹਿਰ ਡਾਕਟਰ ਜਿੰਨਾ ਵਿਚ ਡਾਕਟਰ ਜੀ.ਪੀ. ਸਿੰਘ, ਡਾਕਟਰ ਕਿਰਪਾ ਅੰਨਾ, ਡਾਕਟਰ ਸਿਮਰਨ ਚਾਵਲਾ, ਡਾਕਟਰ ਪਲਕ, ਡਾਕਟਰ ਸੰਜੀਤ ਲਿੰਗਾਲਾ, ਡਾਕਟਰ ਗੀਤੰਜਲੀ, ਡਾਕਟਰ ਪਿ੍ਸੀਤਾ, ਡਾਕਟਰ ਨਵਦਾ ਸੈਨੀ ਆਦਿ ਦੀ ਟੀਮ ਨੇ ਤਕਰੀਬਨ 200 ਦੇ ਕਰੀਬ ਲੋਕਾਂ ਦੀ ਜਾਂਚ ਕੀਤੀ | ਮਰੀਜ਼ਾਂ ਨੂੰ ਦਵਾਈਆਂ ਮੁਫ਼ਤ ਦਿੱਤੀਆਂ ਗਈਆਂ | ਇਸ ਮੌਕੇ ਡਾਇਰੈਕਟਰ ਕਰਤਾਰ ਸਿੰਘ ਨੇ ਡਾਕਟਰਾਂ ਦੀ ਟੀਮ ਦਾ ਧੰਨਵਾਦ ਕੀਤਾ ਅਤੇ ਸਕੂਲ ਵਲੋਂ ਡਾਕਟਰਾਂ ਦਾ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਐਡਵੋਕੇਟ ਇੰਸਾਫ਼ ਸਿੰਘ, ਪ੍ਰਬੰਧਕ ਮੈਡਮ ਜਗਬੀਰ ਕੌਰ ਗਰੇਵਾਲ, ਵਾਈਸ ਪਿੰ੍ਰਸੀਪਲ ਮਨਪ੍ਰੀਤ ਕੌਰ ਤੇ ਸਟਾਫ਼ ਹਾਜ਼ਰ ਸੀ |
