ਅਹਿਮਦਗੜ੍ਹ, 27 ਸਤੰਬਰ (ਰਣਧੀਰ ਸਿੰਘ ਮਹੋਲੀ) - ਕੁਲ ਹਿੰਦ ਕਿਸਾਨ ਸਭਾ ਤਹਿਸੀਲ ਅਹਿਮਦਗੜ੍ਹ ਦੇ ਹੋਏ ਇਜਲਾਸ ਬਾਰੇ ਕਾਮਰੇਡ ਜਗਦੀਪ ਸਿੰਘ ਤਹਿਸੀਲ ਸਕੱਤਰ ਨੇ ਦੱਸਿਆ ਕਿ ਝੰਡੇ ਦੀ ਰਸਮ ਕਰਮ ਸਿੰਘ ਮਹੋਲੀ ਨੇ ਕੀਤੀ ਅਤੇ ਸ਼ਹੀਦ ਹੋਏ ਸਾਥੀਆਂ ਸੀਤਾ ਰਾਮ ਯੇਚੁਰੀ ਤੇ ਹੋਰਨਾਂ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫ਼ੁਲ ਭੇਟ ਕੀਤੇ ਗਏ | ਉਦਘਾਟਨੀ ਭਾਸ਼ਣ ਬਹਾਦਰ ਸਿੰਘ ਮਹੋਲੀ ਸੂਬਾ ਕਮੇਟੀ ਮੈਂਬਰ ਨੇ ਦਿੱਤਾ ਅਤੇ ਜਗਦੀਪ ਸਿੰਘ ਤਹਿਸੀਲ ਸਕੱਤਰ ਨੇ ਰਿਪੋਰਟ ਪੇਸ਼ ਕੀਤੀ ਅਤੇ ਜਿਸ ਉੱਪਰ ਵਿਚਾਰ ਵਟਾਂਦਰੇ ਉਪਰੰਤ ਉਸ ਨੰੂ ਸਰਬ ਸੰਮਤੀ ਨਾਲ ਪਾਸ ਕਰਦੇ ਹੋਏ ਨਵੀਂ ਤਹਿਸੀਲ ਕਮੇਟੀ ਅਹਿਮਦਗੜ੍ਹ ਦਾ ਪੈਨਲ ਐਲਾਨਿਆ ਗਿਆ | ਜਿਸ ਵਿਚ 15 ਮੈਂਬਰੀ ਕਮੇਟੀ ਦੇ 13 ਮੈਂਬਰ ਬਣਾਏ ਗਏ 2 ਨੂੰ ਖ਼ਾਲੀ ਰੱਖ ਲਿਆ | ਸਰਬ ਸੰਮਤੀ ਨਾਲ ਕਾਮਰੇਡ ਬਲਵਿੰਦਰ ਸਿੰਘ ਮਿੰਟਾ ਧਲੇਰ ਕਲਾਂ ਪ੍ਰਧਾਨ, ਕਾਮਰੇਡ ਤਾਹਿਰ ਖ਼ਾਨ ਸਕੱਤਰ ਅਤੇ ਗੁਰਦੀਪ ਸਿੰਘ ਵਿੱਤ ਸਕੱਤਰ ਚੁਣੇ ਗਏ | ਭਰਾਤਰੀ ਸੰਦੇਸ਼ ਕਾਮਰੇਡ ਅਬਦੁਲ ਸਤਾਰ ਸੀਟੂ, ਕਾਮਰੇਡ ਕਰਤਾਰ ਸਿੰਘ, ਸੂਬਾ ਮੀਤ ਪ੍ਰਧਾਨ ਕੁਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ ਨੇ ਦਿੱਤਾ | ਤਿੰਨ ਮੈਂਬਰ ਪ੍ਰਧਾਨਗੀ ਮੰਡਲ ਵਿਚ ਗੁਰਮੁਖ ਸਿੰਘ ਮਹੇਰਨਾ, ਹਰਮੀਤ ਸਿੰਘ ਸੀਟੂ , ਨਰੰਗ ਸਿੰਘ ਮਹੇਰਨਾ ਖੇਤ ਮਜ਼ਦੂਰ ਯੂਨੀਅਨ ਕਿਸਾਨ ਸਭਾ ਮੌਜੂਦ ਸਨ | ਕਾਮਰੇਡ ਗੁਰਮੁਖ ਸਿੰਘ ਨੇ ਸਮੂਹ ਵਲੰਟੀਅਰਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਹੜ੍ਹਾਂ ਦੀ ਕਰੋਪੀ ਕਾਰਨ ਘਰੋਂ ਬੇਘਰ ਹੋਏ ਲੋਕਾਂ ਦੀ ਸਹਾਇਤਾ ਜਾਰੀ ਰਹੇਗੀ |