ਸੰਗਰੂਰ

ਪੀ.ਪੀ.ਐੱਸ. ਚੀਮਾ ਵਲੋਂ ਵੰਦੇ ਮਾਤਰਮ ਦੇ 150 ਸਾਲ ਪੂਰੇ ਹੋਣ 'ਤੇ ਵਿਸ਼ੇਸ਼ ਸਭਾ ਕਰਵਾਈ <br/>

ਵੰਦੇ ਮਾਤਰਮ ਦੇ 150 ਸਾਲ ਪੂਰੇ ਹੋਣ 'ਤੇ ਵਿਸ਼ੇਸ਼ ਸਭਾ ਦੇ ਆਯੋਜਨ ਮੌਕੇ ਪੀ.ਪੀ.ਐੱਸ. ਚੀਮਾ ਦੇ ਵਿਦਿਆਰਥੀਆਂ ਨੇ ਦੇਸ ਭਗਤੀ ਦੀ ਲਹਿਰ 'ਚ ਪਾਇਆ ਹਿੱਸਾ | ਤਸਵੀਰ: ਜਗਰਾਜ ਮਾਨ <br/> 23-11-2025

ਚੀਮਾ ਮੰਡੀ, 22 ਨਵੰਬਰ (ਜਗਰਾਜ ਮਾਨ)-ਪੈਰਾਮਾਊਾਟ ਪਬਲਿਕ ਸਕੂਲ, ਚੀਮਾ ਵਿਖੇ 3 ਪੰਜਾਬ ਨੇਵਲ ਯੂਨਿਟ ਐਨ ਸੀ ਸੀ ਬਠਿੰਡਾ. ਦੇ ਕੈਪਟਨ ਇਸ਼ਰਾਜ ਸਿੰਘ ਦੀ ਦਿਸ਼ਾ-ਨਿਰਦੇਸ਼ ਹੇਠ ਵੰਦੇ ਮਾਤਰਮ ਦੇ 150 ਸਾਲ ਪੂਰੇ ਹੋਣ 'ਤੇ ਇੱਕ ਵਿਸ਼ੇਸ਼ ਸਭਾ ਦਾ ਆਯੋਜਨ ਕੀਤਾ ਗਿਆ | ਸਭਾ ਦੀ ਸ਼ੁਰੂਆਤ ਸਕੂਲ ਦੇ ਸਾਰੇ ਵਿਦਿਆਰਥੀਆਂ ਵਲੋਂ 'ਵੰਦੇ ਮਾਤਰਮ' ਗਾ ਕੇ ਕੀਤੀ ਗਈ, ਜਿਸ ਨਾਲ ਸਾਰੇ ਸਕੂਲ ਦੇ ਵਾਤਾਵਰਨ ਵਿਚ ਦੇਸ਼-ਭਗਤੀ ਦਾ ਮਾਹੌਲ ਬਣ ਗਿਆ | ਕੈਡਟ ਰਵਨੀਤ ਕੌਰ ਨੇ ਭਾਸ਼ਣ ਦਿੰਦੇ ਹੋਏ ਵੰਦੇ ਮਾਤਰਮ ਦੀ ਇਤਿਹਾਸਕ ਮਹੱਤਤਾ ਅਤੇ ਭਾਰਤ ਦੀ ਆਜ਼ਾਦੀ ਵਿਚ ਇਸ ਦੇ ਯੋਗਦਾਨ ਬਾਰੇ ਰੌਸ਼ਨੀ ਪਾਈ | ਇਸ ਸਮਾਗਮ ਵਿਚ ਲਗਭਗ 1500 ਵਿਦਿਆਰਥੀਆਂ, 100 ਅਧਿਆਪਕਾਂ ਅਤੇ 50 ਐਨ.ਸੀ.ਸੀ. ਕੈਡਿਟਾਂ ਨੇ ਉਤਸ਼ਾਹਪੂਰਵਕ ਭਾਗ ਲਿਆ, ਜਿਸ ਨਾਲ ਇਹ ਕਾਰਜ-ਕਰਮ ਬਹੁਤ ਹੀ ਵਿਸ਼ੇਸ਼ ਅਤੇ ਯਾਦਗਾਰ ਬਣ ਗਿਆ | ਸਕੂਲ ਦੇ ਚੇਅਰਮੈਨ ਜਸਵੀਰ ਸਿੰਘ ਚੀਮਾ ਨੇ ਵਿਦਿਆਰਥੀਆਂ ਨੂੰ ਦੇਸ਼ ਪ੍ਰਤੀ ਆਪਣੀ ਡਿਊਟੀ, ਜ਼ਿੰਮੇਵਾਰੀ ਅਤੇ ਅਟੱਲ ਵਿਸ਼ਵਾਸ ਪ੍ਰਤੀ ਪ੍ਰੇਰਿਤ ਕੀਤਾ | ਏ.ਐੱਨ.ਓ. ਕੇਵਲ ਸਿੰਘ ਵੀ ਪੂਰੇ ਸਮਾਗਮ ਦੌਰਾਨ ਮੌਜੂਦ ਰਹੇ ਅਤੇ ਪੂਰੀ ਕਾਰਵਾਈ ਦਾ ਸਫਲਤਾ ਨਾਲ ਸੰਚਾਲਨ ਕੀਤਾ | ਸਮਾਗਮ ਦਾ ਸਮਾਪਨ ਮਾਤ-ਭੂਮੀ ਨੂੰ ਸਮੂਹਕ ਸਲਾਮ ਦੇ ਨਾਲ ਕੀਤਾ ਗਿਆ, ਜਿਸ ਨਾਲ ਸਾਰੇ ਹਾਜ਼ਰੀਨ ਵਿਚ ਦੇਸ਼-ਭਗਤੀ ਦੀ ਨਵੀਂ ਲਹਿਰ ਜਾਗ ਗਈ | ਇਸ ਦੌਰਾਨ ਪਿ੍ੰਸੀਪਲ ਸੰਜੇ ਕੁਮਾਰ ਅਤੇ ਸਮੂਹ ਸਟਾਫ਼ ਮੈਂਬਰ ਹਾਜ਼ਰ ਸਨ |

ਪਿਛਲੀ ਖ਼ਬਰ ਲੈਬਾਰਟਰੀ ਐਸੋਸੀਏਸ਼ਨ ਨੇ ਮੀਟਿੰਗ ਦੌਰਾਨ ਭਖਵੇਂ ਮਸਲਿਆਂ ਨੂੰ ਲੈ ਕੇ ਕੀਤਾ ਵਿਚਾਰ-ਵਟਾਂਦਰਾ <br/> ਅਗਲੀ ਖ਼ਬਰ ਸੁਖਜਿੰਦਰ ਸਿੰਘ ਬਹਿਲ ਹਾਈਕੋਰਟ ਦੇ ਸੀਨੀਅਰ ਐਡਵੋਕੇਟ ਵਜੋਂ ਮਨੋਨੀਤ <br/>

ਪੀ.ਪੀ.ਐੱਸ. ਚੀਮਾ ਵਲੋਂ ਵੰਦੇ ਮਾਤਰਮ ਦੇ 150 ਸਾਲ ਪੂਰੇ ਹੋਣ 'ਤੇ ਵਿਸ਼ੇਸ਼ ਸਭਾ ਕਰਵਾਈ <br/>

ਸੰਬੰਧਿਤ ਖ਼ਬਰਾਂ