ਧੂਰੀ, 5 ਦਸੰਬਰ (ਲਖਵੀਰ ਸਿੰਘ ਧਾਂਦਰਾ)-ਸੰਤ ਰਾਮਪਾਲ ਮਹਾਰਾਜ ਦੀ ਦਹੇਜ ਮੁਕਤ ਸਮਾਜ ਬਣਾਉਣ ਦੀ ਪ੍ਰੇਰਕ ਮੁਹਿੰਮ ਤਹਿਤ ਸਤਲੋਕ ਆਸ਼ਰਮ ਧੂਰੀ ਵਿਖੇ ਇੱਕ ਸਾਦਗੀ ਭਰਪੂਰ ਤੇ ਪੂਰੀ ਤਰ੍ਹਾਂ ਦਹੇਜ ਰਹਿਤ ਵਿਆਹ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ | ਇਸ ਵਿਆਹ ਵਿਚ ਕਿਸੇ ਵੀ ਕਿਸਮ ਦੀ ਫ਼ਜ਼ੂਲ ਖ਼ਰਚੀ ਨਹੀਂ ਕੀਤੀ ਗਈ ਅਤੇ ਸੰਤ ਗਰੀਬ ਦਾਸ ਮਹਾਰਾਜ ਦੀ ਅੰਮਿ੍ਤ ਬਾਣੀ ਅਸੁਰ ਨਿਕੰਦਨ ਰਮੈਣੀ ਰਾਹੀਂ ਕੇਵਲ 17 ਮਿੰਟ ਵਿਚ ਵਿਆਹ ਦੀਆਂ ਸਭ ਰਸਮਾਂ ਸਾਦਗੀ ਨਾਲ ਪੂਰੀਆਂ ਹੋਈਆਂ | ਇਸ ਪਵਿੱਤਰ ਸਮਾਗਮ ਵਿਚ ਭਗਤ ਰਵੀ ਵਰਮਾ, ਪੁੱਤਰ ਮਹਾਵੀਰ ਪ੍ਰਸਾਦ ਵਰਮਾ ਅਤੇ ਮਾਤਾ ਸੰਤਰਾ ਦੇਵੀ, ਨਿਵਾਸੀ ਵਾਰਡ ਨੰਬਰ 8, ਪਚਾਰ, ਜ਼ਿਲ੍ਹਾ ਸੀਕਰ (ਰਾਜਸਥਾਨ), ਦਾ ਵਿਆਹ ਭੁਗਤਮਤੀ ਸੋਨੀਆ, ਪੁੱਤਰੀ ਵਿਨੋਦ ਕੁਮਾਰ ਅਤੇ ਮਾਤਾ ਲਕਸ਼ਮੀ ਦੇਵੀ, ਨਿਵਾਸੀ ਮਾਡਲ ਟਾਊਨ, ਜ਼ਿਲ੍ਹਾ ਪਟਿਆਲਾ, ਨਾਲ ਕਰਵਾਇਆ ਗਿਆ | ਸਮਾਜ ਨੂੰ ਦਹੇਜ ਦੀ ਕੁਰੀਤੀ ਤੋਂ ਮੁਕਤ ਕਰਨ ਅਤੇ ਸਾਦਗੀਪੂਰਨ ਜੀਵਨ ਜਿਊਣ ਵੱਲ ਪ੍ਰੇਰਿਤ ਕਰਨ ਵਾਲਾ ਇਹ ਵਿਆਹ ਸਾਰੇ ਸਮਾਜ ਲਈ ਇੱਕ ਪ੍ਰੇਰਣਾਦਾਇਕ ਉਦਾਹਰਨ ਹੈ |
