ਮੁੱਦਕੀ, 4 ਸਤੰਬਰ (ਭਾਰਤ ਭੂਸ਼ਨ ਅਗਰਵਾਲ)- ਮਾਂ ਕਾਲਕਾ ਮੰਦਰ, ਕਬਰਵੱਛਾ ਰੋਡ ਮੁੱਦਕੀ ਵਿਖੇ ਬਾਬਾ ਵਡਭਾਗ ਸਿੰਘ ਦਾ ਜਨਮ ਦਿਹਾੜਾ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਜਿਸ ਵਿਚ ਸਾਈਾ ਹਰਵਿੰਦਰ ਦਾਸ, ਮਾਤਾ ਸੁਖਪ੍ਰੀਤ (ਮੰਦਰ ਮਾਂ ਕਾਲਕਾ ਮੁੱਦਕੀ), ਸਾਈਾ ਨਿਰਮਲ ਦਾਸ ਡੇਰਾ ਯੋਗੀ ਪੀਰ (ਢੈਪਈ), ਬਾਬਾ ਮਲਕੀਤ ਦਾਸ ਗਊਸ਼ਾਲਾ ਬੀੜ ਸਿੱਖਾਂਵਾਲਾ ਤੋਂ ਇਲਾਵਾ ਇਲਾਕੇ ਭਰ ਦੀ ਸੰਗਤ ਨੇ ਹਾਜ਼ਰੀ ਭਰੀ | ਇਸ ਮੌਕੇ ਸਰਬੱਤ ਦੇ ਭਲੇ ਲਈ ਅਰਦਾਸ ਬੇਨਤੀ ਕੀਤੀ ਗਈ | ਪਹੁੰਚੀਆਂ ਧਾਰਮਿਕ ਸ਼ਖ਼ਸੀਅਤਾਂ ਵਲੋਂ ਬਾਬਾ ਜੀ ਦੇ ਜੀਵਨ 'ਤੇ ਵਿਸਥਾਰ ਸਹਿਤ ਚਾਨਣਾ ਪਾਇਆ ਗਿਆ | ਸਾਈਾ ਹਰਵਿੰਦਰ ਦਾਸ ਤੇ ਮਾਤਾ ਸੁਖਪ੍ਰੀਤ ਨੇ ਕਿਹਾ ਕਿ ਬਾਬਾ ਵਡਭਾਗ ਸਿੰਘ ਦੁਖੀਆਂ ਦੇ ਦੁੱਖ ਨਿਵਾਰਦੇ ਹਨ ਤੇ ਭੁੱਲਿਆਂ ਨੂੰ ਰਾਹੇ ਪਾਉਂਦੇ ਹਨ | ਸਾਈਾ ਹਰਵਿੰਦਰ ਦਾਸ ਅਤੇ ਮਾਤਾ ਸੁਖਪ੍ਰੀਤ ਵਲੋਂ ਹਾਜ਼ਰ ਸੰਗਤਾਂ ਨੂੰ ਇਸ ਦਿਹਾੜੇ ਦੀਆਂ ਵਧਾਈਆਂ ਦਿੱਤੀਆਂ ਗਈਆਂ |
