ਫਿਰੋਜ਼ਪੁਰ/ਫਾਜ਼ਿਲਕਾ / ਅਬੋਹਰ

ਹੜ੍ਹ ਪ੍ਰਭਾਵਿਤ ਇਲਾਕਿਆਂ 'ਚ ਪਹੁੰਚੇ ਗਾਇਕ ਦੀਪ ਢਿੱਲੋਂ ਤੇ ਵੀਰ ਸੁਖਵੰਤ <br/>

ਬੰਨ੍ਹ ਦੀ ਮਜ਼ਬੂਤੀ ਲਈ ਸਿਰਤੋੜ ਯਤਨ ਕਰ ਰਹੇ ਨੌਜਵਾਨ ਤੇ ਸਥਾਨਕ ਲੋਕ, ਗੱਲਬਾਤ ਕਰਨ ਮੌਕੇ ਗਾਇਕ ਦੀਪ ਢਿੱਲੋਂ, ਵੀਰ ਸੁਖਵੰਤ ਨਾਲ ਅਦਾਕਾਰ ਹਰਿੰਦਰ ਭੁੱਲਰ ਅਤੇ ਹੋਰ | ਅਜੀਤ ਤਸਵੀਰ <br/> 05-09-2025

ਫ਼ਿਰੋਜ਼ਪੁਰ, 4 ਸਤੰਬਰ (ਅਜੀਤ ਪ੍ਰਤੀਨਿਧ)- ਫਿਰੋਜ਼ਪੁਰ ਦੇ ਧੁੱਸੀ ਬੰਨ੍ਹ ਨੂੰ ਬਚਾਉਣ ਲਈ ਪਿਛਲੇ ਚਾਰ ਦਿਨਾਂ ਤੋਂ ਚੱਲ ਰਹੀ ਲੋਕ ਸੇਵਾ ਵਿਚ ਹੁਣ ਪੰਜਾਬੀ ਕਲਾਕਾਰ ਭਾਈਚਾਰਾ ਵੀ ਸ਼ਾਮਿਲ ਹੋ ਗਿਆ ਹੈ | ਇਸ ਮੌਕੇ ਪੰਜਾਬੀ ਸੰਗੀਤ ਜਗਤ ਦੇ ਮਸ਼ਹੂਰ ਗਾਇਕ ਦੀਪ ਢਿੱਲੋਂ ਤੇ ਵੀਰ ਸੁਖਵੰਤ ਨੇ ਮੌਕੇ 'ਤੇ ਪਹੁੰਚ ਕੇ ਨੌਜਵਾਨਾਂ ਦੇ ਜਜ਼ਬੇ ਨੂੰ ਸਲਾਮ ਕੀਤਾ | ਜ਼ਿਕਰਯੋਗ ਹੈ ਕਿ ਫਿਰੋਜ਼ਪੁਰ ਨਜ਼ਦੀਕ ਸੈਂਕੜੇ ਨੌਜਵਾਨ ਦਿਨ ਰਾਤ ਮਿੱਟੀ ਦੀਆਂ ਬੋਰੀਆਂ ਭਰਨ ਅਤੇ ਬੰਨ੍ਹ ਨੂੰ ਮਜ਼ਬੂਤ ਕਰਨ ਵਿਚ ਜੁਟੇ ਹੋਏ ਹਨ | ਜਿੱਥੇ ਖੁੱਲ੍ਹੇ ਲੰਗਰ ਚੱਲ ਰਹੇ ਹਨ, ਓਥੇ ਹਰ ਉਮਰ ਦੇ ਲੋਕ ਆਪਣੀ ਹਿੱਸੇਦਾਰੀ ਨਿਭਾ ਰਹੇ ਹਨ | ਗਾਇਕ ਦੀਪ ਢਿੱਲੋਂ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਅੱਜ ਜਿਨ੍ਹਾਂ ਨੌਜਵਾਨਾਂ ਨੂੰ ਨਸ਼ੇੜੀ ਕਹਿ ਕੇ ਬਦਨਾਮ ਕੀਤਾ ਜਾਂਦਾ ਸੀ, ਉਹੀ ਨੌਜਵਾਨ ਦਰਿਆ ਦੇ ਅੱਗੇ ਹਿੱਕ ਡਾਹ ਕੇ ਖੜੇ ਹਨ ਤੇ ਸਾਡੀ ਧਰਤੀ ਨੂੰ ਬਚਾ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਇਹ ਨੌਜਵਾਨੀ ਸਾਡੀ ਤਾਕਤ ਹੈ, ਪੰਜਾਬੀ ਨੌਜਵਾਨੀ ਨੂੰ ਜਦੋਂ ਮੌਕਾ ਮਿਲਦਾ ਹੈ, ਉਹ ਹਮੇਸ਼ਾ ਸਭ ਤੋਂ ਅੱਗੇ ਰਹਿੰਦੀ ਹੈ | ਕਲਾਕਾਰ ਵੀਰ ਸੁਖਵੰਤ ਨੇ ਵੀ ਸੇਵਾ 'ਚ ਭਾਗ ਲੈਣ ਦੇ ਨਾਲ-ਨਾਲ ਸਭ ਨੂੰ ਅਪੀਲ ਕੀਤੀ ਕਿ ਜੋ ਵੀ ਬੰਨ੍ਹ ਦੀ ਰੱਖਿਆ ਲਈ ਕੁੱਝ ਕਰ ਸਕਦੇ ਹਨ | ਉਹ ਜ਼ਰੂਰ ਆ ਕੇ ਆਪਣਾ ਯੋਗਦਾਨ ਪਾਉਣ | ਸੇਵਾ ਵਿਚ ਲੱਗੇ ਲੋਕਾਂ ਨੇ ਕਿਹਾ ਕਿ ਇਹ ਸਿਰਫ਼ ਇਕ ਬੰਨ੍ਹ ਨਹੀਂ ਸਾਡੀ ਜਾਨ ਹੈ | ਲੋਕੀਂ ਆਪਣੇ ਘਰ ਛੱਡ ਕੇ, ਰੋਜ਼ਮਰ੍ਹਾ ਦੀ ਜ਼ਿੰਦਗੀ ਤੋਂ ਸਮਾਂ ਕੱਢ ਕੇ ਸੇਵਾ ਵਿਚ ਜੁਟੇ ਹੋਏ ਹਨ | ਇਸ ਮੌਕੇ ਉਨ੍ਹਾਂ ਨਾਲ ਅਦਾਕਾਰ ਹਰਿੰਦਰ ਭੁੱਲਰ, ਡਾ: ਸਤਿੰਦਰ ਸਿੰਘ ਵੀ ਮੌਜੂਦ ਸਨ |

ਪਿਛਲੀ ਖ਼ਬਰ ਹਜਾਰਾ ਸਿੰਘ ਵਾਲਾ ਵਿਖੇ ਵਿਧਵਾ ਦਾ ਕੱਚਾ ਮਕਾਨ ਡਿੱਗਿਆ <br/> ਅਗਲੀ ਖ਼ਬਰ ਬਾਬਾ ਹਜਾਰਾ ਸਿੰਘ ਦੀ ਬਰਸੀ ਮਨਾਈ

ਹੜ੍ਹ ਪ੍ਰਭਾਵਿਤ ਇਲਾਕਿਆਂ 'ਚ ਪਹੁੰਚੇ ਗਾਇਕ ਦੀਪ ਢਿੱਲੋਂ ਤੇ ਵੀਰ ਸੁਖਵੰਤ <br/>

ਸੰਬੰਧਿਤ ਖ਼ਬਰਾਂ