22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 07-09-2025

ਨਗਰ ਕੌਂਸਲ ਦੀ ਢਿੱਲੀ ਕਾਰਗੁਜ਼ਾਰੀ ਦੇ ਚਲਦਿਆਂ ਕਬਜ਼ਾਧਾਰੀਆਂ ਦੇ ਹੌਸਲੇ ਬੁਲੰਦ, ਵੱਡੇ ਪੱਧਰ 'ਤੇ ਹੋ ਰਹੇ ਸ਼ਹਿਰ 'ਚ ਨਾਜਾਇਜ਼ ਕਬਜ਼ੇ <br/>

Ad Position 21
No active advertisement
ਦੁਕਾਨਦਾਰਾਂ ਵਲੋਂ ਦੁਕਾਨ ਤੋਂ ਦੂਰ ਸੜਕ 'ਤੇ ਲਗਾਏ ਹੋਏ ਸਾਈਕਲ ਤੇ ਹੋਰ ਸਾਮਾਨ (ਸੱਜੇ) ਦੁਕਾਨਾਂ ਦੇ ਬਾਹਰ ਬੇ-ਤਰਤੀਬੇ ਢੰਗ ਨਾਲ ਵਾਹਨ ਲਗਾ ਕੇ ਬੰਦ ਕੀਤਾ ਹੋਇਆ ਰਸਤਾ | ਤਸਵੀਰਾਂ-ਸੁਖਵਿੰਦਰ ਸਿੰਘ <br/> 07-09-2025
ਫ਼ਿਰੋਜ਼ਪੁਰ, 6 ਸਤੰਬਰ (ਸੁਖਵਿੰਦਰ ਸਿੰਘ)- ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ 'ਚ ਨਜਾਇਜ਼ ਕਬਜ਼ਿਆਂ ਦਾ ਸਿਲਸਿਲਾ ਲਗਾਤਾਰ ਵੱਧ ਰਿਹਾ ਹੈ | ਮੁੱਖ ਬਾਜ਼ਾਰ, ਸੜਕਾਂ ਦੇ ਕਿਨਾਰੇ ਅਤੇ ਸਰਕਾਰੀ ਜ਼ਮੀਨਾਂ 'ਤੇ ਕਬਜ਼ਾਧਾਰੀ ਧੜੱਲੇ ਨਾਲ ਆਪਣੀਆਂ ਦੁਕਾਨਾਂ ਅਤੇ ਢਾਂਚੇ ਖੜ੍ਹੇ ਕਰ ਰਹੇ ਹਨ | ਇਸ ਕਾਰਨ ਨਾ ਸਿਰਫ਼ ਟਰੈਫਿਕ ਜਾਮ ਦੀ ਸਮੱਸਿਆ ਪੈਦਾ ਹੋ ਰਹੀ ਹੈ, ਸਗੋਂ ਆਮ ਜਨਤਾ ਦੀ ਆਵਾਜਾਈ ਵੀ ਪ੍ਰਭਾਵਿਤ ਹੋ ਰਹੀ ਹੈ | ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਨਗਰ ਕੌਂਸਲ ਦੀ ਲਾਪਰਵਾਹੀ ਕਾਰਨ ਕਬਜ਼ਾਧਾਰੀਆਂ ਦੇ ਹੌਸਲੇ ਬੁਲੰਦ ਹਨ | ਜਿੱਥੇ ਚਾਹੁੰਦੇ ਹਨ ਉੱਥੇ ਫੜੀ ਲਗਾ ਲੈਂਦੇ ਹਨ, ਰੇੜ੍ਹੀਆਂ ਖੜ੍ਹੀਆਂ ਕਰ ਲੈਂਦੇ ਹਨ ਜਾਂ ਪੱਕੇ ਢਾਂਚੇ ਤਿਆਰ ਕਰ ਲੈਂਦੇ ਹਨ ਪਰ ਨਗਰ ਕੌਂਸਲ ਦੇ ਅਧਿਕਾਰੀ ਅੱਖਾਂ ਬੰਦ ਕਰਕੇ ਬੈਠੇ ਹਨ | ਇਸ ਸੰਬੰਧੀ ਜਦੋਂ 'ਅਜੀਤ' ਦੀ ਟੀਮ ਨੇ ਸ਼ਹਿਰ ਦੀ ਮੁੱਖ ਸੜਕਾਂ ਦਾ ਦੌਰਾ ਕੀਤਾ ਤਾਂ ਦੇਖਿਆ ਕਿ ਇੰਟਰਨੈਸ਼ਨਲ ਹੋਟਲ ਦੇ ਸਾਹਮਣੇ ਮਾਰਕੀਟ ਵਿਚ ਇਕ ਸੜਕ ਤੋਂ ਦੂਸਰੇ ਸੜਕ 'ਤੇ ਜਾਣ ਵਾਲਾ ਪੂਰਾ ਰਸਤਾ ਹੀ ਦੁਕਾਨਦਾਰਾਂ ਨੇ ਵਾਹਨਾਂ ਅਤੇ ਟੇਬਲ ਲਗਾ ਕੇ ਬੰਦ ਕਰ ਦਿੱਤਾ ਹੈ ਉੱਥੇ ਹੀ ਸਾਈਕਲਾਂ ਦੀ ਇਕ ਦੁਕਾਨ ਨੇ ਆਪਣੀ ਦੁਕਾਨ ਦੇ ਅੰਦਰੋਂ ਸਾਈਕਲ ਕੱਢ ਕੇ ਦੁਕਾਨ ਤੋਂ ਕਰੀਬ 20 ਫੁੱਟ ਦੂਰ ਸੜਕ 'ਤੇ ਲਗਾਏ ਹੋਏ ਹਨ ਜੋ ਕਿ ਮਾਰਕੀਟ ਅੰਦਰ ਚੱਲਣ ਵਾਲੇ ਲੋਕਾਂ ਦਾ ਰਾਹ ਰੋਕ ਰਹੇ ਹਨ | ਸ਼ਹਿਰ ਵਿਚ ਭਾਵੇਂ ਟਰੈਫਿਕ ਦੀ ਸਮੱਸਿਆ ਜ਼ਰੂਰ ਵੱਧ ਰਹੀ ਹੈ ਪਰ ਇਸ ਦਾ ਮੁੱਖ ਕਾਰਨ ਸ਼ਹਿਰ ਦੀ ਫਿਰਨੀ 'ਤੇ ਲੋਕਾਂ ਵਲੋਂ ਆਪਣੀਆਂ ਦੁਕਾਨਾਂ ਤੋਂ ਵੀ 10-10 ਫੁੱਟ ਬਾਹਰ ਨਿਕਲ ਕੇ ਸੜਕ 'ਤੇ ਕਬਜ਼ਾ ਕਰਨਾ ਇਸ ਦਾ ਮੁੱਖ ਕਾਰਨ ਬਣ ਗਿਆ ਹੈ | ਨਗਰਿਕਾਂ ਨੇ ਕਿਹਾ ਹੈ ਕਿ ਇਸ ਸਮੱਸਿਆ ਦਾ ਤੁਰੰਤ ਹੱਲ ਕੱਢਣ ਲਈ ਨਜਾਇਜ਼ ਕਬਜ਼ਿਆਂ ਖ਼ਿਲਾਫ਼ ਮੁਹਿੰਮ ਚਲਾਈ ਜਾਵੇ | ਉਨ੍ਹਾਂ ਦੀ ਮੰਗ ਹੈ ਕਿ ਨਗਰ ਕੌਂਸਲ ਜਾਗੇ ਤੇ ਸ਼ਹਿਰ ਨੂੰ ਕਬਜ਼ਾਧਾਰੀਆਂ ਦੀ ਪਕੜ ਤੋਂ ਮੁਕਤ ਕਰਵਾਏ | ਇਸ ਸੰਬੰਧੀ ਜਦ ਨਗਰ ਕੌਂਸਲ ਕਾਰਜਕਾਰੀ ਅਫ਼ਸਰ ਪੂਨਮ ਭਟਨਾਗਰ ਨਾਲ ਫ਼ੋਨ 'ਤੇ ਸੰਪਰਕ ਕਰਨਾ ਚਾਹਿਆ ਤਾਂ ਉਨ੍ਹਾਂ ਫ਼ੋਨ ਨਹੀਂ ਚੁੱਕਿਆ |

Ad Position 22
No active advertisement
ਪਿਛਲੀ ਖ਼ਬਰ ਸਤਲੁਜ ਦਾ ਤੇਜ਼ ਵਹਾਅ ਸਰਹੱਦੀ ਪਿੰਡ ਟੇਂਡੀ ਵਾਲਾ 'ਚ ਮਚਾਉਣ ਲੱਗਾ ਤਬਾਹੀ ਡਿਗਣ ਤੋਂ ਪਹਿਲਾਂ ਲੋਕ ਖ਼ੁਦ ਮਕਾਨ ਢਾਹੁਣ... ਅਗਲੀ ਖ਼ਬਰ ਭਾਰਤੀ ਫ਼ੌਜ ਦੀ ਵਜਰਾ ਕੋਰ ਦੀ ਗੋਲਡਨ ਐਰੋ ਡਵੀਜ਼ਨ ਰੁਕਨੇ ਵਾਲਾ ਬੰਨ੍ਹ ਨੂੰ ਮਜ਼ਬੂਤ ਕਰਨ 'ਚ ਜੁਟੀ
Ad Position 24