22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 28-09-2025

ਤਲਵੰਡੀ ਭਾਈ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਦਾ ਗਠਨ, ਪ੍ਰਦੀਪ ਢੱਲ ਬਣੇ ਪ੍ਰਧਾਨ <br/>

Ad Position 21
No active advertisement
ਤਲਵੰਡੀ ਭਾਈ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਦੇ ਚੁਣੇ ਗਏ ਪ੍ਰਧਾਨ ਪ੍ਰਦੀਪ ਢੱਲ ਅਤੇ ਕੈਸ਼ੀਅਰ ਦੇਵ ਗੁਪਤਾ ਸਾਥੀ ਮਿੱਲਰਾਂ ਨਾਲ | ਤਸਵੀਰ-ਕੁਲਜਿੰਦਰ ਸਿੰਘ ਗਿੱਲ <br/> 28-09-2025
ਤਲਵੰਡੀ ਭਾਈ, 27 ਸਤੰਬਰ (ਕੁਲਜਿੰਦਰ ਸਿੰਘ ਗਿੱਲ)-ਤਲਵੰਡੀ ਭਾਈ ਦੇ ਵੱਖ ਵੱਖ ਰਾਈਸ ਮਿੱਲਰਾਂ ਵਲੋਂ ਆਪਣੀਆਂ ਸਮੱਸਿਆਵਾਂ ਦੇ ਹੱਲ ਲਈ ਤਲਵੰਡੀ ਭਾਈ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਦਾ ਗਠਨ ਕੀਤਾ ਗਿਆ | ਇਸ ਸਬੰਧੀ ਰਾਈਸ ਮਿੱਲਰਾਂ ਦੀ ਬੈਠਕ ਆਰ.ਵੀ. ਰਾਈਸ ਮਿੱਲ ਵਿਖੇ ਹੋਈ ਜਿਸ ਵਿਚ ਰਛਪਾਲ ਸਿੰਘ ਕਰਮੂੰਵਾਲਾ, ਦਰਸ਼ਨ ਸਿੰਘ ਖੋਸਾ, ਓਮ ਪ੍ਰਕਾਸ਼ ਚੋਟੀਆਂ, ਹੀਰਾ ਲਾਲ ਪੁਰੀ, ਪ੍ਰਤਾਪ ਸਿੰਘ ਢਿੱਲੋਂ, ਬਲਵਿੰਦਰ ਸਿੰਘ ਢੱਲ, ਨਰੇਸ਼ ਕੁਮਾਰ ਢੱਲ, ਸੰਜੀਵ ਕੁਮਾਰ ਢੱਲ, ਸੰਜੇ ਮੌਂਗਾ, ਮਨਜੀਤ ਸਿੰਘ ਢਿੱਲੋਂ (ਕਵਾਲਿਟੀ), ਰੋਮੀ ਅਰੋੜਾ, ਸੁਰਿੰਦਰ ਕੁਮਾਰ ਮੰਗਲਾ, ਰਾਜਨਦੀਪ ਸਿੰਘ, ਵਿਸ਼ਾਲ ਗੋਇਲ ਆਦਿ ਰਾਈਸ ਮਿੱਲਰ ਸ਼ਾਮਿਲ ਸਨ | ਇਸ ਮੌਕੇ ਚਾਵਲ ਮਿੱਲ ਮਾਲਕਾਂ ਪੇਸ਼ ਆ ਰਹੀਆਂ ਸਮੱਸਿਆਵਾਂ 'ਤੇ ਵਿਚਾਰ ਚਰਚਾ ਕਰਨ ਉਪਰੰਤ ਤਲਵੰਡੀ ਭਾਈ ਰਾਈਸ ਮਿੱਲਰਜ਼ ਐਸੋਸੀਏਸ਼ਨ ਦਾ ਗਠਨ ਕੀਤਾ ਗਿਆ ਅਤੇ ਇਸ ਦੌਰਾਨ ਉਦਯੋਗਪਤੀ ਪ੍ਰਦੀਪ ਕੁਮਾਰ ਢੱਲ ਨੂੰ ਐਸੋਸੀਏਸ਼ਨ ਦਾ ਪ੍ਰਧਾਨ ਚੁਣ ਲਿਆ ਗਿਆ | ਜਦਕਿ ਦੇਵ ਗੁਪਤਾ ਐਸੋਸੀਏਸ਼ਨ ਦੇ ਕੈਸ਼ੀਅਰ ਚੁਣੇ ਗਏ | ਇਸ ਮੌਕੇ ਨਵੇਂ ਪ੍ਰਧਾਨ ਪ੍ਰਦੀਪ ਕੁਮਾਰ ਢੱਲ ਅਤੇ ਸਮੂਹ ਮੈਂਬਰਾਂ ਨੇ ਮਤਾ ਪਾਸ ਕਰਦੇ ਹੋਏ ਆੜ੍ਹਤੀਆਂ ਨੂੰ ਅਪੀਲ ਕੀਤੀ ਕਿ ਝੋਨੇ ਦੀ ਖਰੀਦ ਪ੍ਰਕਿਰਿਆ ਦੌਰਾਨ ਸਰਕਾਰ ਦੀਆਂ ਹਦਾਇਤਾਂ ਮੁਤਾਬਿਕ 17 ਫ਼ੀਸਦੀ ਨਮੀ ਵਾਲਾ ਝੋਨਾ ਹੀ ਗੱਟਿਆ ਵਿਚ ਭਰਿਆ ਜਾਵੇ ਕਿਉਂਕਿ ਇਸ ਤੋਂ ਵੱਧ ਨਮੀ ਦਾ ਮਿਕਦਾਰ ਵਾਲਾ ਝੋਨਾ ਰਾਈਸ ਮਿੱਲਰ ਲੈਣ ਤੋਂ ਅਸਮਰਥ ਹਨ | ਇਸ ਸਮੇਂ ਐਸੋਸੀਏਸ਼ਨ ਦੇ ਅਹੁਦੇਦਾਰਾਂ ਨੇ ਕਿਹਾ ਕਿ ਨਵੇਂ ਸੀਜ਼ਨ ਦੇ ਝੋਨੇ ਦੀ ਜਲਦੀ ਹੀ ਛੜਾਈ ਆਰੰਭ ਹੋ ਜਾਵੇਗੀ ਪਰ ਅਜੇ ਤੱਕ ਸਰਕਾਰੀ ਗੁਦਾਮਾਂ ਵਿਚ ਨਵੇਂ ਸੀਜ਼ਨ ਦਾ ਚੌਲ ਭੰਡਾਰ ਕਰਨ ਦੀ ਸਮਰੱਥਾ ਨਹੀਂ ਹੈ, ਜਿਸ ਕਾਰਨ ਰਾਈਸ ਮਿੱਲਰਾਂ ਲਈ ਵੱਡੀ ਸਮੱਸਿਆ ਖੜ੍ਹੀ ਹੋ ਜਾਵੇਗੀ | ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਗੁਦਾਮਾਂ ਵਿਚ ਭੰਡਾਰ ਕੀਤੇ ਚੌਲਾਂ ਦੀ ਤੁਰੰਤ ਨਿਕਾਸੀ ਕਰਵਾ ਕੇ ਰਾਈਸ ਮਿੱਲਾ ਤੋਂ ਤਿਆਰ ਹੋਣ ਵਾਲੇ ਚੌਲ ਲਈ ਭੰਡਾਰਨ ਸਮਰੱਥਾ ਬਣਾਈ ਜਾਵੇ |

Ad Position 22
No active advertisement
ਪਿਛਲੀ ਖ਼ਬਰ ਰੇਲਵੇ ਡਵੀਜ਼ਨਲ ਹਸਪਤਾਲ ਫ਼ਿਰੋਜ਼ਪੁਰ ਵਿਖੇ ਦੋ ਦਿਨਾ ਖ਼ੂਨਦਾਨ ਕੈਂਪ ਲਗਾਇਆ <br/> ਅਗਲੀ ਖ਼ਬਰ ਫ਼ਿਰੋਜ਼ਪੁਰ ਦੀ ਦਿਲਨਾਜ਼ਪ੍ਰੀਤ ਨੇ ਜੂਨੀਅਰ ਨੈਸ਼ਨਲ ਕਿੱਕ ਬਾਕਸਿੰਗ ਚੈਂਪੀਅਨਸ਼ਿਪ 'ਚ ਜਿੱਤਿਆ ਕਾਂਸੀ ਦਾ ਤਗਮਾ <br/>...
Ad Position 24