ਅਬੋਹਰ, 5 ਦਸੰਬਰ (ਵਿਵੇਕ ਹੂੜੀਆ)-ਅਰੋੜਾ ਵਿਕਾਸ ਮੰਚ ਪ੍ਰਧਾਨ ਗਗਨ ਚੁੱਘ ਦੀ ਅਗਵਾਈ ਹੇਠ ਸਮਾਜ ਸੇਵਾ ਦੇ ਖੇਤਰ ਵਿਚ ਸ਼ਲਾਘਾਯੋਗ ਕੰਮ ਕਰ ਰਿਹਾ ਹੈ | ਸੰਸਥਾ ਨੇ ਹੁਣ ਦੋ ਧੀਆਂ ਦੇ ਵਿਆਹ ਵਿਚ ਮਦਦ ਕੀਤੀ ਹੈ | ਸੰਸਥਾ ਦੇ ਪ੍ਰਧਾਨ ਗਗਨ ਚੁੱਘ ਨੇ ਦੱਸਿਆ ਕਿ ਦੋ ਆਰਥਿਕ ਤੌਰ 'ਤੇ ਕਮਜ਼ੋਰ ਲੜਕੀਆਂ ਦੇ ਪਰਿਵਾਰਾਂ ਨੇ ਅਰੋੜਾ ਵਿਕਾਸ ਮੰਚ ਨਾਲ ਸੰਪਰਕ ਕੀਤਾ | ਜਾਂਚ ਤੋਂ ਬਾਅਦ ਇਕ ਲੜਕੀ ਦੇ ਵਿਆਹ ਲਈ ਸਾਰਾ ਰਾਸ਼ਨ ਕੰਨਿਆਦਾਨ ਗਰੁੱਪ ਰਾਹੀਂ ਸੁਰੇਸ਼ ਅਰੋੜਾ ਭਿਵਾਨੀ ਤੋਂ ਲਿਆ ਗਿਆ ਸੀ ਅਤੇ ਦੂਜੀ ਲੜਕੀ ਦੇ ਵਿਆਹ ਲਈ ਸਾਰਾ ਰਾਸ਼ਨ ਡੋਨੀ ਮੱਕੜ ਨੇ ਆਪਣੇ ਪੁੱਤਰ ਜਯੰਤ ਮੱਕੜ ਦੇ ਕੈਨੇਡਾ ਦਾ ਪੀ.ਆਰ ਮਿਲਣ ਦੀ ਖ਼ੁਸ਼ੀ ਵਿਚ ਲਿਆ ਸੀ, ਜਿਸ ਲਈ ਮੰਚ ਨੇ ਧੰਨਵਾਦ ਪ੍ਰਗਟ ਕੀਤਾ | ਇਸ ਮੌਕੇ ਗਗਨ ਚੁੱਘ, ਸੋਨੂੰ ਕਟਾਰੀਆ, ਰਿਤੀਸ਼ ਮੌਜੂਦ ਸਨ, ਜਿਨ੍ਹਾਂ ਨੇ ਲਾੜੇ-ਲਾੜੀ ਲਈ ਖ਼ੁਸ਼ਹਾਲ ਵਿਆਹੁਤਾ ਜੀਵਨ ਦੀ ਕਾਮਨਾ ਕੀਤੀ | ਹੁਣ ਤੱਕ ਮੰਚ ਇਸ ਲੜਕੀ ਸਮੇਤ 141 ਲੜਕੀਆਂ ਦੇ ਵਿਆਹ ਵਿਚ ਮਦਦ ਕਰ ਚੁੱਕਾ ਹੈ | ਜਿਸ ਲਈ ਮੰਚ ਨੇ ਸਾਰੇ ਦਾਨੀ ਲੋਕਾਂ ਦਾ ਧੰਨਵਾਦ ਕੀਤਾ ਹੈ |
