ਪੰਜੇ ਕੇ ਉਤਾੜ, 23 ਦਸੰਬਰ (ਪੱਪੂ ਸੰਧਾ)-ਸਥਾਨਕ ਮੰਡੀ ਪੰਜੇ ਕੇ ਉਤਾੜ ਵਿਚ ਬੀਤੀ ਰਾਤ ਦੋ ਧਿਰਾਂ ਵਿਚ ਹੋਈ ਲੜਾਈ ਵਿਚ ਗੋਲੀਆਂ ਚਲੀਆਂ ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ | ਰਾਤ ਕਿਸ਼ੋਰ ਚੰਦ ਪੰਜੇ ਕੇ ਨੇ ਆਪਣੇ ਨਾਲ ਬਾਹਰੋਂ ਬੰਦੇ ਬੁਲਾ ਕੇ ਜੇ.ਸੀ.ਬੀ ਨਾਲ ਲੈ ਕੇ ਰਸਤੇ ਨੂੰ ਪੁੱਟਣਾ ਸ਼ੁਰੂ ਕਰ ਦਿੱਤਾ | ਦੋਨਾਂ ਧਿਰਾਂ ਦਾ ਰੌਲਾ ਖੂਹ ਦੇ ਅਹਾਤੇ ਅਤੇ ਰਸਤੇ ਨੂੰ ਲੈ ਕੇ ਸੀ | ਜਾਣਕਾਰੀ ਦਿੰਦਿਆਂ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਰਾਤ ਕਈ ਫਾਇਰ ਕੀਤੇ ਗਏ ਅਤੇ ਹੱਥੋ ਪਾਈ ਵੀ, ਦੂਜੀ ਧਿਰ ਸੋਹਣ ਲਾਲ ਨੇ ਦੱਸਿਆ ਕਿ ਕਿਸ਼ੋਰ ਚੰਦ ਹੋਰਾਂ ਦੀ ਪਾਰਟੀ ਨੇ ਰਾਤ ਰਸਤਾ ਪੁੱਟਿਆ ਅਤੇ ਗੋਲੀਆਂ ਵੀ ਚਲਾਈਆਂ ਰਸਤਾ ਸਰਕਾਰੀ ਦੱਸਿਆ ਜਾਂਦਾ ਹੈ | ਰਸਤੇ 'ਤੇ ਖੜਵੰਜਾ ਲੱਗਿਆ ਹੋਇਆ ਹੈ ਕਿਸ਼ੋਰ ਚੰਦ ਦੀ ਪਾਰਟੀ ਨੇ ਰਸਤਾ ਪੁੱਟ ਕੇ ਟਰਾਲੀਆਂ ਵਿਚ ਪਾ ਕੇ ਲੈ ਗਿਆ | ਇਹ ਰਸਤਾ ਕਈ ਘਰਾਂ ਨੂੰ ਵੀ ਲੱਗਦਾ ਹੈ ਘਰਾਂ ਵਿਚ ਵੀ ਰੋੜੇ ਮਾਰੇ ਗਏ | ਪੁਲਿਸ ਰਾਤ ਮੌਕੇ 'ਤੇ ਪਹੁੰਚ ਕੇ ਦੋਨਾਂ ਧਿਰਾਂ ਨੂੰ ਨਿਖੇੜਿਆ ਅਤੇ ਐੱਸ.ਐੱਚ.ਓ ਗੁਰਜੰਟ ਸਿੰਘ ਮੌਕੇ 'ਤੇ ਪਹੁੰਚੇ ਸਨ ਸਵੇਰ ਹੰੁਦਿਆਂ ਡੀ.ਐੱਸ.ਪੀ ਰਾਜਵੀਰ ਸਿੰਘ ਵੀ ਮੌਕੇ 'ਤੇ ਗਏ ਅਤੇ ਉਨ੍ਹਾਂ ਕਿਹਾ ਕਿ ਪੁੱਛਗਿੱਛ ਕਰਕੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ | ਜਿਸ ਵਿਚ ਪੁਲਿਸ ਨੇ ਦੱਸਿਆ ਕਿ 3 ਬੰਦਿਆ ਦੀ ਪਛਾਣ ਹੋਈ ਹੈ ਅਤੇ ਬਾਕੀ ਕਈ ਅਣਪਛਾਤੇ ਹਨ | ਦੱਸਿਆ ਜਾਂਦਾ ਹੈ ਕਿ ਪਿਸਤੌਲ 2 ਅਣਚੱਲੇ ਕਾਰਤੂਸ ਵੀ ਮੌਕੇ 'ਤੋਂ ਬਰਾਮਦ ਹੋਏ ਹਨ | ਦੋਸ਼ੀਆਂ ਨੇ ਮੋਹਣ ਲਾਲ ਨੰਬਰਦਾਰ ਦੇ ਘਰ 'ਤੇ ਹਮਲਾ ਕੀਤਾ ਅਤੇ ਇੱਟਾਂ ਰੋੜੇ ਚਲਾਏ ਖ਼ਬਰ ਲਿਖੇ ਜਾਣ ਤੱਕ ਕੋਈ ਵੀ ਗਿ੍ਫ਼ਤਾਰੀ ਨਹੀਂ ਹੋਈ ਸੀ |
