ਗੋਲੂ ਕਾ ਮੋੜ, 23 ਦਸੰਬਰ (ਪੁਪਨੇਜਾ)-ਗੁਰੂ ਨਾਨਕ ਹਸਪਤਾਲ ਗੁਰੂਹਰਸਹਾਏ ਵਿਖੇ ਦਿਲ ਦੇ ਰੋਗਾਂ ਅਤੇ ਨਿਊਰੋ ਦਾ ਮੁਫ਼ਤ ਚੈੱਕਅਪ ਕੈਂਪ 24 ਦਸੰਬਰ ਨੂੰ ਲਗਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਗੁਰੂ ਨਾਨਕ ਹਸਪਤਾਲ ਦੇ ਐਮ.ਡੀ ਡਾ. ਮਾਨਿਕ ਮਦਾਨ ਨੇ ਦੱਸਿਆ ਕਿ ਅਮਨਦੀਪ ਹਸਪਤਾਲ ਫ਼ਿਰੋਜ਼ਪੁਰ ਦੇ ਸਹਿਯੋਗ ਨਾਲ ਦਿਲ ਦੇ ਰੋਗਾਂ ਅਤੇ ਨਿਉਰੋ ਦਾ ਮੁਫ਼ਤ ਜਾਂਚ ਕੈਂਪ ਲਗਾਇਆ ਜਾ ਰਿਹਾ ਹੈ | ਜਿਸ ਵਿਚ ਦਿਲ ਦੇ ਰੋਗਾਂ ਦੇ ਮਾਹਿਰ ਡਾ. ਹਕੀਮ ਇਫਰਾਮ ਸ਼ੌਕਤ ਅਤੇ ਡੀ.ਐਮ ਨਿਊਰੋ ਦੇ ਡਾ. ਆਰਿਫ਼ ਹੁਸੈਨ ਵਲੋਂ ਮਰੀਜ਼ਾਂ ਦਾ ਮੁਫ਼ਤ ਚੈੱਕਅਪ ਕੀਤਾ ਜਾਵੇਗਾ | ਡਾ. ਮਾਨਿਕ ਮਦਾਨ ਵਲੋਂ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਇਸ ਕੈਂਪ ਵਿਚ ਪਹੁੰਚ ਕੇ ਦਿਲ ਦੇ ਰੋਗਾਂ ਦੇ ਅਤੇ ਨਿਊਰੋ ਦੇ ਰੋਗਾਂ ਸਬੰਧੀ ਮੁਫ਼ਤ ਸਲਾਹ ਲੈਣ ਦੀ ਬੇਨਤੀ ਕੀਤੀ ਹੈ |
