ਕੋਟਫੱਤਾ, 1 ਸਤੰਬਰ (ਰਣਜੀਤ ਸਿੰਘ ਬੁੱਟਰ)-ਪਿੰਡ ਕੋਟਸ਼ਮੀਰ ਦੇ ਵਾਰਡ ਨੰਬਰ 9 ਦੇ ਵਸਨੀਕ ਆਰ ਐਮ ਪੀ ਡਾਕਟਰ ਵਜੋਂ ਪਿੰਡ ਵਿਚ ਆਪਣੀਆਂ ਸੇਵਾਵਾਂ ਨਿਭਾਅ ਰਹੇ ਰਾਮ ਸਿੰਘ ਪੁੱਤਰ ਨਾਹਰ ਸਿੰਘ ਦੀ ਕਰੇਟਾ ਗੱਡੀ ਨੰਬਰ ਪੀ ਬੀ 03 ਬੀ ਆਰ 9778 ਆਪਣੇ ਘਰ 'ਚ ਖੜੀ ਸੀ ਕਿ ਗੁਆਂਢੀ ਸ਼ਰਨਜੀਤ ਸਿੰਘ ਦੀ ਕੰਧ ਬੀਤੀ ਰਾਤ 12 ਕੁ ਵਜੇ ਕਰੇਟਾ ਗੱਡੀ ਉਪਰ ਆ ਡਿੱਗੀ ਜਿਸ ਨਾਲ ਗੱਡੀ ਪੂਰੀ ਤਰ੍ਹਾਂ ਨੁਕਸਾਨੀ ਗਈ | ਡਾਕਟਰ ਰਾਮ ਸਿੰਘ ਅਨੁਸਾਰ ਉਸ ਦਾ ਗੱਡੀ ਦਾ ਲੱਗਭੱਗ 3 ਲੱਖ ਦਾ ਨੁਕਸਾਨ ਹੋਇਆ ਹੈ | ਡਾਕਟਰ ਵਲੋਂ ਬੁਲਾਈ ਗਈ ਪੰਚਾਇਤ ਵਿਚ ਸ਼ਰਨਜੀਤ ਸਿੰਘ ਨੇ ਗੱਡੀ ਠੀਕ ਕਰਵਾਉਣ ਦੀ ਗੱਲ ਮੰਨੀ ਹੈ | ਸ਼ਰਨਜੀਤ ਸਿੰਘ ਨਾਲ ਸੰਪਰਕ ਕਰਨਾ ਚਾਹਿਆ ਪਰ ਸੰਪਰਕ ਨਹੀਂ ਹੋ ਸਕਿਆ |
